الزحمة .. مشكلة اجتاحت شوارعنا منذ فترة طويلة ..
و كــ حل لهذه المشكلة تم اطلاق المرحلة الأولى منه في 1- 7 - 2007
و المرحلة الثانية في التاسع من هذا الشهر ..



تفاووت اراء الجماهير حول سالك
فمنهم لم يأبه لوجود سالك
و منهم من بدأ يأخذ طرق بديلة
و منهم من لم يغير طريقه من اجل سالك .. ولكنه كان يهرب من سالك ..!!



فهل يا ترى استطاع سالك ان يجعل الشوارع سالكة .. ؟!
أم أن كابوس الزحمة ما زال يطارد مرتادي شوارع دبي .. ؟!


المزوحي

"المهم براي إنه فكرة سالك يوم فرضوها علينا على جسر القرهود عسب باجي السيارات تتوزع
في اماكن ثانيه ويستخدمون طرقات بديلة ... لكن إذا ركبوا سالك على المكتوم احس
بتصير زحمة اكثر على مكان واحد مثل المعبر المائي ومعبر الخليج ..."


شمعة أمل

" الغلط مب من سـالك.. الغلط من شوارعـنا الملخبطه.
مـا روم انكر انه في أماكن وين سالك خفف الزحمه فيها.. لكن الشوارع الثانيـه لاتطاااااااق.. نفس شارع الوصل والصفوح! ومب حلوه الصراحه لانها مناطق سكنيـه.. خطر على اليهال
المفروض يحطون سالك عند دخول الناس من امارات الثانيـه.. نفس الى ياين من الشارجه ولا من بوظبي.. وقبل ما الناس يدخلون شارع شيخ زايد.. مب في نص الشارع..
أحس انه سالك مابينجح لانه محطوط في الاماكن الغلط.. واذا بعد يبونه ينجح لازم يعدلون شوارعنـا"


ما يهزك ريح

"انا شخصيا ملاحظ انه خفف الزحمة ..
وخصوصا دربي لجبل علي كان يوميا اقل شي اوقف من ساعه ..واكثر ..
مع انه قبل كمن سنه كنت آخذ من بيتنا لجبل علي 20 دقيقه بالكثير ..
احس انه شي زين انه يشغلون سالك في اماكن يديده .. لأنه الناس كانوا يتفادون اللي على جسر البرشاء ويردون من جسر الصفا ..
الحين ما بيسوون هالحركه .. وبيدورون الشوارع البديله ..
عندج معبر الخليج .. دايما خالي .. خصوصا اني اكون طالع من زحمة شارع زايد ..
اكتشف انه معبر الخليج خاااااااااااالي هو وشارع الخيل ..
المشكله في الناس اللي ما ايدورون شوارع بديله .. عشان ما ايسببون زحمة "


خيال الحب

"ايجابيات سالك .. الي يبغي يروح في شارع مافيه زحمه يدفع فلوس ويدخل في سالــك.. والي مايبغــي يدفع فلوس..في طرق بديــله موفرتنهاا الدوله..
وطبــعا فلوس سالــك ما تروح في جيــب اي حــد.. هالفــلوس حــكومة دبــي يزاهــا الله خيــر قاعــده تعــدل فيهــا الشوارع وتــبنــي شوارع يديـــده ومرتــبه عشــان تقــلل من الزحمــه ..
أما سلبياته .. الرسوم المفروضــه عاليـــه .. في نــاس تقــدر تدفــع وفي نــاس مساكيــن ع قد حالهــم
و في نااس اتيــها بطاقات سالك ببلاش.. فهــم ما يعــانون نفس عامــة الشعــب.. فلو كااان ستين الف سالك.. الامور طيــبه عندهم مــب هامــنهم شـــي
في النهـــايـــه.. مع وجــود سالـــك ,, بعــدهــا الزحمـــه موجـــوده.. الله يخلي المهنــده
لو الرسوم الي تنــفرض قــليــله يكون احســـن..والسالفه مصخت وايد ياخوفي اهل دبي يحطون حق كل واحد سالك يوم يدخل ويطلع من البيت"