أعتـرف بأن اليوم كان مب طبيعي بالنسبة لي ..

السبب الأول //
عندي امتحان الساعه 11 ووصلت الجامعة عالوقت ..
والشرطي ما طاع يدخلني بحجة إنه مب ملصق الستكر .. بما إني راويته الاستكر .. قتله بلصقه
بس الحين ما روم عقب بلصقه .. قالي لا ما شي .. وقف سيارتك بررع ..

اهنه ضررب فيوز العناد عندي ،، وقلت يا أنا يا هوو ..
قتله ما بلصق الستكر وبدخل بعد ، وتم يهدد أونه بتصل في الدورية عسب اتي وعطني لليسن والملكية
فرييت عليه الليسن والملكية وقتله أنا ما عندي شغل .. بسير امتحن وعقب الأمتحان يااينك وبتفااهم وياك
وتميينا على هالحالة .. ويوم شاف إني شااد عليه بالرمسة ومب مسوله سالفة .. قالي أخووي اسمحلي وهاي قوانين من عميد الجامعة انهم ما يدخلون الطلاب وهم مب ملصقين الستكر
خلك جي وارمس شرا الأوادم عسب احتررمك . . الامتحان بيتأجل ، بس الرمسة إلي فـ خاطري ما تتأجل .. ظهررت حررتي فيه .. الحمدلله

السبب الثاني //
ظهرت عقب الامتحان .. سررت شربت لي شي .. ويوم ردييت أشوف واحد عنده لكزس لف عليه وانا يااي مسررع
إنزين عنبوك حششم ع الأقل ياي مسررع والله لو دعمتك مب لكزس .. بخليك تستوي كورولا .. والحين الحبيب معااند مب طايع يخووز وعالمطبة يتمشى شوي شوي .. وانا رقدت عالهرررن لين ما قلت بس .. وأبا أحصل مجال بس عسب ألف عليه وادح بريك وأخلييه يدعمني من ورا ويطلع هو الغلطاان .. بس للأسف ما حصلت .. وعقب شفته لف صوب جامعة البنات .. شكلها بنية .. الموتر مخفيه قو وما عرفت منو يسووق ..

السبب الثالث //
بسبة أسلوب خاايس من أحد الطلاب في النقاش مع الدكتور حول موضوع التصحيح لأوراق الامتحان .. الدكتور اتنررفز .. وعطاانا برووجكت يشيب الطفل .. وتسليمه تاريخ 1/12 .. وغير ها قالنا إنه امتحان الفاينل بيكون شامل المنهج كاامل ، وبييبه بالطريقة إلي تعيبني .. وهالمادة رووحي متوهق فيها وأبا أييب الـ 60 عسب أنجح بس ..

الله يعيينا بس ..