اعتـــرافاتنا .. مع عيال زايد

**أنامل قلب** · 16-12-09 ||, 08:57 PM

أعترف ،، احساس ماهو طبيعي ، ماني عارفه وين اصرفه ،
مادري حتى كيف اوصفه ، ولا إن كنت عارفه شوللي حاسه به ، وسببه ..

أعترف ،، وكأن خلاص ، صايره إنسانه مالها أي رد فعل ،
بس تستقبل وتستقبل وتستقبل ، وما يهم ..

أعترف ،، ما أحب لمن أوصل لمثل هالمرحلة ،
أصير عادي بأي وقت دمعتي تنزل لا إرادي ، وكأن مالي سلطه عليها ..

أعترف ،، حزينه جدا ..

**أنامل قلب** · 19-12-09 ||, 11:38 AM

أعترف إني وايد أسكت ، وايد وايد أسكت ،
مع إني ما أشتهيه ، وأحسبه مر ..

أعترف إن بأحيان نخاف نبدي ولو كلمه ،
لأن هالكلمه بتجر كلمه ، وكلمه ثم كلمه ،
وبتفتح علي باب ما أبي أفتحه ..

أعترف إن الضيجه مادريبها نقمة أم نعمة ،
وإن الحزن صار لي صاحب ..

**أنامل قلب** · 24-12-09 ||, 03:42 PM

أعترف / تعرفون شلون لمن تكونون وايد مضايجين ،
وبنفس الوقت تحسون بشي جميل ، ماتدرون شنو اهوه ولا إن كان شي جميل فعلا ..!

**مجموعة إنسان** · 24-12-09 ||, 03:50 PM

أعترف

انصدمت قبل شوي

في وحده كنت متابع لأعمالها في موقع ثاني قبل 3 ايام توفت في حادث

**أنامل قلب** · 24-12-09 ||, 04:00 PM

الله يسامحك ..

**أنامل قلب** · 24-12-09 ||, 04:22 PM

أعترف / ما أحب هالأخبار ،
ماعرف كيف قمت أحس ..

~

ربي يرحم موتى المسلمين جميعا ،
ويصبر أهل كل فقيد ، ويثبتنا ..

**دمعة شوق** · 25-12-09 ||, 06:25 PM

اعترف ..

مابي ادعي عليك !

**حلم الطفوله** · 30-12-09 ||, 10:20 PM

اعترف

إنه الزجمه السنه مب طايعه تفج عني !!! جنها لزقة عنزروت ما تنفج

اعترف

إنه هالفتره وااايد أتكربع يوم أمشي .... فرجاء حار جدا جدا !!! لا تطروني واااااااايد مب زين جييييييييه العبي كلها اطرطرت

اعترف

إني وااااااااايد أحب الواحات وأهلها