اعتـــرافاتنا .. مع عيال زايد

[طير الغرام]

أعتــرف

إنــه الوحـده ذابحتنــي =(

[تحفه]

اعترف اني ملانه .... يالسه في البيت جني شبح محد في البيت :(

[عفاريتووو]

اعترف
ماعرف شو اقووول
بعدني مصدوومة بس هاي هي الدنيا اللهم لا اعتراض

كلهم كانوا يالسين يعلبون عند الوادي
سبحان الله بنفس الوقت طاحت سياارة من الشارع اللي فوق و انجلبت
و الحمدالله ان اللي في السيارة ما صار فيهم شي
بس الصدمة !
شمسة اللي طيحتها السيارة في الوادي
شلااها ابووووها على طوووول و مااتت على ايده :(
الله يرحمج يا شمسة و يصبر امج و ابووج

سبحان الله امها و ابووها كان حبهم لها هي بالذات غيير
و ما دخلووها المدرسة للحين ما كانوا يبونها تفاارقهم لو شوي
جنهم كانوا حاسين انها بترووح منهم بهالسرعة :(

لا حول ولا قوة الا بالله
الحياااة وايييييد صعبة يوم تفارقوون اللي تحبوونهم

[مــهــابه]

^
دريـت عـنهـآ ، آمس آبـويـه يخـبرني
سـبحـآن الله ، هـذآ يومهـآ ، قضـاء وقـدر

طـآلعـين يـتمشـون رجعـوا بـجنـآزه "فلذه كبدهم "

الله يرحمهـآ ويصبـرهم

[رمــش الغـــلا]

^ الله يرحمهــآ ويصبر أهلـها

صعب فرآق الضنــآ .!

[أنامل قلب]

أعترف // بهالموضوع ، في شغله وصفة جدا جدا جدا تهمني ،
وسبحان الله كيف ربنا راد إني أبدي هالفعل بذاك الوقت واللي لولاه جان مادريت ..

أعترف // كما أظنني [ وايد كان بيأثر فيني بالسلب لو ان الموضوع كمل واكتمل !
والغريب ان انفتح بعد ما خلصت الاجراءات مباشره ،
وتكرر من طرف ثاني من قريب ..

[ الحمدلله اني كنت مستخيره ، وما خلصت الاجراءات إلا عن قناعة ..

أعترف // كلن منا يحط آمال ، شغلات يحبها ، يحتاجها ، يتمناها ،
وشغلات لو ما انوجدت ما بيقدر يكمل ، لأنها من الأساسيات عندي ..

أعترف // وايد مستغربة من كيفية تتابع بعض الأحداث ، سبحان الله ،
وشلون لمن نقوم بفعل ماندري شو بيتركلنا ، ولـ وين بيرسينا ~ ....

أعترف // كنت خايفة ، والحين !

,

ربي يجعله دائما خير ،
ويهدينا دائما للخير ،
ولا يرزقنا إلا ذلك ~ ....

[دمعة شوق]

الله يرحمها ياربي ،،
الله يصبرهم آن شاءالله ،،

[بنت الدلع]

الله يرحمها ان شاء الله ويصبر اهلها

===
أعترف
ان الجامعه مايعطونا اجازه على فاضي

اعترف
ان الاساتذه ماخلو بروجكت فخاطرهم ماعطونا اياه

اعترف
ان التسليمات كلها بعد اسبوع

اعترف
ان انا الليدر ومستحييييل اخلي قروبي يتأخر عن تسليم شي

اعترف
ان معنوياتي هالسمستر بفضل الله عاليه بس لو يخفووون علينا شوووي

[مزن هتان]

أعترف
اتمنى منهم بس يحشمون الغير
{ احترام المذاهب }

[عفاريتووو]

اعترف
اني محتاجة لوجودهم اكثر من اي وقت ثاني
بس وينهم !!

اعترف
ها اول فصل اطوف فيه محاضرات هالكثر
مالي خلق الجامعة ابد ..

[عنــود المهـا]

.
.

~ آعترف ::
كنت متوقعه اتصآلهم
لكن اللي مآ توقعته انهم يتصلون عسب ينآقشوني
بـ مسج مش مطرش ع فونهم
ولقآفتهم خلتهم يقرونه

~ آعترف ::
كنت آرمس بكل برود آعصاب
وواثقه من عمريه لأني مآ قصدت شي بـ اللي قلتله
والله يعلم بـ النيات

~ آعترف ::
اللي مخلنهم بالحآله اللي هم فيها
عدم ثقتهم بآنفسهم قبل ثقتهم بـ الغير
والللي مآله ثقه بـ نفسه لا يبلي الناس بـ سوآلفه

~ آعترف ::
كنت ومآزلت وبظل آغليهم وسآل عنهم
مهما كآن كآنوا آصحاب فضل ولا ضروني بـ شي

~ آعترف ::
اللي وصوني عليه بـ آخر المكآلمه
مش من اهتمامهم وتخصصهم
ومحد يوصي حد ع حيآته و ..

~ آعترف ::
انقهــرت

~ آعترف ::
اللي قلته هنيه مجرد فضفضه وفشة خلق ..

.
.

[قصايد غلا]

أعتررررررررررف : إني مستاااااااانسة .. ما ايي شي على بالي إلاّ و ربّــي يحققه لــــــي لو بعد حــيــــن


أعترف : إن ودّي ربّــي يحقّق لـــــي أهم أمنية أتمنّـــاهــا في هالفترة لو بشكل تدريجي لأني صدق محتايتنه هالــــشـــــي و بيكون له تأثيـــــــر إيجابي على حيـــاتــــــــي


أعترف إني مستااااااانسسسسسسسسة واااااااايد لأني شفت ملاااااااااااك اليوم

أعترف إني أحس إني مب صااااااحيــــــــة .. وما فيّـه حاسيّة لووول

أعترف إني انصدمـــــــــــت يوم شفتهااااااااااااا .. أحس إني حلماااااااانـــــــــة

[بنت الدلع]

أعترف
ان كل يوم قلبي يتقطع على القرار الي اتخذته بس هالشي من صالحي ولازم اتحمل

أعترف
ان الانسان لازم يمر بضروف صعبه عشان يحس بمعنى السعادة وراحة البال

أعترف
ان لو شو ماصار مستحيل اضعف جدام شخص ولكن اذا خذني التفكير لهم قلبي يصير ارق من الورده

أعترف
يوم اشتاق لشخص وما اقدر ألقاه امرض ويجيسني مغص في بطني وصداع حاد

أعترف
اني مشتاقه لوجودهم حييييييل

أعترف
صار فراغ كبيييير بعد بعادي عنهم

[رمــش الغـــلا]

أعترف
يوم اشتاق لشخص وما اقدر ألقاه امرض ويجيسني مغص في بطني وصداع حاد

أعترف
اني مشتاقه لوجودهم حييييييل

أعترف
صار فراغ كبيييير بعد بعادي عنهم

نفـس الاعتــرآفات

[الهيثــم]

أعتــرف بأني متحطم نفسيــــاا ً

حاطين رادار متحرك في شارع يديد بين معسكر الفلاح والمدينة الجامعية .. وانا ما اعرف عنه ..
والحبيب من 4 أيام وهو يزخني ،، علي 1900 درهم زيادة عن الي كان علي قبل 1100 ، يعني المجموع 3000

قههههر يا جمااعة الخير ..

ويا ريت الموضوع على جي وبس
اليوم خذت موتر الوالد ، وكنت متأخر وريس كامل على هالشارع ،، ماشي 195
واكيييد زخني الرادار .. وطبعا على هالسرعة ، راح المووتر والي يسووق ،، الموتر بينحجز ، وأنا بنذبح ، اسميه أبوي بيعلقني من شنبي

دعوواااتكم لي بس إنه الموضوع يتيسر واقدر اكنسل المخالفة ..