أنــوار .. تجربتي الأولى

[الملهم]

السلام عليكم ورحمة الله وبركاته

اشحاااالكم ؟؟

حبيت أعرض لكم تجربتي الاولى في التصوير ..
صورت الانوار اللي في سوق البحر ..

والثانية ..



راااااايكم .. ^^

[الاسطوري]

السلام عليكم ..

"الملهم"

بداية جيدة ولكن الصور طلعت مظلمة لأنك داخل زوم كامل بالعدسة الاستاندرد اللي اتيي ويه الكيمره
وهالشي خله فتحة العدسة تكون 5.6 الشي اللي اثر على إضاءة الصورة بشكل
كبير يعني لو نفس الصورة كنت مستخدم فيها
عدسة 50-150 او
70-200 بفتحة ثابتة 2.8 كنت بتحس بفرق شاسع في النتيجة ولكن كمحاولة ترا الأولى زاويتها جيدة
ولكن الثانية ماخدمك فيها التوسيط يعني لو غيرت الزاوية او خليت الليت جهة
اليمين مثلا بتظهر الصورة بشكل أفضل، كبداية
حاول تكثر من التجارب
وتستخدم كل الاعدادات عشان تتعلم على الكيمره بشكل أكبر وتتمكن منها عشان يوم تاخذ عدسات
ثانيه تسهل عليك العملية وتتعلم عليها بسرعه لأنك متمكن من الاساسيات،
ماعليك هاي نصايح واحد طفران من التصوير ويبى
يبيع الكيمره بالعدسات


الاســـطـــوري
أخوكم

[رمــش الغـــلا]

حلوة الصور ... وشرات ما قال الاسطوري مظلماات شوي ..]

بداية حلوة أخوي ..~

[مايهزك ريح]

كبدايه .. اعتبرها اوكيه .. بس اول ما تتعلم على الكيمره .. وعلى العدسات بتعرف اكثر كيف تستخدمهن ..
وكيف تطلع بصور احسن ^_^

[ذنـيـنـي]

بداية طيبة يالملهم
ان شاء الله تكون بداية لصور اجمل و اروع =)

[شوق القلوب]

السلام عليكم..

ماشاء الله .. الصور حلوه..

و اختيارك حلو بعد ..:)

[عذبة الروح]

وعليكم السلام والرحمه ...

عيبتني الصورتين ..
والاولى سويت لها S.A

بـ الرغم انهن معتمات
الا انه درجة الإنارة اشوفها حلوه

نتريا منك اليديد
ويسلمووونيشن ملهمنا

...+...+...

.: الأسطوري -- وانا اقرى ردك صرت جي :.
صحيح انه معظمه ما قدرت استوعبه / لكن ..
ما كنت اعرف انه لك خبره فـ مجال التصوير !!
صدمه الصراحه
(لا تحرمنا لقطاتك) <--- في الانتظار

[ذنـيـنـي]

عذبة الروح

هذا هو يوم يقولج ياما تحت السواهي دواهي
ما عليج منه الاسطوري
تراه داهية p=

[المزوحي]

عيبتني الصورة الاولى

موفق

[أتمنى]

بدايه موفقه لقادم اجمل باذن الله
الله يعطيك العافيه

.
.

[المقاتل]

يعطيك العافيه اخوي وصور جميله ^_^ .. إلى الأمــــــــــــااااااااا م سر .

[خيال الحب]

.: الأسطوري -- وانا اقرى ردك صرت جي :.
صحيح انه معظمه ما قدرت استوعبه / لكن ..
ما كنت اعرف انه لك خبره فـ مجال التصوير !!
صدمه الصراحه
(لا تحرمنا لقطاتك) <--- في الانتظار

يابوج هذا شيطان لوول انا بروحي انصدمت لوول

صور حلوه اخوي.. ونترقب يديدك يالطيب

بس سؤال وين هاا مول البحر خاطري اسير له

[الاسطوري]

"عذبة الروح"
"ذنيني"
"خيال الحب"

انا في التصوير من بعيد لبعيد والشباب يشهدون وكل صوري كانت نهايتها
الهادردسك اللي بغلطه بسيطه ضيعت منه 50 جيجا
من الملفات والصور فقررت أعتزل
كل شي


مول البحر مادري سوق البحر في
داون تاون برج دبي

[الملهم]

الاسطوري ..

تسلم تسلم على الرد ..
بس بسالك .. انا يوم اصور دوم اخلي على Av .. ورقم الـ f على اصغر رقم ..
بالعدسة العادية مالت الكانون .. 18-55 .. فـ اوكي ها الشيء ؟؟

شكرا على المساعدة .. ولا تستقيل من عالم التصوير .. نبااااك ياخي .. ^^



رمش الغلا ..

قلتلج هاي تجربتي ومنكم نستفيد .. ^^


ما يهزك ريح ..

يبالي اصور وايد عشان اتعلم ..
تسلم على الرد .. ^^

[الاسطوري]

^
شوف في مثل حالة هالصور بالغصب بالطيب بتحتاج تحط الفتحة على أقل رقم 3.5 عشان تدخل أكبر كمية من الإضاءة ولكن بالنسبة للعدسة هاي ترا الفتحة مب ثابتة على أصغر رقم بمعنى انك كل ماتدخل زوم بيكبر الرقم وبتصغر فتحة العدسة وبتقل كمية الإضاءه يعني لاحظ لو انك صورت من مكانك صورتين بنفس الاعدادات وحده بزوم كامل ووحده لأ بتشوف بان الاضاءه تختلف بين الثنتين بسبة تغير الرقم، جرب هالسوالف في الكيمره طلع جيتمها