السلام عليكم و رحمة الله و بركاته
من بعد ما زاد الحديث عن السوشي في الواحات
قررنا انه انزل موضوع خاص بالسوشي
في هالموضوع بنسولف عن مطاعم السوشي المشهورة و شو الانواع الي تحبونها و كل نوع شو فيه و شو الي يميزه
و ايضا ممكن انكم تعرضون تجاربكم في صنع السوشي المنزلي
و الاهم من هذا كله نبغي نعرف فوايد السوشي من الناحية الغذائية
هالموضوع بيكون مليئ بالنكهة اليابانية الاصيلة
و مليئ بالالوان الجميلة و الزاهية الي يتميز فيها السوشي
و ما بيكتمل الا بتفاعلكم معاه
في انتظاركم
READY !!?
السلام عليكم..
بصراحه.. محتاجين لهالمواضيع.. لانه عقب اللي قريته امس من نقاشات عن السوشي.. و الحب اللي اتكنه ايه احبك للسوشي... خلاني اعيد التفكير في الموضوع.. و بدا فيني حب التجربه.. بس للحين مب متشجعه الا 1%..
بس اللي استغربته يوم قالوا انه مب لازم يكون فيه سمج ني ..!!!
ع العموم.. هالموضوع بيكون متنفس لكل السوشيــــــين ..
..
ان شاء الله بنكون من المتااااابعين يا ناصر... لين ما اعزم و ادخل مطعم سوشي
..
ربي.. لك الحمد..
الـSushi
من المؤكولات المفضـــله عندي .
وخصوصا السمك النّــي ..
وأكرر مش كل شخص يحــب هاي الأكــله ..
مره خليت حد من ربعي يجرب هالأكله جان يرجـّــع
وأنا أضحك عليه ..
!!
أنا شخصيّــا أحب نوع معيّن من السوشي وهو سوشي كاليفورنيــا و يكون فيه قبقوب وليس السمك الني وعليه كافيار ويكون مع هالسوشي مايونيز من نوع خاص + تفاح + أفوكادو .. ويطلع السوشي ولا أروع .. أهم شي يوم تاخذون السوشي انه ما يكون سهـــج
اذا سهج فيعني هذا سوشي
بيغفي على جبدكم ..
طبعا اكيد لي عوده
بوسند .
^
زيغتهم يا ريال
حطلهم اول شي سوشي بالخيار و البيض
و عقب بالربيان تمبورا
و عقب بالقباقيب
و عقب حط الساشيمي و غيره من الـ "شغل الجامد" لول
READY !!?
انا من شفت هالصوره.... بدت تلوع جبدي !!!
كل شي نــــــــــــــــــــي
..
ربي.. لك الحمد..
شوق القلوب سوي عمرج ما شفتي لول
السوشي عبارة عن عيش بالطريقة اليابانية
تقدرين تسوين مجبوس و برياني و عيش ابيض و محمر و و و و الخ
السوشي نفس الشي
تقدرين تاخذين شي نباتي او شي بالربيان المقلي
خفيف و مافيه شي ني
READY !!?
عليكم السلام
أنا مره وحده بس اتطعمت السوشي>>بس مب الني طبعا
من عند سومو
هو فيه ربيان و أظني اسمه كرنجي كريزي إذا ما كنت غلطانه>> لا تضحكون إذا الاسم غلط
حلو كان طعمه
اممم و بس هاي هي تجربتي الوحيده
No matter what they tell us
No matter what they do
No matter what they teach us
what we believe is
[TRUE]
اه ه ه ه ه اهااااااااااات
هذا موضوعي ولازم ارد له
رحم الله والدينك يا ذنيني على هالموضوع الحلو
"We love life, not because we are used to living but because we are used to loving."
ههه متابعييين
انا قبل كنت متشجعة اسير أي مطعم ياباني .. أي شي أي شي بس عشان أجرب هالأكلة
شفت رد المقاتل ووايد تشجعت خخخ > يارب ارحمنــــاا !!!! ليش ما يطبخون اكلهم !!!!!
بنشوف باقي الردود .... ان شاء الله تكون أحسن ... وأطيـب :/
إن الفقيه هو الفقيه بفعله ليس الفقيه بنطقه ومقالهوكذا الرئيس هو الرئيس بخلقه ليس الرئيس بقومه ورجالهوكذا الغني هو الغني بحاله ليس الغني بملكه وبماله
المشاركة الأصلية كتبت بواسطة العجيبة
من كثر ما هم يحاسبون على الوقت سوو السوشي
شفتي كيف !!!
يا رب أنت المرتجي سيدي
أنر لخطوتي سواء السبيل
غازي القصيبي
يا الهي ....
كيف تاكلون هالشي ....
لا تدع قطار حياتك يتوقف كثيرًا على " مـحـطـة " اليأس واحتفظ دومًا بـ "تـذكـرة " الأمل !!
مممم سوشيييي!! في البداية ماكنت مقتنعه فيه ابداً كنت أتحراه سمج ني.. ويوم نسير مطاعم يابانيه كنت اخذ عيش وترياكي.. والباقيين سوشي.. والمشكله اهلي من النوعيه الى ياكلون آي شي.. ني ولا مطبوخ مب مشكله!
بعد اقتناع.. بديـت بـ سوشي الخيار.. الى هو عباره عن روول عيش فيه خيار ولافيينه بالسيي وييد!.. كان عادي يعني!
عقب شوي شوي بديت بالربيان.. وكان الى بس عيش وعليه ربيان مبخر فووقه
بعدين اطورنا شوي.. واستوالي ادمان كرنتشي كريزي من سومو... انا ماحب الكالفورنيا لانه فيه افاكادووو..
المشكله.. مرات تلوع جبدي
يعني مثلا.. خواتي.. حب حياتهم سوشي الـ eel .. تعرفوون شو الاييل؟؟.. السمجه الى شكلها حنيش بحري >_<.. انا روحي فيّه فوبياا منهم
والشي الوحيد الى كلته نيي هو التونا روولكان حلوو!
اوه صح.. وجابينغو صح السوشي مالهم مب لين هناك.. بس عندهم واحد وااااايد عود.. هذا طعمه حلو
والمطاعم اليابانيـه الى أحبهاا واحس السوشي مالهم حلوو هم توكيوو@ ذا تاورز.. + سومو
معلومه: مب زين تاكلون سوشي وايد.. بالكـثير مرتين في الاسبوع..
.She can only make it, if she dreams
الله يهديك يالمقاتل بس !!
من شفت صورتك لاعت جبدي - استغفر الله -
يعني صور تحفه والياه وايه احبك وذنيني شجعتني ....وصورتك سدت نفسي مره وحده
ريحت السهج طالعه من هالصوره
لو كثرت عيوبي بعينك تباهيت .... أبقى الوحيد إلي عفس لك مزاجك
حلم الطفوله.. شو رايج أعزمج على سوشي؟؟ XP
No matter what they tell us
No matter what they do
No matter what they teach us
what we believe is
[TRUE]
يغلق الموضوع بعد إذن المراقبين لحالات الذعر والنفور التي أصابت كثير من أعضاء واحات بن دبي وذلك بعد رؤيتهم من خلال هذا الطرح الفظيع لصور لاتتحملها القلوب الرهيفة إطلاقاً هذا وقد أسفر الحادث الفريد من نوعه في المنطقة عن إصابة فتاتان في ريعان شبابهما بلوعة فجائيه في الكبد حيث تم حجز غرف خاصة في جميع المستشفيات الحكومية والخاصة تأهباً لإستقابل المزيد من الحالات في أي لحظة، يذكر أن صاحب هذه الجريمة هو بو سنيده (المقاتل) سابقا وعليه مازالت الشرطة المحلية بالتعاون مع القوات الخاصة تبحث عنه وعلى كل من يعرف شي عنه إبلاغ أقرب مركز شرطة أو الإتصال على بن دبي
وسنوافيكم بآخر الأنباء في النشرة القادمة
.ما طار طير وإرتفع إلا كما طار وقع.
الذين يشاهدون الموضوع الآن: 1 (0 من الأعضاء و 1 زائر)
ضوابط المشاركة
رد مع اقتباس
مواقع النشر (المفضلة)