ســــوشــــي - ألــوان -

[مــهــابه]

~ وايد يفــتح النفس الصراحه

تشجعون الواحد عسب يآكل

[حلم الطفوله]

الأسطوري ....احلف انته بس!!!

تصدق إني زغت من قريت السطر الأول !!! قلت بكون السبب في اغلاق موضوع ذنيني !!!

يالله تراها نعمة الله .... ني وإلا ناضي ... هني وعافيه على قلوبكم :)


وحي القلم ...دام العزيمه عليج اموافقه بالثلاث :)

[ذنـيـنـي]

عندي سؤال
السي ويد وين ممكن احصله !؟


عيش السوشي موجود في ماركسبنسر و ليقتهم يبيعونه في كارفور
و خل الارز الي يحطونه ويا العيش بعد لقيته في كارفور
بس باقي السي ويد =(

[خيال الروح]

عندي سؤال
السي ويد وين ممكن احصله !؟


عيش السوشي موجود في ماركسبنسر و ليقتهم يبيعونه في كارفور
و خل الارز الي يحطونه ويا العيش بعد لقيته في كارفور
بس باقي السي ويد =(

معقوله لقيته العيش وخل الارز في الكارفور ؟؟
متاكد ~ !!

لاني دوم ادور وما القاه >.<

:

[ذنـيـنـي]

هيه والله اليوم حصلته
كنت في ديرة سيتي سنتر و حصلته صوب المأكولات العالمية

شي قسم يبيع اكل فلبيني و تايلندي و هندي و مكسيكي ,,, الخ
بتحصلين في مكان من هالاماكن سوشي رايس و بتحصلين الرايس فينيغار لول

بعد حصلت عيش السوشي في ماركس اند سبنسر

[خيال الروح]

هيه والله اليوم حصلته
كنت في ديرة سيتي سنتر و حصلته صوب المأكولات العالمية

شي قسم يبيع اكل فلبيني و تايلندي و هندي و مكسيكي ,,, الخ
بتحصلين في مكان من هالاماكن سوشي رايس و بتحصلين الرايس فينيغار لول

بعد حصلت عيش السوشي في ماركس اند سبنسر

يبالي امر هناك واخذ ..
وبالنسبه ل seaweed
تقدر تسال بوسنيده .. في مووضوع خرابيط قايل انه يسوي السوشي بروح في البيت
فاكيد يعرف وين ممكن تلقى ال seaweed



:

[المقاتل]

شانين علي حملــــه هاه .. الله يهديـــــكم الصور ما تلوع بالجبــــــد وايد الصور تفتح الشهيه وبعدين صدق شمعة أمل تقول هب زين تاكلون وايد .. عيل انا اشكثر آكـــل الصحنين والثـــلاث.. شو يسبب السوشي ؟؟ .. وبعــــــدين ليشششششش مال جابنغو هب حلو هاه عنده احلى سوشي .. ترا مثل ما قتلكم يعتمد على النوع الي تطلبونه .. !!

اقول ذنيني الـ seaweed بتحصـــله في سوبرماركت شويترام وحتى العيش الصيني الي عندهم غاوي .. !!

[ذنـيـنـي]

الحين المشكلة في السي ويد
وين ممكن نلقاه !؟

[الملهم]

يوم أكل السوشي ..
احس اني اعيش في عالم ثاني ..
عالم الاحلام .. جني اطير ..

طعم ولا اروع .. حياة بشكل ثاني ..

^__^

[مزن هتان]

لدرجه ذي هو لذيذ !!
ادمان + هوس السوشي لـ أعضاء الواحات

ما صار اني أكلته، و ماظن راح أكله
ماحب المأكولات البحريه كلش، و ماحب ريحة الخيار

هني و عافيه على قلوبكم

[وحي القلم]

حلم الطفوله.. ان شا الله بس أخاف نبتلش هناك أنا بروحي ماعرف غير هالكرنجي كريزي XD

.

سمعت أنه اليابانيين أكلهم صحي لانهم يعتمدون عالمأكولات البحريه

بس ليش مب زين ياكلون السوشي وايد؟؟.. لانه ني يعني ولا ما يخصه؟؟!!

[بنت الدلع]

السلام عليكم ورحمة الله وبركاته

ماشالله الجماعه هنه متيمعين

يعطيك العافيه اخوي ذنيني
وتسلم على المجهود الطيب

===

بالنسبه لي
اول ماعرفت السوشي كان من خلال وحده من البنات
و احيد على ايامها ذنيني + المقاتل "سابقا" كانوا حاطين صورة السوشي في الواحات
وكنت اول مره اشوف هالأكله الغريبه العجيبه

ماكنت ادااانيه ابدااا
بس لمجرد انه فيه سمج ني

اول مره جربته يوم كنت ويا مرت اخويا
تمت تسويلي اغرائات لين ما آخر شي اقتنعت وكلته
وبصراحه طعمه ولا احلى

اول واحد جربته كان كاليفورنيا

بالخضره ومن برع عليه كافيار

===

My Favs

IBE Ten Maki
(بالربيان المقلي)

IBE Maki
(بالربيان)

Shake "اظن جيه اسمه"
(بالسلمون)

===

الي يبا يسوي السوشي في البيت
حصلت لكم فيديو
كيف تسوون عيش السوشي

اضغط هنا

===

ذنيني
ايه احبك قالت بتحصلون السي ويد في شويترام او سبينس
بس ماجيكت
شوف يمكن تلقى عندهم

[المقاتل]

بعطيكم الـ insturction بالمختصر المفيـــد ..

أول شي لازم تتوفر عندكم هاي الأمور ..

A Bamboo Rolling Mat


A Rice Paddle


A Large Bowl


A Cutting Board


===

طبعــــا المحتويات : Nori - Wasabi - Rice Vinegar - Soy Sauce - Fish Roe

طريقة الاعداد : تفورون العيش الصيني لمده تتراوح ما بين 15 - 20 دقيقه .. وبعدين اتصبون الـ Rice Vinegar و تفورونه في هاي الأثنــــاء كنتوا المفروض تكونون مخلصين اعداد الـ Seaweed وإلي يسمــى بـ Nori وتفرشونه على الـ Bamboo Rolling Mat وعقب تحطون العيش عن طريق الـ Rice Paddle أو شي مشابه له على الـ Nori.. وعقب تقصون شرايح من الأفوكادو والتفاح والـ Crab وتحطون شوية مايونيز وتحطونهم فالوسط وتحطونه الـ Fish Roe وعلى حسب الرغبه وعقب تلفون السوشي عن طريق الـ Bamboo Rolling وعقب تقصونه على شكل قطع السوشي وتحطون الـ fish roe على قطع السوشي ..

ولا تنسون الـ Wasabi اهم شي والذ شي بالسوشي ..ان شاء الله وضحت لكم الصوره

[بنت الدلع]

ولا تنسون الـ Wasabi اهم شي والذ شي بالسوشي ..ان شاء الله وضحت لكم الصوره

الـ wasabi هو هالشي الأخضر؟

[ايه احبك]

غريبه شمعه اول مره استعلم عن هالموضوع لني اعرف اليابانين المين دش مالهم سوشي شرات المجبوس عندنا لوول XP
ذنيني خبرك راعي السوشي
وانا بعد محصلته في سبنس