حـلـم

[عمة العيم]

السلام عليكم ورحمة الله وبركاته

يقولكم



كنت راقده احلم شرات خلق الله

حلمت اني مسويه معرض و عارضه لوحاتي

لكن رسماتي كلها شو؟

راسمه اوادم كبار بس على شكل الجنين
يعني ريال يالس جذا و جلده شفاف و عروجه طالعه و الخلفيه دم و حاله

كل لوحاتي جي كانت

و الناس مستغربين من لوحاتي يتحرونها صور صدقيه

و وحده قالت لي انا اول مره اشوف هالمنظر!

و يوم نشيت رسمت اللي رسمته في الحلم بس بالرصاص

ان شاء الله قريب برسمها على لوحه بالالوان



وبس

[أنامل قلب]

:
.

على كثر ما إن ابـ أفكارج خيـــــــااال وابداااااع ..
عـ كثر ما إنج خوفتيني ابـ هالأحلام ،، وهاللوحه ^^"

ماعرف شو أقول ^^"

.... { !

[المحاق المشتعل]

ابداع يا عمو

الفكره جميله وخيالي شبهها بشكل القلب في جسم الانسان

بس خفس علينا من افكارج الشيطانيه

في انتظار روئع عمو دائماً

محاق

[عمة العيم]

سكون ههههه اسكتي روحي زغت في البدايه

محاقنا..صح انا شبهتها بالقلب بعد عاده شسوي افكاري الشيطانيه تلاحقني في كل زمان و مكان هخخخخ

الله يعيني

...

[أمطار]

يـــــاااي!
شي .. ما ادري شقول؟!

بسـ I can't wait to see it عمــوه,,
^_^

نفذيهاا بسرعهـ خااطري أشوووف النتيجه النهائية كيف بتطلع!

.
.

[عمة العيم]

حبيبتي امطار

لا تعورين قلبي ترا ماروم ارسمها بسرعه هههه

يعني اقل شي عقب سنه يمكن ارسمها لان عندي 3 لوحات مب خالصات و لازم اضغط على عمري و اخلصهن

وانا من النوع اللي ماخلص الرسمه بسرعه يعني اخذ وقت في كل لوحه مثلاً عندي لوحه من سنتين ارسم فيها بعدني ما خلصتها... يالله دعواتكم الله يقوي ظهري و ايديه السكراب خخخ


(^_^)
...

[مجموعة إنسان]

غيري اسمج من عمووو لــ يدوووه يالعيووز

واايد حلوة فكرة الرسمه هذي
اتريا اشوفها رسمه فنية من اصابع فنية ومن انسانه فنانه مثلج

[مزايا]

مثل الجنين
سبحان الله

[عمة العيم]

مجموعة انسانوووه....يعني ليش العيوز ليش؟

مزايا... شكراً على مرورج (^_^)

...

[عذبة الروح]

من فترة شفت صورة تشبه هـ التطبيق وايد





أشوفها نفس الفكره ..!!
سبحان الله ..

طبعاً
متشوقه اشوفها بـ الالوان ..
لا تبطين علينا اختي

ويسلمووونيشن عمتنا

[خنفروش]

و عليكم السلام ورحمة الله وبركاته ... الاحلام ... عالم عجيب ... عموتنا ليش ما كتبتي لنا شو تفسير الحلم ... طبعا رأيي في ابداعاتج معروف ... و انتي قد المعارض و اكبر منها ... عقبال معرضج الي فـ فرنسا ... و المعرض الي بتسويينه جمب سور برلين ... اونه الاخ ايعرف خخخخخخ


سؤال يسدح نفسه من ايحاء الحلم ... انتي نظرتج للاشخاص او للامور ... دقيقه ... و احيانا اتحسين انج انتبهتي لشي غيرج ما انتبه له ... صح ... و بعض احيان تنسألين ليش ما سويتي جيه اتقولين مجرد شعور و احساس راودني فما سويت ... يعني ردج يكون مثلا (( ما ادري ما ادري بس مب مرتاحه))

[عمة العيم]

خنفروووووووووش
كلامك صح 100% شقايل عرفت؟؟؟

سبحان الله امسات اختي ترمس عني جدام ربيعتي تقول لها هاي الانسانه تقول اشياااااء غريبه عجيبه تستويلها ساعات عقب ايلس افكر في هالاشياء اقول صح انا بعد تستويلي بس ماكنت منتبهه لها ابداً ولا لاحظتها و هالانسانه الغريبه ملاحظتنه بأدق تفاصيلها... و تقول لربيعتي الله يعينج عليها خخخخخخ

المهم خنفروش خبرني كيف كيف شقايل عرفت شخصيتي المعقده؟ هههه و بالنسبه لتفسير الحلم انا ماعرف اسأل منو و اخاف اتصل في المشايخ لان مره اتصلت في شيخ مفسر احلام خوفني كان يزاعج عليه يقول لي ماتنشين الفير والله لساني انشل شوي و اصيح... عاده انت فسر لي الحلم خخخخخ

عذبة الروح... الصوره وايد اثرت فيني تعرفين ليش؟ لانها نفس فكرة اللي حلمته و ما جد شفت هالفكره في حياتي الا في حلمي اول مره و ثاني مره في هالصوره... سبحان الله بس هذيل لابسين و عندهم شعر...بس اوادم حلمي بدون لبس و شعر ههههه

اسمحيلي بحفظ الصوره عندي مايخصني (^_^)

و كل عام وانتم بخير مايندرا باجر العيد ولا ورا بااااجييييييييير .....


....

[عهد الوداع]

وايد وايد حبيت الرسمه ,,,,

[عمة العيم]

تسلمين عهد

(^_^)
...

[شهوووودة الأمورة]

عمووتي عمووتي .. شحاالج

عيبتنيي وااااايد فكرة الرسمه ..

وتعوذي مرة2 يوم تشوفين أحلام تزييغ ^^ اوجييج عمووه


نتريا الرسمه بالألوااان