* و ر د *

[عمة العيم]

محاقنا

اقصد هالخلطه الحينه اغطيها فوق هذه اللوحه اللي اولريدي انا ورنشتها؟ ولا في المستقبل يعني على لوحات ثانيه؟

أمطار

تسلمين حبوبه.. بس ماحبيت يوم قلتي بعدني زايغه ارسم بالزيتيه...ليش تزيغين؟ عندج بدل الكانفس عشره...عندج بدل معصار الالوان عشرين... ليش تخافين؟ ارسمي خربطي و سوي.....صدقيني لو خفتي عمرج مابترسمين لوحات حلوه........انتي بس لا تخافين و خلي ايدج مرتاحه سايره راده بالفرشاة و شوفي شقايل بتعيبج لوحاتج و بتطلع روعه

اسمعي كلامي بس شيلي حاجز الخوف اللي بينج و بين الالوان الزيتيه... و بتشوفين شقايل ترسمين
عادي اغلطي تراج جي بتتعلمين ......اما لو خفتي عمرج ما بتتعلمين

الله يوفقج امطار

...

[المحاق المشتعل]

هلا عمو

لا لا تحطين شي على لوحتج بعد الورنيش

المهم ان شالله في لوحاتج اليايه اذا كنتي بتحطين آخر تج للوحة تقدرين تستخدمين نفس الخلطه

واذا كنتي تبغين تدهنين لوحتج ابنفس الخلطه بعد تقدرين

هاي الخلطة بتفيدج ان شالله بدال عبالة الورنيش روحه

اذكر رسمت لوحه ودهنتها ابورنيش وعقب حطيتها تحت شبريتي

وعقب وقت طوييل كم شهر ييت آخذها .. يودت اللوحه .. وماحصل إلي ايدي لازقه في اللوحه

قلت شو السالفه منو صاب زيت علوحتي بس زين انها ما اختربت

...

واحب ارز ويهي اشويه عشان اييد كلامج إلي قلتيه حق امطار

صدقيني اختي امطار

مافي اي خوف مجرد ما تبتدين اللوحه بتحسين بوناسه غير

صح يمكن الدنيا من حولج اتصير ألوان لكن ما اعتقد انه بتكون مشكلتج توفير المواد

واذا كانت الماده متوفره من شو الخوف ؟؟

اصلاً ما تبين وايد لوحات

لوحه وحده تكفيج في بداية الامر

لأنه لو اختربت اللوحة في الالوان الزيتيه .... بسييطه

اتريي عليها تنشف عقب تعالي ارسمي عليها لوحه يديده اسهل من هالشي شو بعد

والشي الثاني هالنوع من الرسم مال مزاج

يوم اتحسين عمرج متفيجه لوحتج محطوطه في مكانها عالاستاند والكرسي والالوان ما تنشف ابسرعه عالبلته

كل الي تبينه انج وقت ما حسيتي انج تبين اتكملين وياج مزاج رسمتي

وهذا كل إلي في الموضوع

وانا باقترح عليج اذا كنتي بتبدين في هالمشوار ان شالله

ليش ما تتواصلين ويا عمو ترا هاي احلى فرصه عشان تقوين ارادتج اذا حبيتي.. شكلي بتصفع اليوم من عمو

وايد خذت راحتي في الموضوع خلني افلللللللللل