~ [ آخـر الأسبــوع مـع رؤى . . !*

[مــهــابه]

السلام عليكم ورحمة الله وبركاته






طرح متنوع في فقراته ،،فيه من الفكاهـه وفيه من روح الجـد [ قـليل ..



أخبار فريج الواحات ، معلومات مفيده ، مواقع مميزه ، أشعار . .. والكثير

طرحـنا

سيكون كل خميس بإذن الله طرح مختلف !

معلومات يديده ، اخبار حصريـه مع قـروب " رؤى " ~


معـانا هالأسبوع :




فهرس آ خر الاسبوع

- الأبراج

- عندك خبر ؟

- موقع يستحق الزياره

- فريج الواحات مع " أم لسانين "


- كاريكاتير الاسبوع


- شعر فكاهي


كل هذا وأكثر مع

~ رؤى





انـتظرونا فـي نهايه كـل أسبـــوع

[العجيبة]

يعني باااجر


ننتظر ليش لأ ..........

[مزايا]

ننتظركـم ... :)

[مجموعة إنسان]

أبراجكم مع رؤى . .


ولا منجمين الكون وصـلوا للي وصلنا له نحن . . .


ماوصيكم كل واحد وبـرجه . .

وخبرونا عـآد . .


حـظكم معانا كيف ؟













1- برج الحمل


~ حرام عليكم سايرين الجمعية وتارسين العربانات بسامان رمضان يكفي لسنه
واخر شي هذا كله في الدرام
اتقوا ربكم واقتصدوا
مسوين شهر العباده شهر اكل وشرب بس






2- برج الثور



ليش مكلف على عمرك وماخذ سلفية ومسافر اوروبا والحين مفتقر مثل المثل اللي يقول ادين وازين
تتسلف من ربعك على ال20 وال30 للبترول
مد ريلك على قد لحافك مره ثانية
وخيم في صلاله احس لك من الخقه اللي ما منها فايده










3- برج الجوزاء


الناس تصلي وانت مطور على صوت الأغاني مسوي عرس بسيارتك
استغفر ربك وروح صل مع الجماعه واكسبلك اجر بدال الكلام الفاضي اللي تسويه










4- برج السرطان


يا زينج يوم مغطية الشعر ولابسه لبس محترم
عكس بنات هالأيام اللي مطلعين قدلهم وصابغين ويوهم شرات المهرجين









5- برج الأسد



الحين فقير ماد ايده لك تضربه وتشوت فيه بدال ما تعطيه
ياخي يمكن الريال محتاي
مب زين عليك تراك بتنسال يوم القيامه عن هالفعل









6- برج العذراء

زين يسوي فيك مدير المدرسه يوم فصلك
عيل شارد من الدرس وقاعد ادخن في الحمامات
بس انت ما ينفع فيك غير العصا
صدق لي قالوا خيرن تعمل شرن تلقى






7- برج الميزان

يالله شد حيلك ترا المدارس بدت وعيالك يبون دفاتر واقلام
وهذا غير طلبات المدرسين والمدرسات
شكلك بطر عند المسايد اخرتها







8- برج العقرب

عيب عليكم لابسين هالملابس المقطعه مادري من اي درام مطلعينهم
واونه موضه
لا ومسوي شعرك شرات الديج
والله اهلك ما عرفوا يربونك
وهم اللي يبيلهم تربية قبلك








9- برج القوس


والله رااحت ايااام زمااان يوم تبني بيت يكفيك انت واهلك كلهم بعشر الاف ربية
الحين ب10 الاف ما تبني سور البيت
شكلنا برجع للعريش والخيم احسن








10 -برج الجدي



الحين حرمتك تتصل فيك وتقولك الولد ميهود تقولها وديه بتكسي
والله حسافه عليك اللحية اللي بويهك
الحين الشيشه والربع اهم من عيالك ؟
روح جابل عيالك وحرمتك احسن لك من اللعبان واللا بتخسرهم باهمالك








11 - برج الدلو


دوااك اللي صار
عيل بزر بعده ما نبت الشعر بويهه مسلمنه سيارة اخر موديل
يلعب فيها ويسوي ويلات في الشوارع
الحمدلله ما جتل واحد من الناس
ارواح الناس مب لعبه لايدك انت و ولدك







12- برج الحوت


الناس وصلوا القمر وانت بعدك تفكر تشتري رقم بمليوون لسيارتك
والله حرام عليك لو قالولك ابني مسيد ما بنيت
والحين بتدفع على حديده تتعلق على السيارة

[مجموعة إنسان]

مرحبا


انا أم خماس ، راعية الجدر والملاس . .


اتفرفر بين الواحات ، والقط لكم العليمات ، عآد اليوم يايبتلكم آخباااااااار


بتشكروني عليهـآ يقولكم :



1. في حفل كبير أقامه الأستاذ المهندس الدكتور الطبيب الأسطوري عن مشروعه الجديد إفطار صائم
وفي اللقاء الصحفي الذي أجرته مراسلة رؤى ا ل غ ل ا مع الأسطوري قال بأنه سوف يقوم بتهريب أكبر كمية من التونا والبيبسي والداقوس إلى السطح .. وعلى الراغبين بالتسجيل ليس عليهم سوى إرسال رسالة نصية بكلمة فاطر مع رقم المنزل وسيقوم الأسطوري بتوفير الوجبة بأسرع وقت ممكن .


مب زين عليك يارياال . .





2. وفي بادرة جديده من نوعها قامت شمعة امل بتجهيز البنات للدوام والعيد ببدل جديده وذلك من خلال الخياط الرسمي لحضرة جنابها , كما قامت بعمل تنزيلات ضخمه بمناسبة الأفتتاح وذلك بشراء بدلة كاملة والحصول على صفعه على القفااا مجانا ..

حليلها






3. بعد رحلتها للفلبين ومن خلال الإتصال الهاتفي معها قالت بنت ناس وعرب بالإعلان عن وصول دفعه جديده من الخدامات المتمرسات بالعمل المنزلي والتكلم باللغه العربية المكسره مع خبره طويلة في العمل بمطعم ماكدونالدز .. وبهذا الإعلان قالت بنت ناس وعرب عن نفاذ الكمية بسرعه كبيره وذلك بسبب دخولنا بشهر رمضان ورغبة ربات البيوت بالجلوس لساعات أكبر امام التلفزيون لمشاهدة جديد الشاشه بهذا الشهر لذلك قاموا بشراء هذه الدفعه من الخدامات لتسهيل عملية إعداد الفطور عليهن

والله واستوت تاااجره الأخت

[الاسطوري]

السلام عليكم ..

1. في حفل كبير أقامه الأستاذ المهندس الدكتور الطبيب الأسطوري عن مشروعه الجديد إفطار صائم
وفي اللقاء الصحفي الذي أجرته مراسلة رؤى ا ل غ ل ا مع الأسطوري قال بأنه سوف يقوم بتهريب أكبر كمية من التونا والبيبسي والداقوس إلى السطح .. وعلى الراغبين بالتسجيل ليس عليهم سوى إرسال رسالة نصية بكلمة فاطر مع رقم المنزل وسيقوم الأسطوري بتوفير الوجبة بأسرع وقت ممكن .


مب زين عليك يارياال . .

قررت لجنة القروبات خصم 500 نقطة من قروب رؤى لتحرشهم والإدعاء
على رئيس اللجنة وليكونوا عبرة للبقية،
رفعت الجلسة

^
الحين أنا أسوي مشروع إفطار صائم على تونه يعني المساكين يصومون ويصومون ويفطرون
على بصل، ماعليه بنرضى بالأمر الواقع ولكن بتكون انت طرزان اللي
توصل الطلبيات للفاطرين من فوق البيوت وإذا
حد شافك لاتعترف علي ولا
ترا بسوي مرغيا


موضوع جميل وطرح موفق
وبإنتظار جديدكم

الاســـطـــوري
أخوكم

[مجموعة إنسان]

معلومات قيمه ، مفيده ، يمكن سمعتوها من قبل ، ويمكن أول مره . .


عرفناها ، وحبيناكم تشاركونا المعرفـه مع رؤى ,


ولهالسبب أخترنا لكم فـقرة









- أول من صنع كعك العيد هم العثمانيون .



- وزن رأس المرأه أقل من وزن رأس الرجل.


- قص الشعر لا يؤثر على نمو الشعر وقوته .


- أن شرايين الجسم البشري يبلغ طولها 600000 كم


- أن الدموع تحتوي على مواد كيميائية مسكنة للألم يفرزها المخ عندما يبكي الإنسان.


- أن الأذن اليسرى أضعف سمعاً من الأذن اليمنى.



- أن أول ما خلق الله القلم

[مجموعة إنسان]

~ يقولكم بن سوقات : فص العيايز مر مشحون ، يتعلمن جتب وقرايه


لالا


مابنكمل





بخليكم مع نص جميييييييل للشاعر الراحل بن طناف


في المدرسه عني أيَدرس
يقرأ كتاب الألف والبي
خلانيه يالس وأكَرس
بمضغ لحمهم ناضي وني
يامارس المهجة تمرس
تحسب وصد القلب باللَي
دمعي على الوجنه يخَرس
حبك بلاني يوم انا صبي
لوشفتني شيبه وأفَرس
وأمشي بعكازين وأرتي
والله والله ماتعرس
مادام راسي باجي وحَي
أنا الذي ساجي وأغَرس
بيداركم خرفوا لي شوي
عيزت كم أطبخ وأهـرس
ويوم أغرفوا مابدني شَي
كله كله ذاك المضَرس
لي يايب خطوطه من دبي
واجف على بابي وأحرس
مره أفج ومره أزلي
مادوق شراعي امترس
ولانزل الفرمن على الصي
تصبغني بجذبك ورس
عييت عنك وبتبع الفي




وســـوالم

[مجموعة إنسان]

[الـيـاه]

وااااايدددددد حلو الموضوووووووع! يعطيكم ألف عافيه
صدق افكاركم عجيبه (Y) ونترياها كل خميس ولوووووول ع الكاركاتير في شي موتني ضحك ههههههه

[مجموعة إنسان]

[أنامل قلب]

ما شاء الله ..

ياعيني أنا عالموضوع الـ غير شكل ..
استمتعت بـ مروري ^_^ ..

وربي يديمها عليكم من وناسه ~

.. . {

[دمعة عين]

:



كشخـَـه الموضــَوع . .
استمتعت وآيـَـد وآنـَـآ أقــَـرى . .

عيبتنـَـي السـَـوآلف ، خـَـآصه مآلت الأبَــرآج
+ فريـَـج الوآحآت . .



آنـَـآ من موآليـَـد برج الحمـَـل ، بس قسم بالله من بدى رمضـَـآن
ما طحت الجمعيـَـه لووووول . .

:

يعطيـَـكم العآفيـَـه ع هـ الطرح المميـَـز
وبإنتظـَـآركم الأسبــَوع اليـَـآي . .

دمعة المآفيـَـآ خطفت من هنيـَـه

،
.
.

[عذبة الروح]

5- برج الأسد



الحين فقير ماد ايده لك تضربه وتشوت فيه بدال ما تعطيه
ياخي يمكن الريال محتاي
مب زين عليك تراك بتنسال يوم القيامه عن هالفعل


في الحقيقه هو مب فقير & محتاي ..
الكلمة الصح هي .. متسول!!


----



أشكركم على المعلومات ..
ماره علي قبل ..
لكن الشكر لانكم انعشتم الذاكرة


----


والكاركاتير

شر البلية ما يضحك !

لـ الأسف واقع عايش بينا ..
لما تتحجب البنت أو تتنقب في رمضان ونفرح & نبارك لها على الهدايه
وعقب رمضان .. ردت مثل اول .. ويمكن اخس



مشكورين يا قروب رؤى
والله يعطيكم العافيه على جهودكم ...

يسلموووونيشن للكل

[عفاريتووو]

لوووول

موضوعكم فعلا مميز
نترياكم الاسبوع الياي ^_^