~ الدنيـــا حــــظوظ ..
حــظكم فـي فــقره ( أبراجــــكم ) كيــــف ؟
خبـــرونا
،
[ برج الحــمل ]
يقولون زادوا معاشاتكم . ويقولون ناوي تاخذ قرض وتشتري سيارة يديده
عقب آخر الشهر قول ماعندي فلوس , انا اقول لو تفتحلك دكان صغير على قدك وتسترزق منه
أحسن من السيارة اللي ما منها فايده غير الفشخره والخقه ~ . . !*
[ برج الثــور ]
حرام عليكم كل يوم تارسين الدرام من الاكل اللي محد ماكلنه
لو متبرعين فيه لخيم أفطار صائم اللي تراسه البلاد مب أحسن لكم وكسبانين أجر في هالفقارى اللي مو محصلين أكل .
[ برج الجــوزاء ]
زين سويتي في الريال وبلغتي عليه الشرطه , عيل اللي ما يخاف الله الناس صايمه وهو يلاحق بنات الناس ويرقمهم ويغازل بنات الناس
ترا هالناس ما يوقفهم غير القانون . .
[ بـرج السرطــان ]
الله يعينك كل يوم ساير مدارس الصغارية وتضاربهم لان الباص مافيـه مكيف
بتشتكي لمنوه ولا على منوه ؟
انا اقول روح بروحك وصل عيالك ورجعهم ولا خذلك سايق أحسن لان لو بتخليهم في الباصات لين ما تخلص السنه وبعدهم ما بيركبون مكيفات .
[ برج الأســد ]
عيب عليك عندك هالفلوس كلها وأبوك وأمك ساكنين في هالبيت القديم
وكل يوم سقف طايح عليهم . عيل هالكلام اللي في الجرايد كله خرابيط
وانته اللي متبرع لمادري وين بمليون ولا ماعرف شو مسوي
الأقربون أولى بالمعروف يا ولد الناس , وساعد أهلك أحسن ~ . . .
[ بــرج العــذراء ]
من بعد صلاة التراويح وانت قاعد في القهوه مع ربعك . ماعرف في شو تتكلمون؟
اللي يشوفك يقول بتحررون القدس وآخر شي كلامك كله في الكوره والإشاعات والكلام الفاضي
لو تقعد مع اهلك على الأقل ساعه مب احسن من هالقعدات . . .
[ برج الميـزان ]
لين متى بتمون على هالشي , الحين حادث جدامك والريال طايح عالأرض ومتقطع ومتكسر وانت ماسك تلفونك وتصور وتنشر الفيديو بدال ما تساعده
[ بــرج العــقرب ]
أمس عيالك حارقين ولد الناس بشلق . والحين الولد مرقد في المستشفى
الحين لو مات . منو بيتحمل الذنب ,
انا اقول شوف عيالك شو يشترون وراقبهم قبل ما يطيح الفاس بالراس ويحرقون عيال الناس.
[ برج القـوس ]
باجر العيد والحرمه تبيك تسفرها اوروبا ,, دورلك عذر بسرعه قبل لا تقعدون على حديده واطير فلوسك بدون هدف
[ بـرج الجـدي ]
ما شاء الله عليك الناس يتكلمون عنك ويمدحون فيك انت وعيالك دايما موجودين في المسيد في كل الصلوات
ياليــت كل الناس مثلك ويعلمون عيالهم ويزرعون فيهم حب الصلاة
[ بــرج الدلــو ]
الحين بروحك منتف ما عندك فلوس .. والمدرسة الخاصه كل يوم اطرشلك انذار اذا ما دفعت اقصاد عيالك راح تطرهم انا اقول لو تحولهم مدارس الحكومه احسن واخير لك بدل ما ينطردون.
[ برج الحــوت ]
عيب عليك ماخذ بنت الناس ومسكنها في إجار وهاجرنها هيه وعيالك وانت تلعب وكل يوم مسافر لديره
راجع ضميرك ووشوف عيالك وحرمتك أحسن لك وترا ما ينفعك غيرهم .
رد مع اقتباس
،،
..
. . 
مواقع النشر (المفضلة)