شباب الواحات تعالوا بسرعه

[مجموعة إنسان]

شو ما بتزورنا؟

[مجموعة إنسان]

بعد التراويح ان شاء الله

لا تقووول ما بتي

[الهيثــم]

ولين متى بتموون .. !

[مجموعة إنسان]

خل نتلاقى اول
بس شكلنا بنطول شوي

[الهيثــم]

يطولي بعمرك بكون مشغول عقب التراويح ، فـ يعني إذا بطولون أقدر أخطف عليكم عقب ..

[مجموعة إنسان]

خذ رااحتك
وكلمنا يوم بتفضى
ان شاء الله نكون قاعدين
افا عليك

[الهيثــم]

إن شاء الله وبينا كول بإذن لله

فـ المول .. !

[مجموعة إنسان]

هههه
لا تسوي دعاااايه
قريب المول

بنخبرك عقب

[الاسطوري]

^
لا تقص على الريال أي مول بنلتقي في كاراجات العوير
وبنشربهم كرك؛ توفير ياخي

[الزرعوني]

يايوووووووووون ان شاء الله

[المزوحي]

نصيحه ابعدوا عن المول، لأنه زحمه وخصه اليوم الخميس، سيروا تاون سنتر أبرك فاضي مافيه حد وهناك شي سيراميك

كافيه لو حبيتوا ..... المول لين ماتحصلون بارك، مابتاخذون راحتكم ..........

ويييييييه ليش اتشرط


خلاص على راحتكم

[ذنـيـنـي]

بما انه كان عددنا هو اربعه فقط

تجمعنا في ثلاث اماكن
اول مكان جميرا سنتر الي مجابل ذا فلج
اخترناه لنه كان هاااااااااااااااادي


ثانيا في سيارة الاسطوري تمينا نحاوط فيها قراب الساعتين تمينا نتمشى في شوارع دبي و نسولف

و آخر شي تسحرنا في أبل بيز و رجعنا بيوتنا الساعة هنتين و نص او ثلاث

صح انه كان عددنا قليل " و هالشي مخيب للآمال طبعا "
لكن من جد يعني استمتعععععععععنا في اللقاء
وايد وايد استانست ويا الشباب


الاسطوري

مجموعة انسان

الزرعوني


شكرا لحضوركم =)

[المزوحي]

ياحيكم ذنيني وزين إنكم انبسطتوا ....

بما إنه مجموعة انسان اللي مرتب اليمعه، هل ناوي يطرح موضوع يخص الطلعه ؟؟

وكيف كل واحد انطباعه عن الثاني، أو لكم معرفه سابقه ؟؟

[الهيثــم]

عن جد اسمحوولي يعني ..

[ذنـيـنـي]

المزوحي مب الا معرفة سابقة !

الا مطيح الميانه وياهم لول
مب بس زملاء في المنتدى،، حتى برع الواحات ربعي =)