مائدة رمضان

[المزوحي]

مبروك عليكم الشهر، هالموضوع نبغيه يكون حق الاكلات اللي تطبخونها في رمضان ، ولو إنه رمضان

فرصه إنه نريح المعدة من أكل طول السنة، بس اغلب الناس واللي متعارف عليه، يسون اصناف

من الاكل والسويت ... وحاولوا انكم تصورون اللي مسوينه ولو شي بسيط ... واللي حاب يحط الطريقه

يكون أفضل ... ولو إني افضل اكل الفريد في رمضان على اي شي ثاني

[عذبة الروح]

المائدة حلاتها وسط اهلهك وناسك ..
لكن ..

ما عندي مائدة ولا شي ..
مثل رمضان اللي طاف .. بـ قضيه وحيده بين اربع طوف مع صحني!

أكلي على قدي ... !
الحمد لله على كل حال


ترى انا في الـ university campus
وما احب البنات ولمتهن .. يعني خلني رايقة بـ روحي


نتريا موائد الاعضاء ... وانت اولهم

[المزوحي]

عذبة الروح حتى اللي بتاكلينه بين اربع طوف نبغي نشوفه :) شو رايج

وإن شاء الله الاعضاء يتحمسون،، مب بس يتكاسلون عسب الصيام ..

[طير الغرام]

الله يعوده عليــنا وعليكم كل سنه وكل حول ان شاءالله

:

إن شاءالله بيكـون لي عــوده لـ هالموضوع
بس فـ الويك إينـد
ولا فـ أيام الاسبوع فـ فطورنـا ع قد حالنا فـ السكــن أنا واربيعتيـه =)

[المزوحي]

طير الغرام مرحبا بج ومبروك عليج الشهر ...

بغيت طريقة السمبوسه للوالدة، تقول دور في الكمبيوتر ...

نبغي طريقة سمبوسة خضرة،شي فنان .. طبعا العجينة الجاهزة ، لكن شو هي الحشوة ولو عندكم شي غير

بعد مب مشكلة ومشكورين

[أنامل قلب]

حلـــو الموضوع ..
بس لا تاخذون راحتكم فيه ،، بتمتنونا =)

أسولف ^^ ..
ولـ مائدة رمضان نكهـــه مختلفه ~ !

:

موفقين ،،
كما دمتم بـ سكون أجواءه من شهر ..

.. .

[شمعة أمل]

المزوحي حصلت هذاا

السمبوسة الهندية

الحشوة

3 حبات بطاطس مقشرة و مسلوقة و مقطعة صغير
2 ملعقة زيت
1 بصلة مقطعة رفيع
3 فصوص ثوم مقطعة رفيع جدا
ملعقة صغيرة زنجبيل طازج
نصف كوب بازلاء
نصف كوب جزر مبشور ومقشر
2 فلفل اخضر حار مقطع رفيع جدا
2 ملعقة صغيرة كاري
نصف ملعقة صغيرة كركم
ملعقة صغيرة ملح
2 ملعقة صغيرة سكر
2 ملعقة كزبرة خضراء مقطعة
ملعقة صغيرة عصير ليمون
زيت للقلي

نسخن الزيت على درجة حرارة متوسطة ونضيف البصل و الثوم و الزنجبيل ونقلب لمدة 3 دقائق ثم نضيف البطاطس و البازلاء والجزر والفلفل ونقلب الخليط بلطف على درجة حرارة مرتفعة لمدة 3 دقائق ثم نضع الكاري و الكركم والملح والسكر والكزبرة وعصير الليمون ونقلب بلطف ثم نرفعها من على النار ونتركها جانبا الى ان تبرد






سمبوسة الماش
كوبين ماش تنقعينهم بماي حار ساعه وتسلقينهم لحد ما يستوي مو ينهري وينشخل
القشره مالت ممكن تستغنين عن جزء منها اثانء الغسل بس لازم يكون فيها قشر عشان طعمه

تحمسين عشر بصلات كبيره مفروه مو ناعم وسط لحد ما تذبل مع شوي زيت
تضيفين لها 4 مكعبات ماجي خضار وكمون صحيح وكزبره مطحونه ناشفه وفلفل اسود
ولما تشرب البهارات تضيفين لها كوبين كزبره خضره مفرومه وتحمسينها معاه لما تنشف على نار قويه اضيفي لها الماش وخليها وياه مع التقليب دقيقتين بالاخر اضيفي ملعة اكل ثوم مهروس مع حبة فلفل اخضر حار وقلبي شوي بس تطلع ريحته وعدلي الملح حسب ذوقك
وتبرد وتحشى بها السمبوسه

سمبوسة البيتزا
جبن مزارولا مبشوره كوب
جبن كرفت ازرق علبة وسط مبشوره
كوب زيتون اخضر الشرايح بس نفرمه خشن
بصله متوسطه مفرومه ناعم
حبة فلفل اخضر مفرومه ناعم
علبة مشروم مفرومه خشن شوي
رشة اوريغانو
تخلط مع بعض مثل السلطه
وتحشى بالعجينه


سمبوسة اللحم
نص كيلو لحم مفروم
5 بصلات كبيره مفرومه
4 فصوص ثوم مفرومه ناعم
رشةكمون ناعم
رشة كزبره ناعمه
رشة قرفه
فلفل اسود وملح
ملعقة اكل كزبره خضره مفرومه

حطي اللحم على النار في مقلاة واسعه وخليه على نار قويه لحد ما ينزل مايه ويتبخر قبل لا ينشف حطي البصل والثوم والبهارات
خففي النار وخليه مغطي يتسبك 10 دق
قبل لا تطفين عليه حطي الكزبره عشان ريحتها وارفعيها

سمبوسة الجبن
علبة كبيره جبن كرفت مبشوره
كيس جبن مازارولا
نص كوب بصل اخضر مفروم ناعم
تخلط وتحشى

سمبوسة البطاط والبزاليا
كوبين مكعبات صغيره من البطاط تسلق دقيقتين وترفع
كوبين بزاليا مسلوقه
بصل مفروم ناعم
كمون حب
كزبره خضراء مفرومه كميه كوب
ماجي مكعبين
حبة فلفل اخضر حار مفروم
نتفة زنجبيل اخضر مبشوره
نص ملعقة اكل كاري ا
البصل تقريبا 7 بصلات
حمريه بشوية زيت ومعاه ملعقة اكل كمون حب وحطي البطاط وقلبي وحطي الماجي والبزاليا والفلفل والزنجبيل وقلبيه لحد ما يتشرب من بعض
اخر شي حطي الكاري والكزبره وذوقي الملح والفلفل برديها واحشي
سمبوسة الخضار بالشبنت
كيس كيلو خضار مشكله (جزر-بزاليا-فاصوليا-ذره)
5 بصلات مفرومه معاها 5 فصوص ثوم مفرومه
شده شبنت
مكعبين ماجي
ملعقة مشكله من الهارات ( كمون-كزبره-كمون-فلفل اسود -كركم)
اسلقي الخضار شوي لحد ما تنضج الا شوي
احمسي البصل جيدا مع الماجي والبهارات والشبنت اضيفي الخضار وقلبيه يشرب من بعضه

وبردي واحشي

سمبوسة الدجاج
دجاجه مسلوقه مفتته
5 بصلات مفرومه
فصين ثوم كبار مفرومين
حبة فلفل اخضر حار مفرومه
علبة مشروم شرايح مفرومه خشن
مكعبين ماجي
ملح وفلفل
ملعقة اكل زبده

حمري البصل بشوية زيت حتى يذبل اضيفي الماجي وبس يذوب بالبصل اضييفي المشروم وقلبيه يتحمر مع البصل اضيفي الدجاج وغطيه شوي يتسبك

ضعي الزبده في مقلاة صغير مع الثوم والفلفل الحار وبس ريحته تطلع اضيفيه للحشوه وقلبيه معاه جيدا وسكري عليها وبرديها واحشي
سمبوسة الشاينيز
كوبين ملفوف مفروم شرايح
كوب جزر مفروم شرايح
حبة فلفل اخضر مفروم شرايح
ومثلها حبة فلفل احمر ومثلها حبة فلفل اصفر
3 اكواب بصل شرايح
ربع كوب صلصة صويا او اقل شوي
مكعبين ماجي

حمري البصل الى ان يذبل شوي اضيفي باقي الخضار وقلبيها على نار قويه شوي ولما تسخن خففي النار وغطيها بس خمس دقايق عشان لا تذبل واكشفيها وقلبيها لحد ما تنشف اضيفي الصويا وبس تشربها سكري عليها
طبعا الماجي ينضاف مع البصل اولا

سمبوسة المشروم بالذره
3اكواب بصل مفروم
علبتين مشروم شرايح ومفروم خشن
كوب ذره مسلوقه
نص كوب كزبره خضره مفرومه
5 فصوص ثوم مفرومه
مكعبين ماجي
ملعقة صغيره كزبره ناشفه مطحونه
حمري البصل مع الماجي والكزبره الناشفه وبس تطلع ريحتها اضيفي المشروم وقلبيه جيدا اضيفي الثوم وقلبي وبس تنشف اضيفي الذره والكزبره وسكري عليها
سمبوسة البطاط بالمعبوج (حاره)
تقريبا 5 اكواب بطاطس مقطعه مكعبات صغيره جدا
3 اكواب بصل مفروم
ملعقة اكل كمون حب
ورشة كزبره ناشفه
من ملعقة اكل الى ملعقتين معبوج(فلفل اخضر او احمر مفروم ناعم مع ثوم وينباع جاهز )

حطي ربع كوب زيت وحطي البطاط مع البصل والكمون وقلبيه عدل غطيه شوي عشان تستوي البطاطا
لا تهرينها
ارفعي النار وقلبي لما تحسن البطاط بدأ يتحمش والبصل يشقر
اضيفي ملح وفلفل اسود
واخيرا المعبوج بس لا تقربين منه ريحته بتطلع قويه وبتكحين من حرارته ههههههه

طريقة المعبوج الكويتي
راس ثوم
ملعقة ونص اكل كبيره فلفل احمر هندي مجروش بالبذور وهو يكون مجفف وحار
ملعقتين كبار زيت
ملعقة اكل او اقل ملح
ملعقة اكل مسح كزبره ناشفه مطحونه ويفضل محموسه قبل طحنها
يفرم جميعها مع بعض بالمفرمه ويكون مثل المعجون وتحفظ ببرطمان زجاجي ويرش سطحها برشة زيت حتى لا تنشف
سمبوسة مسخن الدجاج
كيلو دجاج صدور مسلوق ومنسل خشن
4 اكواب بصل مفروم خشن
نص كوب مليان صنوبر (يحمر بملعقة طعام زبده وملعقتين زيت زيتون)
4 مكعبات ماجي
قرفه ناعمه-فلفل اسود-بهارات مخلوطه
2 ملعقة طعام سماق يضاف مع الصنوبر بالآخر
حمسي البصل وبس يذبل اضيفي الماجي والبهارات وقلبيها مع الدجاج وغطيه 10 دقايق على نار هاديه عشان يشرب من بعض ولو شفتيه ناشف رشي من مرق الدجاج نتفه
بعد ما تتسبك اضيف السماق والصنوبر بزيته وطفي النار وبس يبرد احشي

[شمعة أمل]

وعندي موقع فيه موضوع بس عن السمبوسه يعني كل الانواع.. اذا تباه بطرشه لك على الخاص لانه لو احطه هني اتوقع بيمسحونه

[المزوحي]

لا سكون ... بناخذ راحتنا لووووووووول


شمعة أمل مشكورة ... أحس سمبوسة اللحم لذيذة والسمبوسة الهندية ( أول وصفة ) :)

[مايهزك ريح]

طعمت سمبوسه في بيت ناس ..
صدق كانت لذيذه .. مع انها سمبوسة بالجبن .. و مشوايه .. والعيينه مب نفس اللي يسوونها في بيتنا .. غيير !
استحي اطلب منهم الطريقه .. >_<

[المزوحي]

مايهزك ريح البارحة في الليل الرضيعه قالت بتسوي سمبوسة جبن وشوتها، بس مايسوى خذت وقت

طبعا ممكن تكون جبنة فيتا ( البيضاء ) بالعجينة الجاهزة

[مايهزك ريح]

المشكله انه ما عندي خبره في هالسوالف .. >_<

[المزوحي]

عادي مايهزك ريح،، بس خلنا نشوف مشاركة الاعضاء ونشوف شو يحطون لنا

[المزوحي]

وبما إنه وصلتنا هريسه حاره، قلت احط صورتها لكم .. ماظن حد مايعرف الهريس



بس احس مش مضروبه عدل

[شمعة أمل]

المزوحي
انا ابا افهم ليش يوم انته تحط صور.. الصوره مول ماتطلعليييييييييييييييي :s يقهرر ابا اشوف الصووووره :(
انا ابا هريييييييييس >_<