اتصالات .. عندما تكون للرؤية دلالات

[رومانسي الأطباع]

اتصالات .. عندما تكون للرؤية دلالات


قروب عيال زايد يحيــــــــكم هالمره في واحة الهواتف .. ويتناول موضوعنا عن اقرب جهاز لقلب كل عضو فيكم هيههيهي
وراح تعرفونه عقب مااتطرق للموضوع
فحياكم معانا
.
.
الانسان صار يسابق التكنولوجيا ... وفي كل عام انشوف التطور يتغير ويتقدم عن العام الثاني ...
وإذا كان الموبايل نوع من انواع الاتصال .. فأكيد هذا الجهاز الصغير اللي نستخدمه .. له اثر في حياتنا ...

واكيد اول موبايل بالنسبه لك كان له اثرفي نفوسنا , ومن الجميل اننا لا نستطيع ان ننساه بسهووله


وموضوعنا اليوم عن اول موبايل بحياتك



شو كان نوعه؟؟ ومتى شريته ؟؟وهل كانت هديه اهدوك اياها .. ام من ضمن اختيارك

وكم المده تقريبا الي احتفظته بيه ؟؟ وكيف اهتميت فيه ؟؟

صوره من الموبايل اذا امكن ( والاسم الملقب بيه )


وشو كان شعوورك ( اكيد البنات طاروا من الفرحه الوحده منهم اتنام والموبايل بخضنها اما الشباب ما شاء الله عليهم عادي عنّّّذهم شايفين خير )


يالنسبه لي اول موبايل بحياتي كان نوعه نوكيا 3310 ( الارنوب )







وكان هديه من الوالد بمناسبه نجاحي
في الثانويه عاد كنت طاير من الفرح ههههههههههههه


كنت كله العب فييه مو مصدق من عقب البيجر صار عندي موبايل ضليت استحدمه 4 سنوات تقريبا مع اني شريت اكثر من موبايل لكن هذا كان غير

عاد الله يرحمه اتكسر


والحين خلونا نستمع لقصصكم مع اول ذكرى للموبايل ؟؟؟ ومواقفكم وياه ؟؟

ولا تنسون ان !!!! الاتصالات..... عندما تكون للرؤية دلالات !!!

[مخاوية الامل]

لين الحين ماعطووونيــه تلفوون ..،
.
.
بس إن شا الله ع شهر 7 يكووون عندي
.
.
" الاتصالات..... عندما تكون للرؤية دلالات "

[بحر الموده]

وعليكم السلام ورحمة الله وبركاته

اخوى تسلم على هذا الموضوع الحلو

وفكره حلوه منك واتمنى المشاركه من الجميع

ولى عوده ان شاء الله

[شتشووته]

امممم انا اول تيلفوون كان عندي هوو E60 ابويه خذلي اياه يوم تخرجت من الثانويه (من سنتيين بس)

التيلفوون موجود ويايه لكني ما استخدمه حاليا.. وايد احبه هالتيلفوون مع انه وايدين قالولي عود ومايناسبج وماعرف كييف

وهااي صورته



ويسلموو عالموضووع الحلـو

[مزن هتان]

شو كان نوعه؟؟
أول مبايل ليه نوكيا أحيد يسموه الأورنج ظني

ومتى شريته ؟؟وهل كانت هديه اهدوك اياها .. ام من ضمن اختيارك
سنة 2002، ما كنت هديه و لا من ظمن اختياري
جبروني. كان عمري 15

وكم المده تقريبا الي احتفظته بيه ؟؟ وكيف اهتميت فيه ؟؟
بين الـ 3 و الـ 5 شهور و غيروه. ما أعرف اهتم بـ المبايلات لين اليوم

صوره من الموبايل اذا امكن ( والاسم الملقب بيه )
ما لقيت له صوره، يلقبونه بـ الاورنج

تسلمون عـ الطرح عيال زايد

[الشوق]

كان عندي تيلفون ثاني .. قبل الارنوب ..
ماادري شو اسمه بس اسود ...
كاتل يمكن .. يو دبابه .. هيههيهي
صدق انه هالتيلفون عليها اسماء عجيبه وغريبه ...
.
.
ابوية اشترالي اياها هدية نجاحي في الثانويه
وين ابا .. عاش التيلفون ..
يعني استخدمت التيلفون على اول سنه لي في الجامعه
تم تيلفون ابويه معاي لمدة سنتين .. وانا امحافظه عليه اللهم الكفر يتغير ..
.
.
الين ما يا أجله واخترب .. هيهيه
شكلها البطاريه انتهت ...
وسريت على الدبدوووب .. شو هالاسماء العجيبه
.
.
ولي عودة لاحقا

[ذنـيـنـي]

اول تيلفون خذته كان في سنة 98 يوم كنت في ثاني اعدادي
كان "الكاتل ون تج ايزي" و لونه أصفر !!

و عقب خذت تيلفون "خرافي" و الي هو نوكيا بو ليزرين لول
خذته في نفس اليوم الي نزل فيه و اسميني كنت مستاااانس علييييييه و كنت مستوي خقاق بعد، جني استعمل فيرتو في هالايام خخخخخ

و عقب خذت 3210 و 3310 و 8210 ( كتكات ) و و و و الخ


احيد كان عندي رقم يستعمله موظف سوري عند ابويه و دووووم اتيني اتصالات من سوريا يبغون هالموظف،، عيزت و انا اقولهم انه غير رقمه و اني انا صاحب الرقم الحين و مااشي فايده

عقب قلتلهم طلعولي رقم غيره لأني طفرت من الي يتصلون على الرقم

طلعولي رقم فاتوره و يت الفاتوره في اول شهر 100 درهم لول
و في ثاني شهر 300 و في ثالث شهر 1000 و شوي فـ طبعا حرج علي الشيبه و كنسل البطاقة و رد طلعلي بطاقه مدفوعه في سنه 99 و من هاك اليوم و انا استعمل نفس الرقم و ما اقدر اتخيل عمري استعمل رقم ثاني
طلعت واااااااااايد ارقام غيره و استعملتها كـ رقم ثاني لكن هالارقام ما تكمل وياي


في انتظار باقي الاعضاء

[دمعة عين]

:

أول تلفــَـون لي كآن يوم اتخرجت من الثنويــَـه . .!
وصلني هديه من مرت أخويــَـه . .~
Nokia 6120 . . وآيـــَـد كنت أحبه . . استخدآمه مريح وسهل ،
وعمري مآ شكيت منه ، صح عآنى من دفآشتي . . لكنه بعده صآحي . .
ماكمل 10 شهــَـور . .

هممم شهــَر سته أخوي يآبلي سوني آريكسون وخذ عني النوكيـآ . . !*
عقدني .. كرهت عيشتي ويـآآآه . . !* ( K810i ) ~ الحمدلله افتكيت منه . . لول

وحآليـَـآ . . Nokia N78 . . وعآشقتنه من الخآآطــَـر . . =)

هع 3 تلفـَـونآت خلال سنه وحده بس . . !! لول

يسلمووو ع الطرح قرووب عيآل زآيــَـد
نرقب الزود منكم
لا عدمنآكم

:

دمعــَـه المآفيـَـآ خطفت من هنيــَـه
،
.
.

[مــهــابه]

شو كان نوعه؟؟ ومتى شريته ؟؟وهل كانت هديه اهدوك اياها .. ام من ضمن اختيارك

~ نوكيـا ، بس ماعرف نوعه بالظبط طبعاً هو كان بدون كام، يوم كنت في صـف ثــاني ثـــانوي ، وكان هــديه طبعـاً . .

هـو للحين موجود عند اخويه == > عنده هوايه الاحتفاظ بالتلفونات الجديمه


وكم المده تقريبا الي احتفظته بيه ؟؟ وكيف اهتميت فيه ؟؟


~ خذتـه تـقريبـاً أول مادخلت 2 ثـانوي ، وغـيرته فـ الصيف ، ماكمل سنه
ممم ماكنـت أهـتم فيه اصـلاً ، يعني فالمدرسه ماكنـا نحتايه وايد ، مفـرور فـ الغرفه طول اليوم . .




يعطيك العافيه اخويه رومانسي ع الموضوع . .

[رومانسي الأطباع]

هلا وغلا فيكم

وتسلمون على تفاعلكم الجميل مع الموضوع


الشوق والله ذكرتيني بالقاتل مع انه شكله مب حلو بس كانت بطاريته من احسن البطارياات

بس الحين احتفى صار من الحيوانات المنقرضه اقصد ( الهواتف المنقرضه )

[الملهم]

السلام عليكم ورحمة الله وبركاته

موضوع حلو ..

..
..
..

أول موبايل لي انا .. نوكيا 3210



أيام كنت في اخر الاعدادية ..
ما ادري عاد اي سنة .. لا والموبايل ما كان لي ..
اخوي عطانه عقب ما اتسخدمه ..

وعقب اخوي اشترالي نوكيا 3510..



وعقب اشترولي في يوم ميلادي نوكيا 3230 ..



وعقب اشتريت موبايل سوني اركسون k800i



بس للاسف طاح في البحر .. بالغلط اربعي عقاه في البحر .. ^^
وعقب اشترالي نوكيا 7500 تعبيرا عن اسفه ..



واخر موبايل اللي قبل تقريبا شهر اشتريته ..
نوكيا N82 ..



وهاي قصة حياتي ويا الموبايلات ..

^__^

تسلم تسلم على الموضوع .. ^^

[شمعة أمل]

أول موبايل اشترولي ايااااه

كنت في الابتدائيه صف 5 ولا6 ..وكان موبايل لي ولخواتي عشان يوم نطلع نشله ويانا
*اظني* اول موبايل كان الكتـال الرمادي مادري اخضر فاقع..
ومادري كم تم عندنا لانه الصراحه ماكنت اهتم بالموبايلات في هالسن لانه كنت الوحيده من بنات صفي الى عندي موبايل فـ كان شي غريب وماحبه
بعدين عطونا موبايل تش سكرييين وايي وياه قلم.. وانا سرت اتفلسفت عند ابويه ابا موبايل روحي.. وعلى هالوقت كانوو منزلين تليفون ثريا يديد فيهاا اريل عووووووووود اكبر عن التليفون نفسه جان يعطيني اياه بس بدون رقم سرت تفلسفت على ربيعاتي شوي وانا من هناااك ماعرف شي والتليفون مايشتغل ورديته على ابويه عقبه بـاسبوع

بعدين ماكان عندي موبايل ليييييييييييييييييييييييي ييييييييييييييييييين صف 11 الى هوو ثاني ثنوي وكان نوكيـا بس نسيت شو الكود لكن حبيته.. عقب imate عقب نوكيا n70 عقب سوني ايركسون k800 حبيبي هالموبايل.. عقب الlg prada عقب السوني الى عندي الحينه بس ماعرف شو كوده عقب نوكيا آرت وماكمل اسبوع وحليله مفرور في الصاله فـ رديت على السوني وعقب شهر بيبولي بلاك بيريي



تسلمون يا عيال زايد على الموضوع

[شوق البدو]

اول موبايل خذولي ايااه 2003 بعد ما تخرجت من الثانويه

وكااان نوكيا 6100وتم ويااييي تقريبا سنه وعقب غيرته وحليله الين اليوم عندي




وعقبه كذا موباايل

واخر موباايل بعد ما تخرجت من الجامعه 2008 هع

سوني w980

وتسلموووون عالموضووووووع :)

[الـيـاه]

لووول بدينا بالفشيله >.<

شو كان نوعه ؟

أول موبايل كان هالنوكيا الصغير الاحمر اظني كانو يسومنه *كت كات* لوول

ومتى شريته ؟ وهل كانت هديه اهدوك اياها .. ام من ضمن اختيارك ؟

عطتني اياه امي يوم كنت صف 6
والسبب انه كله كنا نسير الالعاب ومايعرفون وين يحصلونا فـ عطوني عشان جي

وكم المده تقريبا الي احتفظته بيه ؟ وكيف اهتميت فيه ؟

تم عندي مال 7 شهور جي عقب ودرته لانه محد من ربعي عنده موبايل محد يتصلي لول
فـ ودرته سنتين وعقب ردو خذولي موبايل صف 9 لكن ما اذكر نوعه


.
.
.