آخـــر الــمــواضــيــع

صفحة 1 من 3 123 الأخيرةالأخيرة
النتائج 1 إلى 15 من 42

الموضوع: ذكريـات ألوان الطفولية ~ المدرسة ~

  1. #1
    بروفيسور متميز الصورة الرمزية رمــش الغـــلا
    تاريخ التسجيل
    Nov 2006
    المشاركات
    4,820
    قوة التمثيل
    453

    ذكريـات ألوان الطفولية ~ المدرسة ~



    مثل ما سبق وتكلمنا .. عن ذكريات أعضاء قروب ألوان وأعضاء الواحات مع الدّكان ...

    .
    .

    في هالموضوع راح نتكلم عن ذكريات ألوان ... " المدرسية "

    كل منّا مر بمراحل دراسية مختلفة سواء روضة .. ابتدائي .. اعدادي و ثانوي ...~

    وكل مرحلة لها مواقفها المفرحة والحزينة والمضحكة

    .
    .

    وهالمواقف مطبووعة في ذاكرتنا ..~

    من منّا ما كانت لهـ مواقف مع المدرسين ... المدرسات ... المدير ... مسؤولي النظافة .. اللي
    يـ \ تـ بيع فالمقصف ...~

    المقالب ... الامتحانات .. الشردات ... الوقفة في آخر الصف ..~

    ووااايد ... واااااااااايد أشيا لو رمسنا عنها ما بنخلص ..~

    .
    .

    أتمنى إنكم تشاركوني بمواقفكم وذكرياتكم عن المدرسة

    .
    .




    ما أعرف شو من المواقف اللي أتكلم عنها بس أذكر موقف من كم يوم كنت أذكره لخواتي ..~

    كنت في صف أول ثانوي "عاشر" ..~

    وكانت عدنا حصة فراغ ..... يعني فاضين ونحوووط فالمدررسة >_<

    .
    .

    وهالشي طبعا بيكون مممنوع بما إن كل الكلاسات الباقية يدرسون لانهـ عندهم حصص !!

    تمينا نتمشى لين شفنا ظل الاخصائية لووووووووول ...~

    بس واقفة جدام باب حجرتها ونحن جيه

    ما وعيناالا وحدة من البنات اتقول اركضوا شرررررردة

    سرنا سيدا الطابق الثاني ونزلنا الصوب الثاني صوب كلاستنا

    والاحلى إن الاخصائية من شافتنا نركض يت ولحقت وراانا هههههههههـ ..~

    ونحن

    من الذكااء الزايد ... حذال كلاسنا المكتبة ... سيدا دشينا المكتبة

    وكل وحدة قبضت لها كتاب

    شوي الا والاخصائية ياية
    .
    .

    قالت : شو هالثقااافة اللي نزلت عليكم ؟؟

    ونحن جيه

    اونـهـ بلاهاا !! شكلها مغلطة ههههـ ,,~
    مشكلة الاستعباط يوم يطلع لوووول ..!!

    شوي وقالت يلا كلكم ردوا الصف ...

    ونحن ميتيييين زيغة لانها ما ترحم

    .
    .

    عقب ردينا الصف وطبعا قالت يلا اللي ركضوا كلهم ينشون ..~

    وأنا اوني عااد الأمينة ... أول وحدة نشيت ههههههه ..!


    .
    .

    وياريتني ما نشيت لانه نص البنات ... طلعت نذالتهم وسووا عمارهم بريئات وما نشوا

    .
    .

    وعقب طبعا ودونا الإدارة وحصلنا تهزييئة حلوة وردينا الكلاس ..~


    .
    .

    ها موقف من الموااااااااااااااااااقف اللي مريت عليها

    إن شاء الله راح أذكر لكم مواقف ثانية ..

    عقب ما أشوف مشاركاتكم بمواقفكم المدرسية ..~

    /
    /


    بنت ألوان





    رمــش الغــلا
    .



    ... I Love Me

    .. [] ..

  2. #2
    عضوية البكالوريا الصورة الرمزية دمعة عين
    تاريخ التسجيل
    Jul 2006
    المشاركات
    2,042
    قوة التمثيل
    318

    رد: ذكريـات ألوان الطفولية ~ المدرسة ~

    :

    ههههههههههه .. لول !*
    انتوآ شرآتنـَـآ عيل ، نحن كنـَـآ كلاس علمـَـي ، بس والله إلي يشـَـوفنآ
    يقول انتوا أدبي .. هع هع

    أنآآ من دشيت ثآني ثنوي اخترب ، أتعلمت الشرده ع أصولها ،
    الصبــَـح كنآ لازم انسير نيلس فوق ونتريق برآتا وجبن كرآفت . . !*
    وآكبــَـر طآف حق الطآبور ، في الحصه الأولى أنا كنت أنزل وأحضرهـَآ بس توآمي اتكمل رقآد . .
    يقولكم كنآ فآرشين زوليه ، ومحطين مثل مكآن انخش فيه المؤوونه . .
    محد يدري عنه . . !*

    وفـ ثآلث ثنوي ، شردآتنآ كلها كانت عشآن انحل وآجب الفيزيـآ .. كيف كآن يعقدني ..

    أذكـر مره عقب الفرصه ، كنآ يآلسين ورى المدرسه ، أنا وتوآمي ووحده ويآنآ ، عقب ماكلينا وجيه
    تمينآ انذآكر مع بعض . . رن الجرس وعقبها كانت حصه دين . . قلنا بنسوي طآف وما بنحضر علينآ امتحآن
    ونبى انذآكر . . شوي ولأنه المديره والوكيله يسوون جوله فـ المكآن إلي نحن يآلسين فيه ..
    قسم بالله ركضت ركيـَـض والله صدقوني كنت بسويها وبحوم اليدآر من الزيغه . .
    بنتبهدل آخر بهدله ، والسمعه بتم فـ الحضيض إذا شأفتنآ . .
    عآد أنا كله ولا سمعتي بين المدرسآت . . > زلمووكآ من الخآطر !

    الله ستر كآنت هنآك مثل طآولات وكرآسي فوق بعض انخشينآ ورآهآ لين ماسآرت .. هع

    و
    وآيــَـد سوآلف . . يمكن أرد أكتب عنهــَـآ خلاف . .
    :

    دمعــَـه المآفيـَـآ خطفت من هنيـه . .

    ،
    .
    .
    ..
    .
    Back to Oasis
    .
    .

  3. #3
    مـراقـب
    مـراقـبـة واحـة الخواطر
    الصورة الرمزية مــهــابه
    تاريخ التسجيل
    Apr 2003
    المشاركات
    11,014
    قوة التمثيل
    807

    رد: ذكريـات ألوان الطفولية ~ المدرسة ~

    نـآيس الموضوع ~ !* . .


    ~ أنـا بعـترف أني كنت الطالبه المؤدبه المشاغبه . .


    يعني أحيان أستوي بريييييئه مايخصني بشي . .

    بس تعالي لو البنات يبون يأجلون امتحان ، على طول عنديه انا . .

    مسويني محاميه دفاع . .

    طبعـاً كانوا يقولون عنا ( عـلمي متأدب ) يـعني بس فوضه علمي

    اونه لازم تكونون فـ الأدبي أبـرك . .


    وااااايد كنـا مستهترين . .


    بس المره اللي احيد انهم نزلونا كلنا ع الاداره يوم مباراه العين وحـد

    فاينل

    وتخيلوا كان عندنا امتحان احيـا

    وطبعـاً الشله كلها عيناويه ، تقريباً 9 بنات

    فـ قررنا انه ماندرس للأمتحان ولو سألتنا المعلمه نخبرها بالصـدق

    يـعني كنَا مشغولين فالمباراه


    كانت علينا الحصه الرابعه احيد ، وزعت الأوراق ، كل وحده اطالع الثانيه

    جاوبنا على سؤال أو 2 وسلمنا الورقه


    والمشكله بأن شلتنا هي ( الشعله ) فـ الصف

    يعني بدونا البنات رقووود

    يوم شافت الأبله الاوراق ، حدرتنا كلنا للإداره لوول . .


    وحصلنا هـزاب مابعده هـزاب . .




    ~ في مواقف وااايد بـعد استوت لنا


    ~ أحيد مره أبله الرياضيات تشرح عن التكامل وما ادري شو ، فـ كنا ماخذيين
    شي عن التكبير والتصغير


    فـ كل ماتكون الأبله [ تكبير ]


    البنات يقولون : الله وأكبر . .


    لين ماطلعت المعلمه من الصف وحلفت انها ماتعيد شرح هالدرس


    ~ وبس



    تشكرات يـا قـروب آلوان على الموضوع الحلو







    مؤمنه بّ / آن اللہَ سيمنحني أجمل مَمآ آريد ♥'



  4. #4
    بروفيسور متميز الصورة الرمزية رمــش الغـــلا
    تاريخ التسجيل
    Nov 2006
    المشاركات
    4,820
    قوة التمثيل
    453

    رد: ذكريـات ألوان الطفولية ~ المدرسة ~

    دمعوووتي ..~

    [ لووووووووول ] مشكلة عااد بنات العلمي يوم يشاغبوون ...

    محد يقولهم شي >_<

    .
    .
    انتي شراتي أشرد واسوي سوالف ... بس المهم ما تخترب سمعتي عند المدرسات ..
    [ كنت الزلمة بين ربيعاتي ] لوووول ..~!

    مهـابهـ ..

    ضحكتييييييييييييييييييني ع سالفة التكبير ....~
    [ ههههههههههههههههههههههه ]
    .
    .

    ما اتخيل الموقف ...~
    من حقها المدرسة يوم تظهر من الصف وما تشرحلكم عقبهـ .. هع

    ... I Love Me

    .. [] ..

  5. #5
    بروفيسور متميز الصورة الرمزية بنت الدلع
    تاريخ التسجيل
    Oct 2004
    المشاركات
    5,485
    مزاجي
    Angelic
    قوة التمثيل
    511

    رد: ذكريـات ألوان الطفولية ~ المدرسة ~

    اقتباس المشاركة الأصلية كتبت بواسطة مــهــابه مشاهدة المشاركة
    فـ كل ماتكون الأبله [ تكبير ]


    البنات يقولون : الله وأكبر . .
    ماااا اتخييييل
    هههههههههههههههههههههههه

    والله انكم سواااالف
    بس حبيتها هذي علمي متأدب

    ---

    لو اقوولكم عن موااقفي يالله ماااتخلص

    خله ابدا من صغري لول
    في موقف جد ذاكرتنه قبل الواحات

    عاد اوني كنت شاطره يوم سوولي الامتحان قالوا ما بندخلها روضه على طول تمهيدي
    اووووول يوم لي في المدرسه
    كنت في التمهيدي
    بابا نزل وياي وخلاني في الساحه وين الكل يالس وقالي اخر الدوام بمر عليج
    وانا جيه امبهته
    وين هالمكان العجيب الغريب الي فيه وايد يهال وكلهم لابسين مثلي

    اني وي دق الجرس
    وشفت الكل دش
    وانا جييه مبهته شو سالفة هالجرس وليش يوم سمعوه كلهم دشوا
    تميت بروحي ماب عارفه وين اسير

    افكر اصيح ولا اتريا شوي
    ادش وياهم ولا وين اسير

    اخر شي مشيت وتميت واقفه في الكوريدور (ممر)
    وكلحد في الكلاسات
    والي خوفني زياده
    اني اشوف حريم في الكلاسات
    تميت اقول في خاطري بابا وين يايبني ؟!!
    هذا مكان كبار
    شوي اشوف يهال
    اقول لا ها مال يهال

    ماعرفت والله شو هالمكان بالضبط هههه

    اتااريهم هذيل الامهات داشين ويا عيالهم ويالسين عالكراسي الصغيره

    اخر شي اتساندت عالايدار وتميييييت اصيييييييح
    والله شكلي كان يغمض
    بابا الله يهديك انزين تم وياي لين ماتبدا كلاساتنا

    اخر شي ابلتي طلعت من كلاسي شافتني اصيح
    ويت تحظني وادخلني داخل

    منووووو يقوووول ادش ويااااهااااااا

    ههههههههه تميت معااانده وهيه تعااالي داخل وتحاول تقنعني
    اخر شي شلتني
    يوم دشيت الكلاس الكل يطالعني
    وانا امشي وامشي
    ماكان فيه مكان الا آخر درج
    عدال واحد مصري
    اسمييييه كرهته
    والي قهرررررني زياده انه لانج بوكسه شراتي
    يوم رديت البيت قلت حق ماما تاخذلي واحد يديد لول


    هيك يعني

    تسلمين يا أمر على هيك موضوع

    (ان شاء الله) لي عوده لان سوالف المدرسه ابداان ماتخلص لول

    Somewhere over the rainbow bluebirds fly

  6. #6
    بروفيسور متميز الصورة الرمزية بنت الدلع
    تاريخ التسجيل
    Oct 2004
    المشاركات
    5,485
    مزاجي
    Angelic
    قوة التمثيل
    511

    رد: ذكريـات ألوان الطفولية ~ المدرسة ~

    اتذكرت شي

    لول الله يعينكم مني

    يوم كنت صف رابع
    عاد فرقونا عن الشباب كبرنا اونه لول
    اني وييز مدرستنا كان فيها نظام والحلو ان الكل يتبعه

    قبل الطابور كلنا نوقف بأدب وشنطنا عدالنا
    المهم ذاك اليوم انا كنت الوحيده من كلاسي الي وافقه في الطابور اوني اشطر وحده لول

    الشباب الي كانوا ويانا صف ثالث كانوا يحومون صوبنا
    حق الطابور الشباب يوقفون صوب والبنات صوب
    فشكلهم مب متعودين يتمون بروحهم لازم يلعوزون البنات

    انا واقفه واحس شي ينفخ على شعري
    شرات نسيييييم بااااارد
    بس مطنشه
    اخر سمعته يقول: هاي ماتحس من متى يالس انفخ
    ههههههههههه
    في ايده شرات البيب (سترو) ويالس ينفخ
    وعقب بكل برود صديت عليهم اوني عاد من صغري ما اسوي سالفه لذوي الجنس الخشن
    اول ماصديت كلهم شردوا
    اونه شرررررده

    عشان لو المس شافتهم يايين صوبنا يا ويلهم

    وايد كانوا شياطين الشباب


    ------


    تحيدووون الطييين ؟.. (صلصاااال)

    اسمييييه كنااا نتخبل علييييييه
    عندنا حصّه خاصه باللعب في الصلصااال
    عاد نحن شو نسوي
    نحط الطين عالارض وندوس عليه بالجوتي
    عشان تطبع الديزاينات الي على قاع الجوتي


    أيااام والله

  7. #7
    بروفيسور متميز الصورة الرمزية شمعة أمل
    تاريخ التسجيل
    Aug 2003
    المشاركات
    4,873
    قوة التمثيل
    495

    رد: ذكريـات ألوان الطفولية ~ المدرسة ~

    مدرستـنا فيها حديقه يابانيه وحيونات.. يمكن ثلاثيـن طاووس.. وشي كمن طير غريـب وسمج في نفس نهر وجيه! فـ مع هالأشيـاء .. من فتره لـ فتره يطلعلنـا حنيـش وانا كله ولا الحنيـش اميييه فيّه فوبيـا منهم..
    تخيـلو.. مره اختي الصغيره في الكلاس ولا ربيعتها تحس بشـي عند ريولها.. ويطلعلها بيبي حنيـش!
    واختي الكبيـره كانت تتمشى صوب الدايننغ وتقولي فجأه اشوف حنيـش واقففف يطالعني جان اشرد ويلحقني!!!!!!!

    وانا خلاااص اصيحلهم في البيت مابا اسير المدرسه!.. وعقبه.. ربيعاتي حصلوو بيبي حنيـش ميت من كثر الحر محترق ومتيـبس.. ف يابوه داخل وعندي وانا والدموع في عيني واقول لـ بثيـنه والللللله لو ماتخوزينه مني ياويلج.. فييه فوبيـا منه ارجوج ابتعدي عنييي!! والحمدالله كنت *الوحيده* الى ابتعدوو عنها.. باقي البنات يصيحون ويصارخون ويشردون


    بعدين مره.. كنت يالسه ويا ربيعتي شما في الحديقه اليابانيـه .. وشي جسـر في النص يفصل الحديقه لـ 2.. وشي يلستيـن كبار في الظله من خشب على كل صوب.. وانا وهي ماخذيـن راحتنا يالسـين ندق سوالف.. والحديقه اليابانيه مزينه بحصـا وجي! وصوبنا شي حصاتين كباااار وشي فراغ من بينهم..
    والصوب الثاني من الحديقه أبله عيوز مال ساينس ويا بنات حصلو حنيـش.. البنات يبون يذبحونه والابله ماطييع..

    المهـم
    يت وحده من الأبلوات تمشي صوبي وصوب شمـا ونحن بعدنا يالسيـن.. ولا فجأه نشوف الأبله تتخرطف واطيح جدام عييييناااااااا.. وعلى حظها وايد بتييت وسدت بين هالحصاتيين!! وتعورت والمسكيـنه منسدحه ماتروم تتحرك.. وهي الا مترررر مناا .. ونحن شو نسوي؟!! ماتحركنااااا!! بس جي يلسنا نطالعهـا لا ضحكنا ولا سوينا شي بس يلسنا نطالع ولا نشوف جيـش أبلوات وبنات يركضون من الصوب الثاني ياين ينقذون الأبلـه!! وتخيلوو! آخر شي طلعت الأبله حامل

    فضيـعات


    لا بعد.. عندنا أبله مال عربي.. أسمها مس باهيـه.. مووووووول ماندانيـها.. فـ مره على ولا شي هزبت ربيعتيي وغلطت عليها.. وربيعتي في خاطرها تمت تدعي عليها.. ولاتنسـون *مدرستنا مزينه بحصاا وشيـر*.. ولا تحصلون اليوم الثاني الأبله لابسه نظاره شمسـيه وماتعقها.. عقب شفنا ورم تقولون حد عطاها بكس في عينها.. تعرفون شو استوى؟؟ كانت سايره بناية الأبلوات وجان تتخرطف واطيح على ويهها على حصا
    .She can only make it, if she dreams

  8. #8
    بروفيسور متميز الصورة الرمزية رمــش الغـــلا
    تاريخ التسجيل
    Nov 2006
    المشاركات
    4,820
    قوة التمثيل
    453

    رد: ذكريـات ألوان الطفولية ~ المدرسة ~

    بنت الدلع ...~

    اسميج عنيييييييييييييييده من صغرج [ لووووول ] ..

    أحلى شي الولد المصري مسكييين هههههههههههههههه !!*~

    .
    .

    اقتباس المشاركة الأصلية كتبت بواسطة بنت الدلع مشاهدة المشاركة
    انا واقفه واحس شي ينفخ على شعري
    شرات نسيييييم بااااارد
    بس مطنشه
    اخر سمعته يقول: هاي ماتحس من متى يالس انفخ
    ههههههههههه
    في ايده شرات البيب (سترو) ويالس ينفخ


    [ لوووووووووووول ] ما اتخيل .... [هههههه] ،،

    يحليلج والله ... أحسبج كنتي هادية وشريرة نفس الوقت هع ..!*
    والاولاد يأذونج ...~


    نتريا مواقفج بعد .... لاتبخلين علينا !!~

    ... I Love Me

    .. [] ..

  9. #9
    بروفيسور متميز الصورة الرمزية رمــش الغـــلا
    تاريخ التسجيل
    Nov 2006
    المشاركات
    4,820
    قوة التمثيل
    453

    رد: ذكريـات ألوان الطفولية ~ المدرسة ~

    شمعة امل

    [ حنييييييش عاد ] ما اتخيل >_< ..!*

    وفالكلاس بعد ... مب متخيلة الموقف !!!!!

    لو انا مكانج بنقز عالطاولة وبصيح ههههههههههه ...~
    .
    .

    محد غمضني كثر المس الحامل حليلها .. يوم طاحت وانتي وربيعتج تطالعونها ..

    [ لوووووووووول ]

    نتريا مواقفج الباقية ....~

    ... I Love Me

    .. [] ..

  10. #10
    عضوية الدكتوراه الصورة الرمزية قصايد غلا
    تاريخ التسجيل
    Sep 2006
    المشاركات
    2,847
    مزاجي
    Angelic
    قوة التمثيل
    356

    رد: ذكريـات ألوان الطفولية ~ المدرسة ~

    حلوة مواقفكم و ذكرياتكم

    شكرا على الموضوع الحلو يا رمش الغلا


    لي قــــلب واحد .. و انت لـه [محبوب] .. { ما غيرك أحد ٍ هَـــزْ بـه شعرة}

  11. #11
    بروفيسور متميز الصورة الرمزية شمعة أمل
    تاريخ التسجيل
    Aug 2003
    المشاركات
    4,873
    قوة التمثيل
    495

    رد: ذكريـات ألوان الطفولية ~ المدرسة ~

    تذكرت حركه سوينها في وحده من البـنات..

    كنـا في صف 8 مادري 9 وصفوفنا في المدرسه صغااار يعني جي 15 بنت في صف
    وفي صفنا شي بنت بريطانيـه دبه وايد وشعرها برتقالي وكانت وصخه شوي وأمها مدرسـه في مدرستنا
    كان عندنا حصة سباحه وحطوني انا وكم من بنت وياها ولاعت جبدنا غير انها كانت اتبطأناا واايد وكنا في مسابقه فـ خسرنا وهي السبب.. قهرتنا وايد وايد!

    عقب حصة السباحه كان عندنا حصة موسيقى.. ولاسبوعيـن كانت الحصه عن الموسيقى الافريقيـه ويابولنا طبوول افريقيه وخرابيط افريقيه.. والى نحن لازم نسويه *وعليه درجات* انه نألف غنيه افريقيـه.. وتموو يوزعونا في غرف في الart department.. وفروني انا وقروبي في نفس store room مخشوش وصغيـر

    من بنات قروبي ربيعتي شمـا الى طريتها فوق وربيعاتي الثانيات.. كنا خمس بنات! وطبعا كنا أول ناس نسير ركض نشل الطبوول بس ماشاءالله كل طبل لازم 3 بنات يشلونه! وااااايد كباار بس وناسه

    المهم

    كنا في غرفتنا الصغيـره.. ومن قهرنا من هالبنت.. قلنا بنسوي الغنيه عنها ومنو الشريره الى يابت كل الكلمات؟ أناااااااااا

    أسم البنت "تانيا" .. ف انا شو ألفت... "تاااايوووو تأأنيااا بوشززز بوشزززز" وطبعاً في نص الغنيه قمنا نخرف كلمات نفس ويووو ويوو آآآيووو كااايوو < اونه رمسه افريقيه

    وجان ايي اليوم الى لازم نقدم الغنيه *اخخخخ بطني يالسه اضحككك صدق خباال كنا*
    المهم
    جهزولنا الغرفه
    والأبله شغلت كيمرة الفيديوو لانه لازم تسجـله
    وخلينا وحده من البنات تبدى بـ تاااااااايووو تأنيــا *عقب كلنا نقوول بصوت يخوف* بوشززز بوووشززز تخيلو الموقف بس ويا طبوول وكل شي
    وتسمعووون كل الكلااااااااااااااس يضحك لانه خبرنا كل البنات سالفة الغنيـه الا هالبنت.. وهالبنت مستااااااااااانسه وتغني ويانا تتحرا الغنيه شييي
    ويوم الأبله تسألنا معنى الكلمات نقوللها عن الغابات في افريقيا



    لا بعد
    الأسبوع الى عقب الأبله خلتنا نغني هالغنيـه لاسبوعين

    http://www.youtube.com/watch?v=m_eYoGMCZqU

    انا كنت ويا مجموعة البنات الى لازم نقول اويمبويييه اويمبوووويه
    التعديل الأخير تم بواسطة شمعة أمل ; 27-08-08 || الساعة 11:18 PM
    .She can only make it, if she dreams

  12. #12
    عضوية الدكتوراه الصورة الرمزية قصايد غلا
    تاريخ التسجيل
    Sep 2006
    المشاركات
    2,847
    مزاجي
    Angelic
    قوة التمثيل
    356

    رد: ذكريـات ألوان الطفولية ~ المدرسة ~

    ههههههههههههههههههههههههه هههههههههههههههه شمعة هلّكتيييييييني من الضحك =D

    من وين يت هالأفكار العجيبة و كلماااااااات الأغنية


    ما أتخيلكم تغنون ويصورونكم
    لي قــــلب واحد .. و انت لـه [محبوب] .. { ما غيرك أحد ٍ هَـــزْ بـه شعرة}

  13. #13
    بروفيسور متميز الصورة الرمزية شمعة أمل
    تاريخ التسجيل
    Aug 2003
    المشاركات
    4,873
    قوة التمثيل
    495

    رد: ذكريـات ألوان الطفولية ~ المدرسة ~

    أيااااااااام
    .She can only make it, if she dreams

  14. #14
    بروفيسور متميز الصورة الرمزية رمــش الغـــلا
    تاريخ التسجيل
    Nov 2006
    المشاركات
    4,820
    قوة التمثيل
    453

    رد: ذكريـات ألوان الطفولية ~ المدرسة ~

    اقتباس المشاركة الأصلية كتبت بواسطة شمعة أمل مشاهدة المشاركة
    الأسبوع الى عقب الأبله خلتنا نغني هالغنيـه لاسبوعين

    http://www.youtube.com/watch?v=m_eYoGMCZqU

    انا كنت ويا مجموعة البنات الى لازم نقول اويمبويييه اويمبوووويه
    Co0oOOo0l Wallah ...~

    a7s Wanaaaaaaaaaaasa !!!~



    ...

    /

    yaalah 76eelna mwa8f b3ad ...~

    ... I Love Me

    .. [] ..

  15. #15
    بروفيسور متميز الصورة الرمزية الـيـاه
    تاريخ التسجيل
    May 2003
    المشاركات
    6,396
    مزاجي
    Amused
    قوة التمثيل
    573

    رد: ذكريـات ألوان الطفولية ~ المدرسة ~


    رمش الغلا
    أول شي تسلمووووووون على هالموضوع الحلو ويسلم قروبكم
    لوول ع الهزاب اسميني اكثر وحده فالحياه انهزبت فالمدرسه بس آخر شي اطلعهم غلطانين ههه *Devil*

    شمعة أمل
    لووووول ضحكتيني على سالفة الاغنيه!
    انتي اللي يشوفج يقول هاي بريييييييئه مالها خص
    بس آخ منج آآآخ هههههه (K)

    ---


    اظني قلت هالسالفه بس ما اذكر وين كتبتها!! شمعوه تعرف عنها لول
    مره كان عند امتحان دين ومن كثر ما كنت متوتره .. نسيت اسمي هههه
    الابلة كانت اردنية .. وهي يالسه تحوط انتبهت عليّه اني مب كاتبه اسمي ع الورقه ..

    الأبله : وين اسمك! لول
    أنا : هاه اسمي !!؟ ..... شو اسمي ؟
    كلهم ظحكو يتحروني استهبل عليها هههه
    الأبله : بلا مزح اكتوبي اسمك
    أنا : انزين انزين >.<

    سارت عني وبعدني ماعرف اسمي شو اسوي شو اسوي تميت افكر مارمت اتذكر ههههههه
    بعدين صديت على ربيعتي ميثا وجفت اسمها ع الورقه
    جان اسير واكتب اسمها على ورقتي ( وانا متأكده انه اسمي ميثا الفلاني ) هههههه مع انه مول مايخصه
    والله ماعرف شو كان فيني هاليوم * زهااايمر* لووول XD

    صدت البنت على ورقتي وتمت تضحك .. وانا جي انا بصوت واطي : شبلاج ليش تضحكين ؟
    ميثا : ليش كاتبه اسمي ؟
    أنا : ماكتبته ... وين كتبت ؟
    تمت تضحك مب رايمه تحل بس منزله راسها لووووووووول
    وانا في خاطري : بلاها هالمينونه!! O_o ( محد كان مينون هذيج الساعه غيري ) وكملت الامتحان بكلللل ثقه انه اسمي ميثا

    بعدين على آخر الامتحان * الحمممدالله * نزل علي الوحي
    وتذكرت اسمي مادري كيف لووول هبله


    .
    .
    .
    التعديل الأخير تم بواسطة الـيـاه ; 12-09-08 || الساعة 09:45 PM



    Status : Back to UAE
    H.H.H

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 2 (0 من الأعضاء و 2 زائر)

المواضيع المتشابهه

  1. قـصص غريبــة عـن البويــات !!!!
    بواسطة بايعنها بشرف في المنتدى واحة المرأة و المجتمع
    مشاركات: 29
    آخر مشاركة: 11-06-10 ||, 06:33 PM
  2. ذكريات ألوان الطفولية ~ الدكّان ~
    بواسطة رمــش الغـــلا في المنتدى واحة الأجداد و التراث
    مشاركات: 33
    آخر مشاركة: 23-08-08 ||, 06:29 PM
  3. نظـــرة حــــب
    بواسطة الشوق في المنتدى واحة القصص و الحكايات
    مشاركات: 34
    آخر مشاركة: 19-08-06 ||, 09:28 PM
  4. ليش اليهال يخافووووووووون من المدرسه ؟؟؟؟؟؟؟
    بواسطة العيناويه في المنتدى الواحة العلمية
    مشاركات: 7
    آخر مشاركة: 22-11-03 ||, 12:35 AM
  5. الحارس يكشف فضائح طالبة المدرسة
    بواسطة العنونه في المنتدى واحة القصص و الحكايات
    مشاركات: 6
    آخر مشاركة: 26-08-03 ||, 04:42 PM

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •