مثل ما سبق وتكلمنا .. عن ذكريات أعضاء قروب ألوان وأعضاء الواحات مع الدّكان ...
.
.
في هالموضوع راح نتكلم عن ذكريات ألوان ... " المدرسية "
كل منّا مر بمراحل دراسية مختلفة سواء روضة .. ابتدائي .. اعدادي و ثانوي ...~
وكل مرحلة لها مواقفها المفرحة والحزينة والمضحكة ![Fa51](http://oasis.bindubai.com/bin/images/smilies/fa51.gif)
.
.
وهالمواقف مطبووعة في ذاكرتنا ..~
من منّا ما كانت لهـ مواقف مع المدرسين ... المدرسات ... المدير ... مسؤولي النظافة .. اللي
يـ \ تـ بيع فالمقصف ...~
المقالب ... الامتحانات .. الشردات ... الوقفة في آخر الصف ..~
ووااايد ... واااااااااايد أشيا لو رمسنا عنها ما بنخلص ..~
.
.
أتمنى إنكم تشاركوني بمواقفكم وذكرياتكم عن المدرسة ![Inlove](http://oasis.bindubai.com/bin/images/smilies/inlove.gif)
.
.
ما أعرف شو من المواقف اللي أتكلم عنها بس أذكر موقف من كم يوم كنت أذكره لخواتي ..~
كنت في صف أول ثانوي "عاشر" ..~
وكانت عدنا حصة فراغ ..... يعني فاضين ونحوووط فالمدررسة >_<
.
.
وهالشي طبعا بيكون مممنوع بما إن كل الكلاسات الباقية يدرسون لانهـ عندهم حصص !!
تمينا نتمشى لين شفنا ظل الاخصائية لووووووووول ...~
بس واقفة جدام باب حجرتها ونحن جيه ![Fa54](http://oasis.bindubai.com/bin/images/smilies/fa54.gif)
ما وعيناالا وحدة من البنات اتقول اركضوا شرررررردة
سرنا سيدا الطابق الثاني ونزلنا الصوب الثاني صوب كلاستنا
والاحلى إن الاخصائية من شافتنا نركض يت ولحقت وراانا هههههههههـ ..~
ونحن
من الذكااء الزايد ... حذال كلاسنا المكتبة ... سيدا دشينا المكتبة
وكل وحدة قبضت لها كتاب
شوي الا والاخصائية ياية
.
.
قالت : شو هالثقااافة اللي نزلت عليكم ؟؟
ونحن جيه ![Fa52](http://oasis.bindubai.com/bin/images/smilies/fa52.gif)
اونـهـ بلاهاا !! شكلها مغلطة ههههـ ,,~
مشكلة الاستعباط يوم يطلع لوووول ..!!
شوي وقالت يلا كلكم ردوا الصف ...
ونحن ميتيييين زيغة لانها ما ترحم ![7](http://oasis.bindubai.com/bin/images/smile/7.gif)
.
.
عقب ردينا الصف وطبعا قالت يلا اللي ركضوا كلهم ينشون ..~
وأنا اوني عااد الأمينة ... أول وحدة نشيت ههههههه ..!
.
.
وياريتني ما نشيت لانه نص البنات ... طلعت نذالتهم وسووا عمارهم بريئات وما نشوا ![A116](http://oasis.bindubai.com/bin/images/smilies/a116.gif)
.
.
وعقب طبعا ودونا الإدارة وحصلنا تهزييئة حلوة وردينا الكلاس ..~ ![Sad](http://oasis.bindubai.com/bin/images/smilies/sad.gif)
.
.
ها موقف من الموااااااااااااااااااقف اللي مريت عليها
إن شاء الله راح أذكر لكم مواقف ثانية ..
عقب ما أشوف مشاركاتكم بمواقفكم المدرسية ..~ ![K Smartass](http://oasis.bindubai.com/bin/images/smile/k_smartass.gif)
/
/
بنت ألوان
رمــش الغــلا
.
مواقع النشر (المفضلة)