ML حد يعرف عنها شي...؟؟

**خيال الحب** · 19-08-08 ||, 04:45 PM

السلام عليكم

ناويين ناخذ مرسيدس ام ال .. فحبيت اشاوركم شو رايكم بالسياره زينه ولالا من ناحية الاعطال وهالسوالف

**شرجاوي** · 19-08-08 ||, 07:46 PM

سياره مب مرغوبه ( امبين من اللي انشوفه ) .. و ما تستاهل سعرها

يعني اذا خذيتوها .. يوم بتبيعونها ما بتييبلكم شي

**خيال الحب** · 21-08-08 ||, 07:07 PM

ممم والله مادري شو اقولك..

بس انا ركبتها وشفتها من الداخل حلوه الصراحه وشكلها الخارجي حلوو..

انزين..

بما اني ماحبيت شكل الستيشن اليديد.. بس شو رايكم فيه .. ينفع ولالا

**المزوحي** · 21-08-08 ||, 07:19 PM

المرسيدس ماعادت شرات أول، ولو بتقول كل السيارات بشكل عام، ولكن هي بشكل خاص ...

أنا أقولك اللاند اليديد أفضل وفخامه من داخل ... بتتعود على الشكل اليديد ( مثل أي موتر يوم يغيرون شكله )

مانتقبله أول بادي وعقب الامر عادي ...

حط 3 مواتر في بالك والميزانية وقارن ..

**شرجاوي** · 21-08-08 ||, 07:52 PM

الاستيشن اليديد الصراحه وايد عليه سعره ( مبالغ فيه ب شكل كبير ) .. كل المواتر ما تستاهل اسعارها الصراحه .. يمدحون انفنتي qx56 .. يقولون انها حلوه ... و عندك كدلك اسكاليد او تاهو ltz ( سعره حلو 175 الف )

لا تاخذ الموتر ع راي الناس .. جرب المواتر و شوف شو اللي ترتاح له و خذه :)