أي بلاد ؟؟؟ لا صيف ولا شهر عسل

[المزوحي]

السلام عليكم

كيفكم ؟؟

ربيعي ماسافر في الصيف فقرر يسافر عقب العيد،،، مع زوجته ،،، واقترحت عليه يزور سنغافوره

مادري عاد تصلح وإلا مابيحبها ومابغيه يتوهق بالبلاد هذي .. كونها اسبوع تسد ...

ويقدر بعد يزور ماليزيا لو حب ... شو رايكم ؟؟؟

اي بلاد تنفع

[الزرعوني]

جزيرة لانجاوي

Langkawi



في ماليزيا

[المزوحي]

الزرعوني أمس كنت أشوف عن ماليزيا أحس الناس تسير أكثر شي كوالالمبور ويمرون على بينينغ وجينتنغ محد يسير

لنكاوي .. وكاميرون

شكرا لك

[مجموعة إنسان]

ما ليزيااا واايد حلوة
واايد اعرفهمن ساروا ماليزيا عالصييف
بس شوي رطوبه

[المقاتل]

والله يا اخوي المزوحي بصراحه تبا نصيحه من اخوكـ بوسنيده ،،

القولد cost وايد تنفع بصراحه وخصوصا ان وايد شي اماكــن ممكن الواحد يزورها هنــه .. يعني انا وربعي هنه وايد وايد وايد استانســـا .. وماليزيا مرينا عليهـــا والله ملل انا ما عيبتني وايـــد يادوب فيها ملاهـــي .. !!

اخوكـ بوسند .

[المزوحي]

يمدحونها ماليزيا وهو زارها في شهر العسل في فبراير اللي فات، ومابغي يعيد البلاد .. يعني بإمكانه يشوف لنكاوي

مثل ما قال الزرعوني ... مب شرط يعيدون نفس المناطق لو هو مب حاب ...

مجموعة انسان الرطوبة موجودة ،، بس الواحد يغير،، زين وين اقتراح ثاني ؟؟

مشكور على الرد

[المزوحي]

مرحبا بو سنيده ... هو كان بيزورها في شهر العسل وغير رايه .. مادري شو الاسباب ...

نشوف ماليزيا واستراليا ...

امس واحد يخبرني إنها غاليه ... بس مب مشكلة نخبره

[شمعة أمل]

سنغافوووره مووووووووول مب حلوه!!! لاعت جبدنا عقب يوميـن.. ورطوووووبه!!
مانصحك فيها ابدااا.. ماليزيا وايد احلى.. يقدر يسير لانقاوي نفس ما قال الزرعوني! اسبشلي حق الراحه.. السباز هناك كشخه!!



بس سؤال
ليـش كلحد يسير صوب الشرق.. يعني شي دول ثانيه وايد حلوه بعد! عندك تركيا، اليونـان، اسبانيـا، المغرب

[الزرعوني]

لانغاوي ياخوي شاعرية اكثر


و اذا بسير اوروبا و ما يبا يخسر وايد و مكان حلو


جزر الكناري ~

من اجمل ما رأيت في الطبيعه

[المزوحي]

شمعة أمل انا سرت سنغافورة يوم صغير، هل نظرتي بتتغير لها لو سرت لها الحين ؟؟؟ من جيه قلت له

سنغافورة !

وتركيا حلوة شمعة الرضيعه تمدحها ...


الزرعوني جزر الكناري ياسلاااااااام انا في خاطري اسير والله

[قلم رصاص]

عقب العيد يعني بيكون شهر 10 ، أحلى بلاد أستراليا بس مب قولد كوست ( سيدني وملبورن )
ورحلات الطيران المتوجه إلي أستراليا دبي بانكوك سيدني ، دبي سنغافوره ملبورن ، دبي ملبورن ، ودبي سيدني . ( طيران الإمارات )

[المزوحي]

بما إنه كان حاب يسير استراليا فبيكون من ضمن الاقتراح سيدني

يعني لانكاوي - سيدني - تركيا .... على حسب يبغي شرق آسيا وإلا أوربا

[عـكس قانونه]

لا تبتعد وايد عندك شرم الشيخ في مصر

عندك جزيرة قبرص جو البحر المتوسط حلو

في هذا الوقت في السنة


و اايد جزر الكناري



موفق ان شاء الله

[المزوحي]

الحين هو مفكر بين سنغافوره وماليزيا .. هذا آخر كلامه

[شوق القلوب]

السلام عليكم..

دامه ساير ماليزيا هالسنه... خله يغير الوجهه و يسير مكان ثاني..

قوله خل يسير اسبانيا... بصراحه المكان حلو .. و اجواء غيير..