قوم أبو جهل

[الجنيه]

السلام عليكم ورحمة الله وبركاته ،،،

أمس وانا اتصفح جريدة الامارات لفت نظري مقال للكاتب "سالم حميد 13/08/2008 " اسمه قوم أبو جهل ويتكلم عن وجهة نظر صاحب السمو الشيخ محمد بن راشد آل مكتوم بقتبس لكم التالي " مصطلح «أبوجهل» أطلقه صاحب السمو الشيخ محمد بن راشد آل مكتوم، نائب رئيس الدولة رئيس مجلس الوزراء حاكم دبي، على بعض القيادات في المؤسسات المحلية التي تحرص على تقييد قدرات المبدعين من الشباب الإماراتي وقتل طموحاتهم وتهميش أدوارهم وسرقة حقوقهم ومنجزاتهم,لأسف أن من يتّبع سياسة «أبوجهل»، أو سياسة تحجيم المبدع الإماراتي، هم في الغالب بعض القيادات أو المسؤولين أو المديرين أو حتى بعض رؤساء الأقسام من مواطني دولة الإمارات! أي ظلم الإماراتي لمواطنه الإماراتي، حيث يُفضل بعض المسؤولين الإماراتيين من «قوم أبوجهل» تعيين من يُطلق عليهم «الخبراء الأجانب» في مناصب أكبر بكثير من حجم مؤهلاتهم وخبراتهم على تعيين الكفاءات الوطنية! وهؤلاء الخبراء (حلوة هذه الخبراء!) أغلبهم يعتبرون بلادنا نقطة «ترانزيت» يحصلون من خلالها على المال والخبرة، فالعمل في دولة الإمارات يعد إضافة متميزة في سيرهم الذاتية؛ نظراً لسمعة البلاد المدوية، ولكن، وكما يقول المثل الشعبي لدينا: «لو كنت صقر كان صقرت في دارك»"

وايد تمعنت ف هالكلام وحسيت به لاني عايشه هالواقع حاليا بكل بساطه عينو خبراء أجانب وعطوهم حقوق وصلاحيات غير معقوله للدرجه الي خلت واحد منهم يستهزء بالعرب بكل فخر وثقه لانه عارف مافي حد بيوقفه عند حده ينظر للعرب بشكل عام والاماراتيين بشكل خاص على انهم لا شي اعتقد في تشبيه باللغه العربيه الفصحى لها الحاله ( إمعه )
وايد زعلانه ع الحاله الي وصلنا لها والسبب منو ؟؟؟ للأسف عيال البلاد الفئه الي تكلم عنهم الشيخ محمد بن راشد الواحد منهم ما همه غير شي واحد محد ياخذ مكانه عادي يكون هو مثل اللعبه بين ايد الاجنبي او الوافد يحركه مثل ما يبغي بس المهم ك واجهة يكون هو المسؤل هو المدير التفيذي هو صاحب الشأن جدام الناس لكن تعال اساله سؤال واحد يرتبك ويتلخبط ويدور ع المنقذ الاجنبي ,,, متعصب ما يبي يتنازل عن منصبه لاي حد لين ايييه يوم ويشلونه عن كرسيه العزيز ويحطون بداله اجنبي في بلاده ما يسوا بيزه للأسف الشديد والا لو هو فيه خير جان تم ف بلاده وفادهم لكنه ما يسوا عندهم عشان جذه يتفرعن عندنا والعتب ع المسؤل عن مثل هالفعل لانهم ببساطه يعطون انسان ماله اهمية كل الاهميه بينما مستخسرين ع المواطن راتب عالي او زيادة بالرغم من ان هالاجنبي راتبه يعادل رواتب 6 موظفين اصحاب الشهادات الجامعيه والخبرات ,,


الله المستعان

[الملهم]

مرات احس اني لو كنت اجنبي ..
كنت بعيش في راحة ..

صدق الله يعين ..

[ولد الشحوح]

الواقع مؤلم
فكلية من كليات التقنية في الإمارات في مدرس ما عنده شهادة جامعية تخيلوا الحبيب كان يشتغل عامل نظافة في الفنادق ينظف الجامات ... تعالوا شوفوا راتبه كم والامتيازات اللي يحصلها بعد
للأسف الكثير على باله ان الاجنبي انسان خبير ومتطور والله ثم والله في مواطنين أفضل بمليون منهم

[مــهــابه]

^
حتى في جامعاتنا ، دكتور درسني ، كان يشتغل في مطعم والله . .


الله المستعان

[خنفروش]

الله المستعان .. بالفعل و على ما قالوا هذا من نتائج البيروقطرايه (( لا تقولون شو تعني بيروقراطيه زين اني قدرت اكتبها خخخخخخ )) توريث المناصب الحكوميه و العمل على قانون هذا نعرفه و هذا ما نعرفه .. و طبعا لا تنسوون عقدة الاجنبي .. الله المستعان

[نور الإيمان]

الكلام ما يودي ولا ييب .. الأفعال هي اللي ممكن تحد هالمسألة ..

[ولد الشحوح]

نور الإيمان
كلامج صحيح !

[الجنيه]

الملهم

صدقت والله *_*


ولد الشحوح

اتصدق انا استاذي ف الجامعه كان نادل ف مطاعم الفاست فود


مــهــابه
الخير عندنا و عندكم وايد *_*



خنفروش
لو ما ت رجمت شو يعني بيروقراطيه جان هلكت وانا ادور معناها

نور الإيمان
المصيبه الافعال بيد ناس غافله