رؤى والناس ( السفر )

[الشوق]

السفر حلو يوم يكون بالصيف
لان الحر في الامارات ما ينطاق ..
حلو انك اتشوف سياحة بلاد ناس ثانين ..
وحلو انك تتمتع بمناظرهم اللي ما اتحصلها في بلادك ..
وحلو انك اتكون سايح .. وتكتشف معالم غيرك
وحلو يوم اتسافر من دون صدعة يهال
وحلوم يوم اتسافر ومعاك عايلتك علشان مااتحس الغربه
وحلو السفر لكن يكون الوقت قصير .. علشان ما اتحس بالحنين ..
.
.
.
واحلى شي اتسويه انك اتسافر وتستمتع بالسفره اللي رحتها من دون مشاكل
تحياتي / بنت زايد
الشوق

[حلم الطفوله]

السلام عليكم ورحمة الله وبركاته

وحي القلم ... ربيعة صديقتي

هالجدور ورانا ورانا !!! بس والله ينفعن !!!

والرياييل على حسب !!! حد منهم يتبرض بالأسواق وحد منهم يتهرب إذا السالفه فيها مشاري!!

وأنا جربت النوعين !!!

الحمد لله على السلامه .... وإن شاء الله نتلاقى بالسفرات اليايه


عزيزتي مزايا

أكيد السفرات ما تحلى إلا باللمه الحلوه وبوجود الأهل

وحلو الواحد يسافر بنية الاستمتاع بالطبيعه الجميله !!! بس بعد هالشيء ما يغني عن المشاري

أتمنالج الخير يا ويه الخير


خالة رؤى .... مهابه

في بعض البلدان يتركزون فيها العرب بشكل كبير !!! فتتمنين إنج ما فكرتي تسافرين لها !!!

والسفر مع وجود اليهال له ايجابيات وسلبيات !!! يعني بوجودهم بتسيرين للأماكن الترفيهيه وبعد بترتبطين بمتابعتهم ولمراكض وراهم !!! وبتكتشفين إنج ما تهنيتي بهالطلعه


أنا جربت السفر وياهم وبدونهم ....واكتشفت إنه السفره بدون حشرتهم ما تسوى

[وحي القلم]

وحد منهم يتهرب إذا السالفه فيها مشاري!!

لانهم ما يدانون ينلطعون أونه

[شوق القلوب]

1- أي نوع من الأشخاص أنت في السفر ( تحب اللمه – تشرد وتندس – تختار بلاد بعيده ) ؟

- أحب أكون في مكان آخذ راحتي فيه .. و استاااانس..


2- هل تفضل السفر مع العائلة أو الأصدقاء ؟ ولماذا ؟

- سفره الربع.. لو شو ما بنحصلها.. بس السفر مع العايله ( أهل البيت ).. يكون له طعم ثاني..
اما السفر مع مجموعه من الاهل.. و ناسه.. بس ما اتروم تاخذ قرارك على راحتك.. يعني السالفه فيها ربطه ..!!!

3- ماذا يشكل لك الأصدقاء الذين تتعرف عليهم خلال سفرك ؟ يعني هل يكون بينكم اتصال أم ينقطع التواصل بمجرد العوده للديار ؟

- ما جد صادف اني اتعرفت على حد..

4- كم هي المدة التي يستغرقها سفرك بشكل عام ؟

- ما بتسمى سفره اذا الواحد ما كمل اكثر من اسبوعين.. بس موول ما عندي مشكله اذا السفره وصلت لشهرين

5- أكثر شيء تكرهه في السفر !

- كل شي حلو في السفر.. من تجهيز الشنطه.. و متعه الطياره.. الين ساعه الوصول.. ^_^

6- شو الأحلى ؟ السفر بنية الاستمتاع وإلا السفر بنية الشراء !

- الاستمتاع حلووو.. بس اللي بيزيده حلاه متعه الـ Shopping ..

[سفير الخيال]

حسيييت ابويع في راسي لما قريت العنوان ... ورانا ورانا حتى بالواحات


- أي نوع من الأشخاص أنت في السفر ( تحب اللمه – تشرد وتندس – تختار بلاد بعيده ) ؟
أحب اللمه وأحب أسافر كل مكان وأجرب وأحب المغامره بشكل كبير

2- هل تفضل السفر مع العائلة أو الأصدقاء ؟ ولماذا ؟
امممممم أنا جربت السفر مع الشباب ومع الأهل وروحي وحسيت إن كلهم لهم نكهه مختلفه,,, فما يفرق عندي أبدا ولكن اللي يفرق نوعية الشباب اللي أسافر وياهم لأني ما أحب الحنـّــه وااايد

3- ماذا يشكل لك الأصدقاء الذين تتعرف عليهم خلال سفرك ؟ يعني هل يكون بينكم اتصال أم ينقطع التواصل بمجرد العوده للديار ؟
أغلبهم لازلت متواصل معاهم وعلى حسب التساهيل

4- كم هي المدة التي يستغرقها سفرك بشكل عام ؟
أفضل 4 أسابيع لكن بعض الأحيان تاخذ من أسبوع الين أربع شهور

5- أكثر شيء تكرهه في السفر !
الحنـّــه و المزاجيه،،، وأكيد الجو اللي فيه مطر كثير

6- شو الأحلى ؟ السفر بنية الاستمتاع وإلا السفر بنية الشراء !
الأثنين طبعا، لأن الشراء يعتبر متعـــة السفــــر الأولى


شكرا إختي حلم..