السلام عليكم


1- أي نوع من الأشخاص أنت في السفر ( تحب اللمه – تشرد وتندس – تختار بلاد بعيده ) ؟
والله على حسب المود .... بس بالغالب أحب اللمه والسوالف

2- هل تفضل السفر مع العائلة أو الأصدقاء ؟ ولماذا ؟

طبعا العائله ...وخصوصا مع بنات خالتي لأني آخذ راحتي وياهم أكثر

3- ماذا يشكل لك الأصدقاء الذين تتعرف عليهم خلال سفرك ؟ يعني هل يكون بينكم اتصال أم ينقطع التواصل بمجرد العوده للديار ؟

الحمد لله يكون امبينا اتصال بين فتره وفتره ....وبعضهم ينقطع الاتصال وياهم عشان الظروف والانشغال


4- كم هي المدة التي يستغرقها سفرك بشكل عام ؟

شهر بالكثير ....بس أحيانا أسويها وأسافر خمس أيام يوم أضيج و ( أزن ) على إخواني

5- أكثر شيء تكرهه في السفر !

الطياره !!! ما أحب يلسة الطياره ..... ريولي اتعن علييييييييه

وبعد لبس عيال بلادي يوم يسافرون !!! بعضهم يتخبل من الخاطر ...

شفت أوادم تقولون طالعين من آلة الزمن وعافستنهم تعفيس

6- شو الأحلى ؟ السفر بنية الاستمتاع وإلا السفر بنية الشراء !

والله السفر لازم يحقق التوازن بين الاستمتاع والشراء ...يعني ما بنرد لبلاد وإيدنا فاضيه بعد

بس نصيحه يوم بتتشرون لا تاخذون وياكم ريال !!! بيعيفكم حياتكم