ذكريات ألوان الطفولية ~ الدكّان ~

[رمــش الغـــلا]

خيال الحب ...~

شكرا ع زيارتك وتعقيبك ع موضوع قروبنا
..~

سكـــون ..~

حلو نك نيمج اليديد ..

ذكرتيني بالمثلج ... من فترة كنت سايرة السوق وجان أخطف عالدكان وحصلت عندها هالمثلجات الملونة

أحبهااااا وااااااااااااايد ..

مع إنه أحس كلها ماي ماشي طعم ... بس بعد يعيبني هع ..~.
أشكرج عإضافتج المميزة ع موضوعنا ..~

عافك الخاطر ..

أحلى شي عاد سيرات الدكان الظهر يوم الكل رااقد هع ..~

والحساب اللي ما يخلص لوووول !!
.
.

أحيييييييده البفك الصغير اللي عليهـ دقّوس يمممييي ..~



بنت ألوان ..

رمــش الغــلا

[شمعة أمل]

الدكـان.. هههههههههه! ذكريـات

انا يوم كنت صغيـره كنت وايد خياليه.. احب العرايس وجي! يعني مرات انا أم العروسه ومرات أنا أبلتها.. فـ يابولي سيكل بنوتي. هاللي فييه كرسيي ورا حق العرايس وطبعا عروستيي لازم ايلسها عليه لا بعد احيد شاريه السيكل من تويز آر آسس


ويا اليوم الى امي وابويه مب في البيت.. وليـــن الحين عنا نفس قوطي ينحط في الصاله نحط في دراهم ولا خمس ولا عشر .. يعني بيزات مال اي كلام!.. وعاد.. كل الدراهم خلصوو.. مب عشان الدكان.. عشان تعلمنا انه في شي اسمه باص المخبز هاللي يحوط في الفريج مالت عليه مول مايي صوب بيتنا!

المهـــم

من آخر سيره للدكان شفت مكينة خياطه عيبتني.. تعرفون هالمكينه مال يهال بو 15 درهم ماتذكر منوو بس وحده من ربيعاتي كانت في بيتنا.. وانا كنت ابا اتفلسف عليها اوني اعرف اخييط.. يلست ادور بيزات.. آآآآخر شي حصلت بيزات عماني!! كيف ماعرف؟ فـ شليت بيزات عمان ويايه وشليت ربيعتي والبشكاره وسرنا الدكان (والدريول دوم يعصب انه مانسيـر هالدكان لانه ايراني وغشاش عشان يبيع الجبس الى بنص بـ ريال) فـ سرت وخذت المكينه وراويته البيزات.. وهو جي يطالعني وانا واثقه من عمري بسويله بزنس وايد عندي بيزات آخر شي خلاني اخذ كم من جبس وحلاوه بعد الله يعين البيزات كم كان!



الاكلاااااات الى كنت احبها
هاللبان الحاااااااامض اسمه shock اظني
وجبس صحار < مادري كيف كان يعيبني
وهالحلاوه على شكل برغر صغير < بعد مادري كيف كان يعيبني
وآيس كريم توت بـ نص
وجوكي وجوكي.. وصلب البسكوت الى فيه جوكلت في كرتون احمر
وعصير اريج برتقال
ومممممممممممممممممممممم هيه جبس نفس بفك بس اصغررر لكن كيس الجبس كبيير واحيد يبيعونه بـ نص بعد

[شمعة أمل]

وشكرا على الموضوع! حبيته وايد وايد :)

[رمــش الغـــلا]

شمعة امل


انا بعد شراتج كنت احب اسكريم توت بو نص يمييييييييييي ..~
بس اريج توت يعيبتي اكثر عن برتقال [ لول ]
وعرفت البفك اللي تطرينه جي كبييييييييييييييييييير كنت أحب آكله ويا اللبن ...
بس بطني يعورني عقب >_<

تسلمين حبيبتي عالمشاااركة



بنت ألوان ..

رمــش الغــلا