ذكريات ألوان الطفولية ~ الدكّان ~

[مزايا]

أحلى شي يوم تدش دكـان في فريج ماتعرفه ,الاهم راعي الدكان ماكانت له معرفه سابقه فيك
وتشتري واااايد من عنده وتسجل حســاب ومن عقبها العين ماتشوفك P:

[شوق البدو]

آآآآآه ايااااااااااام الدكاااااان

اياااام حلووووه كنا نحرس الدكااان العصر نترياااه تحت القاافه الين مايطلع من المسيد

ونوصله دكااانه نفتح الدكااان ويااه ,,

ومراات اياام الامتحانات نطلع من المدرسه من وقت ونمر ع الدكان ونشتري مأونة ونسير فووق بيتنا
والا فووق بيت ربيعتنا ,,

من اهم مشتريااتي

الهوووبييييي اذوبه عقب اكله هع

وعصيييير اهلاااا مثلج هذاا الين يوومكم اشتري منه

استوالي موقف خلااني احرم اسير الدكان الا وهو

مره سرت بروحي الدكان ولقيت مصبنة الفريج هناك وانااا اركض عشاان ما اجووفهم الا ويزقرني وااحد

وهالوااحد يالس يدووخ خوفني قالي تبييين ويمد ايده دورووني عاد ذيج الساعه ما جاافو الا غبرتي

ومن يوومها ادق للدكان وييبلي للبيت


___


جاااان استااانس عالموضوووع
تسلميييين رمش عالموضووع الغااوي

[العجيبة]

ههههههههههه ضحكـت من سالفة السياكل ، وخاصة سالفة الزرعونـي


نحن الحمدلله ما انسرقت سياكلنـا ولا حتى الشرطة شلتهـا ....

السياكـل اشترولنـا اياهـا كهدية نجـاح اووونـه ... كنـا من الاوائـل وكاااان شي عجيـب ان ولدك او بنتك يكون ترتيبهم الأول ... فمـا بالكم اذا امي وابوي عندهم 3 وكلهم ماخذين هالمركـز !!!!

سرنـا خذنا السيااااكل واستانسـنـا وايد ... جنه العيد .... وقمنـا نسير الدكـان اللي شوي بعيد من البيت ، بعد ما يصير نسير الدكان القريب ونحن عندنـا سياكـل ....

طبعـا السيرة بسباااااق ، والردة بسبااااااااااااق

و نفس الشي ما تمت السياكـل وايد عندنا ، اختربت وكانت نهايتهـا للبتاني اللي يشتري الحديد ....!!

يوم كبـرنا اكتشفنـا انه المـامـا ما تحـب السياكـل ولا الدراجـات النارية ، فكـانت تدعي عليهن بالخراب في اقرب فرصة !!!! :(



على طاري حلاوة الرنتس ، نشتريهـا عشان الموز بسسس !

راااعـي دكـانـا ( أقصد الدكـان اللي وايد قريب من بيتنـا ) كـان شيبه ، ونحن مع إنــا صغاااار لكـن الشياطييين راكبة رووسنـا نستعبط عليه، ومنـاك هو حاط دوبه من دوبنـا ، عاليومين ياي بيتنـا يشتكي ! هيهيهيهي يعني لدرجة انه كان ينقهر اذا بنمشي بالسياكل جدام دكااانه :/



عيل الشيء العبـط ، يوم كانـت يدوة فـ بيتنـا ، عمري 3 أو 4 سنوات وأونه عيـب اطلع الدكان
كبـرت شوي وطلعت يدوه من بيتنـا ، فـاستـوى حلال اسير الدكـان هيهيهيهي



موضوع حلو وخفيف .... دمتم !

[طير الغرام]

ياااااااااااااه أيــاااام والله
ليـــت الزمـــــــــان الأول يعـــود

ذكريـــاات والله >> بس لين الحينه ما أذكر موقف يستاهل انه ينذكر

بس اللي أحيده الظهر القايلــه قبل لايحطون الرسوم العصــر انروح الدكــان وناخذ حلويات
أهم شي هـ الأسكريم اللي فيه منه لونين أبيض ووردي
جيه كوره فـ البسكوت وامقرطس بقرطاسه شفافه >> مادري إذا عرفتوه ماعندي صورته

اتحيدون هـ الكافي

ههههه يوم أتذكر كيف كنت آكله أضحك ع عمريه >> فيه كذا نوع هب بس هذا
كنت آكل أول شي الجوكلت وأخلي منه طشوووووونه
عشان عقب أخلط الباقي مع الأبيض وأتلذذ فيــه لني أحب الأبيض أكثر شي

واتحيدون هـ الأسكريم الكوره

كنت أحب اللي لونه أزرق

و هـ الجيلي

و هـ العــلوج

اللي معاه تاتوو >> أسميها الإيد اتم امرقعه

وهــذا

كنــت أعصره وآكل العسل اللي فيه أول وأخلي طشونه عشان يتم مع العلوج وأعلجه ههه

وهــذا اللي بو ربع

ذكريــــــــات والله

تسلميـــن ع هـ الموضــوع العجيــب
اللي ذكرنـــا بالمــاضي العتيــــــــق

[شمعة أمل]

الدكـان.. هههههههههه! ذكريـات

انا يوم كنت صغيـره كنت وايد خياليه.. احب العرايس وجي! يعني مرات انا أم العروسه ومرات أنا أبلتها.. فـ يابولي سيكل بنوتي. هاللي فييه كرسيي ورا حق العرايس وطبعا عروستيي لازم ايلسها عليه لا بعد احيد شاريه السيكل من تويز آر آسس


ويا اليوم الى امي وابويه مب في البيت.. وليـــن الحين عنا نفس قوطي ينحط في الصاله نحط في دراهم ولا خمس ولا عشر .. يعني بيزات مال اي كلام!.. وعاد.. كل الدراهم خلصوو.. مب عشان الدكان.. عشان تعلمنا انه في شي اسمه باص المخبز هاللي يحوط في الفريج مالت عليه مول مايي صوب بيتنا!

المهـــم

من آخر سيره للدكان شفت مكينة خياطه عيبتني.. تعرفون هالمكينه مال يهال بو 15 درهم ماتذكر منوو بس وحده من ربيعاتي كانت في بيتنا.. وانا كنت ابا اتفلسف عليها اوني اعرف اخييط.. يلست ادور بيزات.. آآآآخر شي حصلت بيزات عماني!! كيف ماعرف؟ فـ شليت بيزات عمان ويايه وشليت ربيعتي والبشكاره وسرنا الدكان (والدريول دوم يعصب انه مانسيـر هالدكان لانه ايراني وغشاش عشان يبيع الجبس الى بنص بـ ريال) فـ سرت وخذت المكينه وراويته البيزات.. وهو جي يطالعني وانا واثقه من عمري بسويله بزنس وايد عندي بيزات آخر شي خلاني اخذ كم من جبس وحلاوه بعد الله يعين البيزات كم كان!



الاكلاااااات الى كنت احبها
هاللبان الحاااااااامض اسمه shock اظني
وجبس صحار < مادري كيف كان يعيبني
وهالحلاوه على شكل برغر صغير < بعد مادري كيف كان يعيبني
وآيس كريم توت بـ نص
وجوكي وجوكي.. وصلب البسكوت الى فيه جوكلت في كرتون احمر
وعصير اريج برتقال
ومممممممممممممممممممممم هيه جبس نفس بفك بس اصغررر لكن كيس الجبس كبيير واحيد يبيعونه بـ نص بعد

[مــهــابه]

~ ياحليله السيكل . .

ضحّكتوني والله ،

أصلاً قبل كشخة اليهال بسياكلهم ، لي عندهم سيكل ومعدلنه ، وحاط فيها اخضر واحمر ومادري شو ، يعني هذا واحد كاشخ لحد يرمسه . .


~ بالنسبه لي انا والدكان ، كانت عندنا وحده في فريجنا الجديم تبيع في بيتها ، وهذا بيتها جريب لبيتنا ، يعني ممم بينا شارع بس . .

وطبعاً كل يوم الصبح قبل لايروح ابويه الدوام ، ولأني كنت الوحيده اللي ماعنديه روضه ولا مدرسه ، يلف بي لفة ع الدكان من الساعه 7 الصبح ، يشتري لي حليب أو عصير المهم ويرجعني البيت

طبعاً انا مستحيل انزل وماعنديه ، 5 ربيات ولا 3 ، المهم يكون فإيدي بيزات

~ وجان ماعطاني ، ما انزل ، ويتأخر هو ع الدوام . .


المهم ( انا مخي أقتصادي )

هالبيزات اخليهن للعصر ، وأول مايظهرون الرياييل من صلاة العصر ، انا شردة بيت يرآنا

احيان اطلع بدون لا اخبرهم بعد


ومثل ماقلتوا ( الهوبي ، والأريج ، ومثلج أهلاً ، وهذيج الحلاوه مالت البقر كنت احبها وايد )

وآروح واشتري

أحيان تكون الحرمة محد ، وعندهم ولد نحيس للحين أذكره ، اسمه نصوور ، مايطيع يبايعني موليه . .

لأنه هالحرمة ماعندنا غير 12 ولد بس ، المهم

يوم مايبايعني ، ارد البيت أصيح لأمايه ، واسحبها ويايه عسب تشتري لي ~ !* . .


غير جيه كان ولد عموه ، يوديني بالسيكل ماله للدكان يعني يردفني ، ونروح


مَره ، كنا بنروح الظهر الدكان

وعمووه راقده ، قال اصبري شويه ، راح وخذ بيزات من غرفتها ، هو سحَب 500

ويتحراهن 5 دراهم

عاد يوم وصلنا الدكان ، صارت الوهقه راعي الدكان يعرف عمووه ، وماطاع يبايعنا

عاد اونه انا بريئه مايخصني بشي


المهم ردينا ، وشوي ونسمع هالهندي الحشره ياي لعموه ومخبرنها ، للحين مب قادره اسى شكل ولد عموه كيف


وكل مايقول لي شي الحين ، اذكره بالموقف

واقول له خل عيالك يكبرون بخبرهم الحكايه بعد


استوت فيها احداث بس مابخبركم حرام، عن افضحه





ألوان تسلمون على هالموضوع :)

[وحي القلم]

^هذا هو الككاو اللى أقصده



.
.

و حتى الاسكريم الوردي حلو

[مــهــابه]

يـاسلام . .
عـ العيدان

في نوعين واحد حار والثاني بارد ، عاد الحار وياه داقوس ، كشخه

[رمــش الغـــلا]

حلم الطفولة + مزن هتّان + الحاضر الغايب + عكس قانونه

عيل طلعتوااا سوالفكم ومقالبكم ويا راعي الدكان ..[ لووول ]
.
.

وجودكم في موضوع قروبنا .... وسوالفكم رسمت البسمة ع ويوهنا ^^
.
.

مزايا

ثرج مب هينة ... تسيرين تسوين حساب في دكان يديد
والله ضحكتيني عليج [ هههههه ]

.
.

[رمــش الغـــلا]

شوق البدو

هي والله ... دوم نسير فوق البيت ناااكل ...~ لول

وهووووبي ايااام أحلى شي يوم يكون ذااايب هع ..

تسلمين حبيبتي وجودج الاحلى ..~

.
.
العجيبه

يالشاااطرة ... انتي ..

سيكل بعد ..

انا وحدة اذكر ما كنت احب السياكل .. بس اذكر ابوي شارلنا هالسيكل حق 3 انفار

انا الكبيرة اسوق جدام
وخواتي الصغار ورا هع هع ..~


مهـابه

ضحكتيني بسالفة الهندي يوم لحقكم البيت وخبر عمتج هههههه

,
.

تستااهلون يفاتن عليكم ... عنبو ما تفرقون 500 عن ال 5 ههههههه
....

نتريا الباقين يحطون لنا سوالفهم ويا الدكان ... لول ^^

[رمــش الغـــلا]

الزعوني ...

أنا ابا عيدان بطاط ... ليش حطيت استواا فخاطري الحين >_< ..!

والكاكاو ها االلي اربع ويا بعض .. يكون بريال ...
اذكر دوم كل ما ناخذه امي تقول هذا رمل مب كاكاو ..
ونحن طااف نشتري ههههه


وحي القلم

هي الحين عرفت ها الكاكاو كشششششخة ^^
ذكريااات واللهـ ..~


قصايد غلا

عاد مب شي يوم الفريج ما في دكان

شرات فريجنا موووول ما في دكان >_<
مب شي


المهم كنتوا تعوضون يوم تسيرين بي خالتج :)


بنت ألوان ..

رمــش الغــلا

[رمــش الغـــلا]

مشكووورة ع اضافتج طيروووه ...~
.
.

والله وذكرتيني بهالصور اللي حطيتيها ..

وأحلى شي الكاكاو بو ربع صدق يممممي ....~

.
.

[خيال الحب]

اياااااااام والله يوم كنا نروح الدكان لوول..

استمتعت وانا اقرى ردودكم :)

ومشكوره رمش الغلا ع الموضوع الحلو

[الشوق]

اوييييه بضايعكم امغبره
لين احينه فيه هالسوالف

.
.
.
هيهيه خاطر في لبن مثلج
والا صفاااااااا جوزس
.
.
.
بس تجرون ذكرتوني اب موضوع كنا عارضينه اهنيه بعنوان دكان الفريج
فأخليكم مع ذكريات اعضاء واحات بن دبي القدامى في دكان الفريج
http://oasis.bindubai.com/bin/showthread.php?t=19330
.
.
رمش الغلا .. وكان لموضوعج طعم جميل
هيههيه عيبوني الصور والذكريات
صدق مااال اوللللللللللل
تحياتي / الشوق

[أنامل قلب]

:
.

ههههههههه ..

الله يسامحكم .. خصـــه أخوي الزرعوني ههه ..
وأونه بالفصحه بعد لول ..

والله إنكم .. !

بس جنه بعض الناس مسحو ردهم ..
انا شفت الاقتباس بو 3 سطور وجي ضحكت لول ..

بس صدق إن الموضوع يخليك من الخـــــــــــاااااطر !

وينها اختي إيه أحبك .. خلها تشوف بلاويكم ..

:
.

عن السيــاكل ..
فمــــــــووول ولا مره بحياتي ركبت سيكل ..
ولا شرولي سيكل ولا بغيتهم يشترولي حتى ..

أخاف أطيح ..

بس وايد كنت أسير الدكان ..

طبعا بكل فريج دكان اللهم لا حسد ،،
بس هذا اللي صوب بيتنا طبعا غيــــــر لول ..

كنت "ولازلت" أحب أشترلي هالمثلجات الملونه ،،
خاصه اللي بنكهة التوت + لبن مثلج ..

وووو ما أذكر الأسامي للأسف ،،
بس لاحظت شغلات غريبة بالطرح ..

يمكن هذول من اللي جيلهم أقدم لول ..

بس أحب هالحلاوة الملونه اللي فيها الموز وجي ..
وحتى هاك العلج الحــــــــــاااامض ^____^ ..

ووواااايد بلاوي ثانيه ..

:

اممم ..

في شغلات لازلنا نلقاهم بالجمعيات ..
وفي شغلات للأسف عـ كثر ما أدور لكن ما ألقى .. . !

وووو كملو كملو ..

تراني ماشبعت من الابتسام ^_^ ..

:
.

.

دمتهم بطيب الطرح ونقـــاءها من ذكريات ..

كما لا هنتو أبـــد على هيك موضوع ..

وموفقين دائما // ورده ~

:
.