الله خلقنى كذا احيـا وأمـوت بـك
- ستة وعشريـن عـام راح مـن عمـرى

أفرش عيونك وطـن وأتلحـف اهدابـك
- طفل أحب العبـث وانـام مـن بـدرى

مليـت أردد لنفسـي طـوّل غيابـك
- أخاف يجـرح لسانـى حبـك العـذرى

من كثر مـا اتذكـرك وشفـاى تغتابـك
- صرت أذكر اسمك وأطعن ف صـدرى

أبكي.. أوقول بصراحه مش من أسبابـك
- متعود أبكي على هـالحال من صغـري

كيف اشهقك وأزفرك وأهـدى اعصابـك
- لين أنفخ الروح فى ضحكاتـك وشعـري

أمر في الشارع اللـى يوصـل لـبابـك
- أتخيل ان وصلت ومـا وصـل عـذ ري

وأمشى على آثار رجلك وألمس ترابـك
- أقوم ... لكـن يـرد وينحنـي ضهـري

ليه الشجر من ورا هـ.. السور متشابك؟
- كيف أقدر المح نوافذ غرفتك .. وأجـرى

واطل مره ... عشـان أطالـع الل عابـك
- وأتشبث بأى شـيء ومـا حـد يـدري

أتخيـل انـي لمسـت بكفـي اثيـابـك
- وأشم فى راحة ايدى عطـرك المغـري

وأرجع بنفس الطريـق أسابـق عتابـك
- يتساقط الشيب من راسى ومـن قهـري

ستة وعشرين عام ..آموت واحيـا بـك
- والحين .. توك سألت الحين .. كم عمرى

الشاعر المبدع - الجاسي
رغم انها مشاركة قديمه الا انها لا تقدم على الذاكرة أبداً ...


؛

موضوع دسم و شهي يا سكون
يسلم لنا فكرك و قلبك :)


.
.