˚مســـرح الجريمــــه ˚ ,, ألوان

**بنت الدلع** · 11-08-08 ||, 01:20 AM

مرحبااا يا حلوين

قروب ألوان يحييكم في منتصف الليل

.

ادري العنوان يخليكم جيه تستوون

بس لا تخافون مجرد تصميم بريء

سويته من فتره
كنت اتخيل قصه وسويتها على شكل تصميم

وحبيت اطلع عن التصاميم المعتاده واسوي شي يديد

ان شاء الله ينال على اعجابكم

.

كبروا التصميم عشان تشوفونه بوضوح ^_^

آرائكم تهمني
وانتقاداتكم تفيدني

كنتم مع..
مصممة ألوان ,, بنت الدلع

**مزايا** · 11-08-08 ||, 01:24 AM

تصميــمج في غاية الغرابه ...
ما أجاملج لو قلت لج أول مره اشوف هالنوعيه من التصاميم
عندي ملاحظه صغيره ، بمـا إنج قلتي مسرح جريمه يعني لون غامق شوي
ف أتصور التصميم بيكون أحلى لو كان باللون الاسود مثلا .. مثلا
بس كـ كل تصميم في منتهى الروعه ..

إختج مزايــا ..

**العجيبة** · 11-08-08 ||, 01:25 AM

واااااو .. صراااااااحة طرررررررررررر

كاااان بيكون احلى على غلاف قصتـــــه ... شدي حيلج

**طير الغرام** · 11-08-08 ||, 01:29 AM

اممم غريب اشوي
عيبتني حركة الصور الفوريه اللي فوق بعض >> بس ليش شكهلن يبين جنهن كانن اصغار وكبرتيهن وااايد أو إنه التصميم كان عود وصغرتيه !
فـ أحس امأثر فـ الوضوح

وكـ مسرح جريمه كرتوني ~ حلــو

**رمــش الغـــلا** · 11-08-08 ||, 12:39 PM

وأنا أحس بنووور غرريب فالواحات اليوم..~

يسلملي هالتصميم الغاااوي ..

يا مصممة قروبنا ^^

.
.

اللي عيبني فالتصميم

فكرتهـ الغريبة ..~

.
.

**دمعة عين** · 11-08-08 ||, 02:37 PM

:

[ بنت الدلع ]

فديته من أرنــَـوووب أحسه منتحر مب مذبــَـوح *~
> غمضني لاه

.. .

ياليتج خليتيييه أحمــر ولا لون غامــَـج عشآن يكون دموي صدق *~
اللون خانج هنيييه ~ ..

بس حركه الكروت فوق بعض حلوه .. .
وفكره غريبه نوعا ما =)

بانتظــَـآر كل يديــَـدكم الغاليه
ولا تبطيــَـن ~ ..

همســَـه :~ بانتظآر مشاركتج في تحدي المصممين . .

دمعــَـه المافيــَـآ خطفت من هنييه .. .

،
.
.

**بنت الدلع** · 11-08-08 ||, 04:05 PM

.. مزايا ..

تسلمين على المدااخله الجميله
مثل ماذكرت في البدايه
تخيلت قصه وسويتها تصميم
وحبيت اظهر عن المعتاد

يعني يوم الواحد بيتخيل جتل ولا شي جيه
كله دم وسوااااد

بس انا حبيت اغير هالفكره
واوصل الشي الي كان في بالي

يعني مثلا يوم الواحد بيشوف ممكن يتخيل شيئين

1- يمكن هالارنب استواله نزيف حاد من شدة الرطوبه والحروره مما أدى إلى موته في النهار !! (ممكن ليش لا)
2- يمكن الجريمه صارت فليل بس يوم يو الصحفيين وصوروا كان هالشي في النهار عشان جيه نشوف انه الدنيا نهار

احتمااال من الاحتمالات

يعني اذا الواحد يبا يحقق في هالجريمه بتتبين له احدااث اخرى ممكن انها تكون وقعت !

**مــهــابه** · 11-08-08 ||, 04:50 PM

واااااايد حلوه ~ !* . .

فكرته حلوه وغريبه . .

انتي وين داسه هالأبداع من زمان ؟

تسلم إيدج يـا بـنت الدلع

تقبلي مروري

بنت رؤى
مــهــابه

**الملهم** · 11-08-08 ||, 11:30 PM

نوع جميل وجديد في التصميم ..
ابدعتي اختي ..

موفقة ..

**شمعة أمل** · 12-08-08 ||, 03:14 AM

هلاا!!

حبيت الفكـره!! والموضوع يحمـس! من الصبح وأدوره آخر شي حصلته في هالواحه
التصميم وايد حلوو! بس احس الألوان مش مناسبه للـ فكره.. يعني لو كان أزرق غامج ولا أسود احس بيكون احلى بواايد! ومنـاسب لـ (مسرح الجريمه)

شمعة أمـل

**المزوحي** · 12-08-08 ||, 08:24 PM

فكرة حلوة بنت الدلع،،،، لكن متعمده تخلين خطوط الصور بــ هالشكل ؟؟؟ ( لأنهم مب واضحات ) !!

**بنت الدلع** · 13-08-08 ||, 01:12 AM

.. العجيبه ..

تسلميييين يا طرر انتي
ان شاء الله يوم بتطوّر مهاراتي في الكتااابه وبتنتعش مخيلتي (عطيني مادري كمن سنه جدام

) وبعدين ان شاء الله بنزل القصه

أسعدني تواجدج

---

مصممتنا .. طير الغرام ..

همممم
لا هو ماكان صغير
وحتى يوم صغرته ما تأثر
بس من التأثيرات الي استخدمتها مبيّن بهالجوده
بس ما انتبهت لهالشي الا بعد ما رفعته !

تسلمين على تواجدج

---

.. رمــش الغــلا ..

المكان منوّر بوجودج

تسلمين على التشجيع المتواصل

ربي لا يهينج

---

المبدعه .. دمعة عين ..

يختييييه غمضني ردج
والفيس الي حاطتنه واايد بريييء

رايج وراي الاعضاء حطيتهم بعين الاعتبار

بس احس الكل يوم قرا مسرح الجريمه فكر في شي اسود
ودم
والوان غامجه

بغيت التصميم يكون mysterious
ويخلي الواحد يفكر ليش هالالوان الفاتحه ؟!
ليش وقت الجريمه في النهار؟

ولو تلاحظين هذي الجريمه مصوّره
وفيها تاريخ

يعني مثل ماقلت قبل
ممكن الشخص يتخيل الجريمه صارت فليل
ولكن اكتشفوها في النهار
و نزلت في الجرايد بهالشكل !

تسلمين على تواجدج وعلى ابداء رأيج

همسه: ان شاء الله =)

**بنت الدلع** · 14-08-08 ||, 05:39 PM

.. مهابه ..

بصراحه مرورج اسعدني واايد
وتسلمين على كلمات التشجيع هذي
معاكم نرتقي دوما ..

---

.. الملهم ..

تسلم والله
هذا من ذوقك ^_^

---

.. شمعة أمل ..

زين عيل خلينااج تدورينه

تسلمين والله =)

يقولج Think out side of the box
وانا هالي سويته

لان لو خليته غامج
صح بيناسب الفكره اكثر
وبيعطي معنى ثاني

بس احيانا لازم نخرج عن القاعده المعتاده

وكانت مجرد فكره
ممكن تصيب
وممكن تخيب

شاكره لج مرورج ورايج ^_^