[ هــويتنــا ] ~ عصابـة المـافيا ~

[ولد الشحوح]

لا هنت يا اخوي انا معاك بكل حرف

[حلم الطفوله]

السلام عليكم

عندما نتحدث عن اللغة العربية تئن الحروف قبل القلوب للحال الذي وصلت إليه في زمننا !!

جميع ما أضافه الأعضاء يؤخذ بعين الاعتبار ويدفعنا للوم أنفسنا قبل أن نلوم غيرنا

فمثلا ...

- الأخطاء الاملائية باللوحات الاعلانيه وأسماء المحلات ( أنقهر من خاطري لما أشوفها)

- لما اندور بالمحلات حد ( يفهم عربي ) ببلادنا...... وما انحصل ....

- اليهال لما يتنطقون بكلمات انجليزيه ببداية كلامهم نستانس !!! املقعين ما شاء الله

- العيايز الحين .... يقولن للبشاكير .... سويلنا دلة كوفي !!! وييبيلنا بليت ( رطب ) !!!

الانجليزي دخل حياتنا هالشيء أكيدين منه !!! لكن المصيبه إنه صار يغطي على حروف لغتنا وهويتنا العربيه بشكل كبير ومخيف

وانلاحظ إنه انطلقت مراكز ومجموعات حماية اللغة العربيه ....بس دورها محدود جدا ويضم فئه صغيره

تذكرت لما كنا بتركيا ...

كنا نحاول نتفاهم ويا البياعين بكل اللغات وما يردون علينا لحد ما وصلنا للغة الإشاير وتعلمنا شوي من لغتهم

لأنهم وبكل بساطه ومع انهم متعلمين الانجليزي ..... يسوون عمرهم ( اقجج )

عدهم وفاء غير طبيعي للغتهم .... ما يرمسون إلا بالتركي

حتى الفرنسيين ساعات يتنيحسون شراتهم !!!

ليش ما نكون مثلهم !!!

ليش ما يكون وفاءنا للغتنا أكبر .... ونجبر الموجودين ببلادنا يتكلمون ويتعاملون بلغتنا !!!

ارمسوا بالعربي ببلادنا .... وشجعوا عيالكم واخوانكم على قراءة الكتب العربيه !!!


خطاب ...موضوعك حلووووووووو ..... جزاك الله خير على طرحه

[دمعة عين]

:

نحــَـن أبدآ مب ضد إنك تتعلم لغآت ثآنيه ،
بالعكس هـ شي طيب ، والرســَـول صلى الله عليه وسلم حثنآ ع هـ الشي . . .

بس أنا بـ النسبه لي / / أرفــَـض إني أتعاامل ويا النآس بـ هاللغه !*
قسم بالله هم إلي في بلادنا ، هم المفروض يتعلمون لغتنا مب العكس . . .

الألمانيييين ~ جرب رمسهم بغير لغتهم ، قسم بالله يعصبووووووون ،
تبا تتفاهم ويانا ، أتعلم لغتناآ ،

ليش ان شاءالله نحن ما نمشي ع هـ المبدآ . . ؟!

أنا سنه كامله كنت في الكليه ، والتوآصل كله يكون بـ الانجليزي ،
بس الحمدلله لسآني ما احتااس ولا شي ، رمستي تمت مثل ماهي ،
ماقمت أدخل أي كلمه بـ الانجليزي في نص الجمله . .

>> خيــــَـر شو السالفه !!
الحمدلله كلنا انعرف نرمس انجليزي ، مافيها شي . .
يعني لازم نتفلسف ع الخلق !*

أنا أشوووف إنه الهنــَـود ماشي أحسن عنهم ، دشوا بلادنا ، وهاكم يتعلموون عربي ،
صح خربوا نص رمستناآ ~ بس أحسن عن غيــَـرهم . .
دريولنا هندي ، وأحلف لكم إنه يقرى ويكتب بـ العربي !*

:

التجــَـآر إلي يوو من بــَـرع // ماشاءالله ماقصــَـروا ، طوروا البلاد وكل شي ،
بس للأســَـف ، في النهــَـآيه اشتروووهاآآ ، كل هـ المشآريع إلي تصير في دبي
أحس نصها حق الأجاآنب ، والموآطن ما يحصل شي منهآآ
إلا إلي عنده واسطه ، ولا من كباريه البلاد ..

المفروض الغرب ، يوم إيوون بلادنا نحن انحببهم فـ لغتناا ، ونعلمهم إيآهاا
ومب هم إلي يعلمونا لغتهم . .

:

آ آ آ أحس إني هاجمت لول
بس هـ إلي طلع فـ خاطري عقب ما قريت ردودكم . .

والسموحه ع الإطـآله
شآكرين لك طرحك ~ خطــَـآب
:

دمعة المافيــَـآ خطفت من هنيــَـه . .

،
.
.

[وحي القلم]

^

عيبنّي آخر ردين

[الهيثــم]

بسم الله الرحمن الرحيم

بداية أشكر كل من ساهم في هذا الموضوع

جزيل الشكر والتقدير لكم ، وجزاكم الله خيـرا ً

\
/
\

نتمنــى منـكم قـراءة هذا المـوضوع
[ مجــداف جــدي ]

للشاعر الوالد عبدالله الهديـة الشحي

/
\
/

عصابة المافيا
{ سيف المافيا }

مفتــرقــ
\
/
\
ترقبـوا جــديد المـافيـا