اليوم الثالث
السلام عليكم ورحمة الله وبركـاته
بعد مناقشات، قررنا نقّسم الجزيره على
يوميـن من ناحية الأشيـاء السياحيه الى بنسـويها ويا الـ tour guide.. فـ اليوم سوينا القسـم الأول من الجزيره. لذلك تم حجز باص لهاليوم
اسم التوور قايد "جاكليــن" واسم الدريول "انتونيوو"
بمـا انه المنطقه جبليه وكل شوي لفه ولا قص شويي دوخت عليهم في السياره
انزين زياغ
المهمممممممممم
ماعرف شو اكتب من ناحية معلومات لانه قلت تقريباً كل الاشياء الاساسيـه في بداية الموضوع
المهممممم
هذا كان الـ stop الأول .. وكان شي ياهل طلّاب يضضضضضضضحك!! يلس يرقصلنا ويسولنا حركات عشان نعطيه بيزات! عمره يمكن 5
والقوارب الصغار في الصور اسمهم " كانووو" والجمع "كانووز" .. يوم كنا في المدرسه كان يحطولنا كانو في الحوض
*قصـايد غلا، تحيدين الرد الى كتبته عن البنت تانيـا؟ تخيلي علقت في الكانو ومارمت تطلع
*
وهالـ stop الثاني، المنظر كان روعه هنيـه!! وشي ناس برتغاليـن من عيايز لـ يهال يبيعون أشيـاء بس للاسف كل صوره هم فيهم نحن فيها فـ ماروم احطهاا!! بس يبيعون أشيـاء كيوت! نفس حلاوة ماديراا وقحافي غير شكل!! ودلاغات < اشتريتهم حق يدوه لول! .. وهالقطار مال حرووف وهييك!
تشوفون الطيطار؟
مامي
والـ stop الثـالث كان احلى شييييي!!! قالتلنا الحرمه بتراوينـا السحاب وفعلاً راوتنـا السحاب
وكان برررررررررررررررررررردددد دددددددد
باصنا العزيز
ويوم كنـا في الشـارع تمت الحرمه تقولـنا عن بيوت البـقر! وانه هنـي عندهم نفس بيوت صغيره للبـقر وممنوع البقر يطلعون برع هالبيـت.. يعني يوم البقره بيبي يفرونها في هالبيت وظلام وكل شي وبس يأكلونهاا يعني مول مول ماتطلع! لين مايذبحونها!
بس أبويـه قال اصلن اذا من ناحية الستـيك ف ستـيك البقر الى جيه احسن وايد عن البقر الى يطلعون برع.. عشان جي الستيك الياباني أغلى ستيـك لانه بقرهم متاان
والى في الصوره هو أجدم بيت بقره في الجزيره!! الحينه اطورو ويسونهم من خشب ولا حديد!
وهذا في الدرب كنا سايرين نتغدى
وهني استخدمنـا الشارع الجديم! والشارع الجديم هو الشارع الى يخوووووف!!
براويكم الصور من الهليكوبتر في اليوم الرابع!
وعـ الساعه 3 تغديـنا في مطعم محلي وكلنـا اطباق محليـه!! وهني برع المطعم.. شي أحواض ماي بحر! الى عندنـا كان معظم الماي مخلص فيه.. بس ترومون تشوفون من بعيـد حوض ماي بحر عام في الصوره
وهالأحواض الى عند المطعم
وبعديـن اضطرينـا نرد الفندق بمـا انه ابويه واختي وبنت عمي كان عندهم موعد في السبـا
رد مع اقتباس
مواقع النشر (المفضلة)