.:. ]|[ كيكــة الـزعتـــر ]|[ .:.

[طير الغرام]

-[ كَيَكَـــة آلزٍعًٍتـــرٍ ~ بـ جبـن الكيري ~

- كوب زيت
- كوب حليب بودره
- كوب سكر
- كوب طحين
- م ك بيكينج باودر
- فانيليا
- 4 بيضات
- جبن كيري ( ع حسب )
- زعتر

أول شي نخلط البيض بروحه

بعدين انحط الشكر

ونخلط

وبعدين انحط الحليب البودره

ونخلط

بعدين انحط الزيت

ونخلط

بعدين انحط الطحين اشوي اشوي واحنا نخلط

انحط الفانيليا

وآخر شي انحط البيكينج باودر

ونخلط

أسميني عانيت فـ كل الصور إيد أحط فيها المقدار وإيد ماسكه فيها الكيمره >> كله لجل عيونكم

بعد ما انخلص من خلط خلطة الكيك
انحطها فـ صينية تيفال ( يفضل تيفال لني امجربه البايركس والتيفال نتيجته كانت أحسن )

الحينه يا دور جبن الكيري

انقطعه أرباع

وانوزعه ع خلطة الكيك ( ع حسب كم تبون اتحطون )

وعقب انذر فوقه زعتر

واندخلها الفرن حول الـ 40 - 45 دقيقه ع درجة حراره متوسطه

:

بعد ماظهرتها من الفرن

انقطعــها

وانقدمهــا

=)

* مهـــابه ~ اسمحيليه اتأخرت لين مانزلت الموضوع *

[شمعة أمل]

أنااااااا أبااااااااااااااااااااااا ااااااااا!!!!!!!!! احب الاشياء الى جييييييي حامض حلوو!!
شو رايج تسويلي اياها واطرشينها لندن :( بكون شاكره لج!!
المشكله عادي عندي اسويها بس هني لا عندهم كيري وماتوقع عندهم زعتر بعد >_<

[طير الغرام]

^

بتخترب فـ الدرب
يالله إن شاءالله يوم بتردين البـلاد اتسوينهـا ^_^

[مــهــابه]

يــعطيج العــآفيه شيف الواحات . .

والسموحه عبلنا عليج وطلبنا الوصفـه ~ !* . .


مممم طريقتها حلوه وسهله ،


أكيييد راح اسويها ان شاء الله خلال هالأيام

و جان ظبطت ويايه صـح / آكيد راح اصورها وأراويج ~ !* . .



مشكوره مره ثآنيه

[طير الغرام]

مهــابـه

الله يعافيج ياختيه

والسموحه عبلنا عليج وطلبنا الوصفـه ~ !* . .

أفاا عليج ،، والله مافيها عباله >> أوريدي كنت حاطه فـ بالي إنيه أنزل الموضوع لني كنت امصوره
فـ نفس الوقت اللي سويتها فيه بس إنتي حمستيني إنيه أنزله بسرعه لنه إذا عليه عادي أأجل سالفة
الموضوع أسبوع

ومقاديرها تنحفظ ابسرعه كله واحد في واحد
وسهله ولذيذه >> شكليه بسويها باجر

وإن شاءالله بتظبـط معاج واتعيبـج

مشكوره مره ثآنيه

العفــوو =)

[أنامل قلب]

ذكرتيني بـ وحده ..

أحب كيكة الزعتر وايد ،، خاصه جبن كيري ..
شكله جدا جدا جدا يشهي .. . !

:

ممتنه وكل الشكر ،،
كما احترامي ..

.. .

[حلم الطفوله]

السلام عليكم

الظاهر محد بيمتني هالفتره إلا طير الغرام ..... بأكلاتها إلي ما تتقاوم :)

تسلم إيدج عزيزتي

بس تعالي .... أحس عندج لمسات غريبه بخلط المقادير !!! الفانيليا فصلتيه عن البيض والبكنج فصلتيه عن لطحين !!!

بجربها اليوم إن شاء الله

[قرموشة]

سهله وسريعه .. بس كيف طعمهــا .. أحس زعتر مع شكر يطلع الطعم غريب شوي xD بس شكلها يمي الصراحه

[شهوووودة الأمورة]

مرحباااااااا ..


شكرااااااااااااا طير الغرام العالم ^^ ..

سويت هالكيكه مرتيين .. والكل عيبته ..

بس انا نقصت شويه من المقادير .. حطيت 3 بيضات .. ونص كوب سكر ..

بس طلع طعمها يجنن ..

شكراا لج طيوور ^^

[طير الغرام]

أنامل قلب

العفـــو ياختيـــه ^ـ^

:

حلم الطفوله

وعليــكم السـلام والرحمــه

الظاهر محد بيمتني هالفتره إلا طير الغرام

أنا مايخصنــي

أسميــني فـ الاسبوعيــن اللي مــرن واايــد سويتهــا هـ الكيكـــه
كل يــوم أمايه اتقولــي سويــهــا بنطــرش حق حــد من يــرانــا فـ ليــوا

وربــي يسلــمج سيــــس

وهيه صـح الحيـنه قمــت أقـطـع الجــبن أســداس وبعـد احسه اكبير كيف كنت أقطعــه أرباع مادري

[تحفه]

لااازم اسوييييهااااا!

[مزن هتان]

تحفه لازم تسوينها

قبل ساعه طالعه من المطبخ أول مره اسويها
لذييييييذه والله بحاول احط الصوره قبل ارقد ان شاء الله
نسيتها و احترقت شوي من فوق بس الحمدلله ما كان فيه طعم ادخنه "حراق"
لذيييييييييييذه رافعه حق امي و مرت اخوي شوي و ابوي عيبته لأن حلو و مالح =)


شكرا طير الغرام، ألف ما شاء الله عليج
عقبال ما اسوي البراوني