حلم الطفوله
الله يرحمنا اب رحمته .. الغاليه
ذكريات الناس الكبار .. اتم في البال .. لانهم حملو احلى الذكريات
وعشنا معاهم احلى السنين
لكن الموت يوم ايي وقته ما يختار الكبير او الصغير ..
(( الله يرحمه يارب ويغمد روحه الجنه )) ان شاء الله
.
.
مخاوية الأمل
الغاليه الله يشفي كل مريض ان شاء الله
ذكرتيني اب سالفه ابويه كان امطيح في المستشفى .. وهو اهناك كان عداله مريض
شو اقولككم .. عياله امودرينه فوق الثلاث اشهر في المستشفى امطيح ما يعرفون شي عن ابوهم
صح الريال كبر في السن وما قام يفتهم او يوعى للدنيا عدل .. لكن مب معناته ... ان خلاص نتخلص منه
.. للاسف .. (( بصمه مؤلمه ))فروه في المستشفى ولا حد يطب عليه
.
.
اقولكم .. تم الريال محد على السانه الا ولدي (( عبدالله - ومحمد - منى ))
كيف راح يتهنون هذيل .. وفارين ابوهم في المستشفى
سالت الممرض قلتله وين عياله .. قالي : محد اييله يابو ابوهم ومن عقبه محد شافهم ..
جان يقول يمكن يحولونه دار العجزه خلال فترة وجيزه .. لان محد سأل عنه ..
.
.
شو من قلب عندهم ..
اقولكم في احد الزيارات للوالد يت بنت بنت ولده .. يايه اتزور يدها المريض ,.،، وابوي استلمها
وهزبها قال تعبتوا عماركم يوم يتتوا .. شو الدمعه كانت في عيونا ..
والبنت افتشلت من الموقف ..
يعني احينه هي افتشلت من هالموقف . شو بيكون شعوركم يوم القيامه
ما صار على هذي الزياره اربعة ايام .. الا يووو وخذوا الشيبه ورجعوه البيت

.
.
(( هالبصمه تركت اثر كبير في نفسي ))
تميت افكر اذا هم جي سوو في ابوهم باجر عيالهم بيسوون زوود واكثر فيهم
.
.
الله يرحمنا اب رحمته ..
تحياتي
الشوق
لي عوده