السلام عليكم ورحمة الله وبركـاتة،

البارحه تميـت طول الليل أفكر، شو الشي الى أثـر فيني وخل بصمه في حياتي! مع تفكيـر عميـق حصلت شيئيـن أحس انهم صدموني و*غيروني* ووعوني!


الأولى ~


مرض السرطـان

دايمـاً أقول انه سنة 2007 كانت أحلى سنه مرة عليّه، بس مع الحلو الـ [ مر]، في هالسنه وصلني خبـر مرض عدة أشخاص بهذا المرض الخبيـث ومن بينهم ام صديقتي العزيزه وخالة صديقتي الثانيـه.
والشي الى لاحظته، انه محد خبـر العيـال! العيـال من نفسهم استنتجو أمهم شو فيهـا :(
في حياتي ماشفت مرض يدّمر عوايل أو يقويها مثل مرض السرطان، هالمرض مب بس يدّمر النـاس الى فيهم هالمرض، لكن أحبابهم حتى :(
تميـت اشوف ربيعتي يوم ورا يوم *تنتهي* جدام عيني، من بنت اجتماعيه استوت انطوائيـه، من بنت الابتسامه ماتخوز عن ويهها، لـ بنت حزينه طول الوقت ومافي شي يفرحهها..

هالأمر وعااني، قمت أقرى مقالات عن هالمرض، قمت اشتري اي شيييي لو أعرف انه جزء من الأرباح تروح لـ cancer research ، نظرتي تغيرت للحيـاه بطريقه مـا

يا ناس
- يوم تكبرون فحصو عماركم مره في السـنه لهالمرض.
-اذا تشوفون قميـص ونص الارباح تروح لهالمرض، اشتروه!
- أهم شي، لا تخشون شي عن عيالكم، لانه هالشي يدمرهم :( رمسووهم وفهّموهم..

تشوفون ناس في التلفزيون وفي المسلسلات انه ييهم السرطان وبعدين كل شي يستوي *بخيـر*، بس الصدق انه كل شي *مب بخيـر*..


يارب اشفـي كل شخص فيه هالمرض






شمعة أمل