انسلاخ

[الجنيه]

عنوان غريب وموضوع اغرب ،،، فجاه من دون مقدمات مطلوب مني انسلخ عن نفسي اتجرد عن ذاتي وااتغاضى عن احساسي ,,, أغمض عيني واطفو ع سطح الماي واطوي وياه صفحه حياتي شي وعشرين سنه كلها اتطير ف الهوا مثل الرماد المنثور ما يترك اثر ولا دليل بكل خفه يتمايل مع نسمات الهوا ويتناثر بكل مكان
ليش ؟؟!!!
كيف ؟؟!!!
وليييييييييييييييييش بآهه مسموعه ابي افهم ليش وصلنا لمرحله الانسلاخ عن الذات عشان نرضى الناس ؟؟ قريب بعيد كل من يشوف ان له حق بالتجريح والاهانات بس لاني غير لازم اتقبل كل النقد والتجريح اشمعنى انتي ؟؟؟ جيه ع راسج ريشه ؟؟؟ غيرج ما قالو شي وايد اسمعها

لا تظلمين بختج .... لاتتكبرين ... محد غيرج الي يدرس يعني
محد عنده شهاده اعلى منج مثلا ؟؟؟
ماعرف ادري دوختكم ويايه بس خلاص هذي انا ما اقدر اغير شي من نفسي ولا اتنازل عن راحتي عشان راحتهم الي يباني يباني مثل ما انا ما عندي استعداد انسلخ عن ذاتي هاي شخصيتي وهاي طبيعتي مابتنازل عن نفسي ولا ابي اكون مب انا مابي ف يوم اشوف ظلال وحده ثانيه انا انا واعوذ بالله من كلمت انا بس خلاص مااقدر والله شعور خايس ومتعب مؤلم ويضايج

سامحوني ع اللخبطه ماعندي غيرهالمكان اشكليه .. .. .. محد فاهمني

[مجموعة إنسان]

اصلا لااازم من زمااان جذي تسوين
لا تضحييين بشي عشان اي حد
لان في النهاية هذي مصلحتج انتي

لا تنسلخين ولا شي
خليج مثل ما انتي مع تغير بسيط
لا تتنازلين عن حقوقج
واشتري رااحتج


وعواافي يا الجنية

[بنت الدلع]

فعلا شي محزن
كثير من الاحيان تتطلب منا بعض المواقف التغيير
حتى نستطيع الاندماج والتأقلم

ولكن يجب على الشخص التفكير قبل ان يبدأ بالتغيّر
هل هذا امر جيد وسيكون في مصلحتنا ؟
ام سيضرنا

احيانا التغيير يكون ايجابي و نتائجه تكون في صالحنا

---

يلسي مع نفسج وفكري في الامور الي تحتاج منج التغيير من كل الجوانب
الايجابيه والسلبيه
وبعدين قرري اذا مستعده لهذا التغيير ولا
واذا هالشي مايناسبج اكيد الافضل لج تبقين على ما انتي عليه =)

[الملهم]

اصعب شيء في الدنيا رضا الناس ..
ياخي ربي خلقني جي .. ليش يعني اعدل عمري عشان غيري ..
وفي الاخر بحصل انتقاد من ناس ثانين .. مهما سويت ..

صحيح ان الانسان يتغير للاحسن .. بس ما يعدل عمره عشان غيره ..
عشان نفسه وبس .. رضا نفسه اهم من رضا غيره ..

وما عندي كلام اكثر من اللي قالوا ..
وربي يعينج .. وخلج مع نفسج وفكري في نفسج وشو اللي بيحسنج ..
التغير ام الثبات على طبع الذات ؟؟
وانتي ادرى بحالج عن غيرج .. ومثل ما قلت اهم شيء رضا نفسج

[طير الغرام]

[ خلـج جبـل عالـي واقــف ولا يبــالي ~

وماعلـيج من القيــل والقــال
إذا تميتي وايد اتحاتين رمسة فلان وعلان مابنخلص لنه الرمسه مااتخلص

صعب الواحد يتصـنع شي هو هب مقتنع فيه !

إنتي نفسج ،، هب إنتي هم !!
في مواقف محد بيفهمهـن غيرج إنتي وذاتـج !

وأهــم شي راحتــج =)

[أنامل قلب]

:
.

....

عادي أفضفض .. . !

:
.

.

[مــهــابه]

فـ حالـه وحـده أنـا أعـارض فيـهـا فكـره انسـلاخج !* . .
أنـج تـعآرضيـن تـغير شي لـ شي أفضـل مـنه !* . .
بـ حجة انه هذي هي شخصيتج ، وهذي أنـتي ماراح تتغيرين . .


فـكري فيـهـا من يـوم وعـيتي عـ الدنيا وبديـتي تفهمين وتميزين أنـتي ماتغيرتي ؟
مـافي شي غـير مبادئج ، شي من صفاتج ؟
مافي شي كان بمثابه [ نقطه تحول ] في حيـاتج
بـغض النظر للأسوأ أو للأحسن . .!*


ويـآج في انج تـتمسكين في احلامج وطموحج وخططتج ، وتحآولين الغـير يـتقبلج مثل ما أنـتي
بـنفس الوقـت لازم تـسألين ذآتج

وتعيشين بينج وبين نفسج !* . .

لـو شفتي حـآلج انـج انتي الصـح

فـ أقولج

" ماعليج من رمسة حـد "


ولـو شفتي انج أنـتي بيـن وبين !*


وانه في شي لازم تغيرينه ، فـ حآولي تغيرينه

عـسب ماتقولين في يوم من الأيام " ليـت"


وتعيشين بـراحه وقـناعه . . .



والسموحه منج

[الجنيه]

مجموعة إنسان
حتى التغيير البسيط الي سويته اعتبر في نظر البعض تكلف ومبالغه يعني ما عرفت شو الي اسويه ؟؟؟؟ صح ان راحتي اهم من اي شي ثاني بس بعد ليش بعض الناس يحبون يشكلون غيرهم بالطريقه الي تعجبهم طيب غصب ؟؟!!!!


بنت الدلع
لا طبعا ما يناسبني التغيير ابداًً ، اصير مثل المهرجه بعباه مبهرحه اتقولين سايره العرس !! طبعا
اغضب ربي عشانهم ؟؟ طبعا لا


الملهم
رضا الناس غاية لا تدرك *_*
قهر يوم كل من هب ودب يقولك لازم تتغير العالم حولك كله تغير


طير الغرام
صدقتي ،، ما احاتي الناس او نظرتهم او كلامهم بس هاي الاشياء اتاثر واتضايج
تحسين انج مراقبه حتى لو محد يراقبج ،، اتحاسبين ع كل تصرفاتج بس عشان محد يرمس
وآخرتها تطمشي واسمعي الي ينقال


أنامل قلب
حبيبتي انتي ،، فضفضي وادلي بدلوج ع قولة ناس الله يذكرهم بالخير *_*

[بنت الدلع]

الجنيه
في هذه الحاله طبعا محد يرضاها لنفسه

ماعليج من الي حولج يالجنيه اذا هالشي يتعارض مع اخلاقج
تمي مثل ما انتي =)

[الجنيه]

مــهــابه
احيانا حتى التغيير للأفضل ما يناسبني انا فاهمه الي تبين اتقولينه بس اذا انا مرتاحه بالي انا عليه ليش اغير للأفضل ؟؟ واذا بغير لازم اغير بقناعتي ورضاي من دون لا حد يشور عليه او يتفلسف المصيبه مش ف التقبل للتغير المصيبه يوم انج يالسه ف امانة الله وحد يتفلسف عليج من دون اذن او استشاره يرتفع عندي الكيج وعاد انا والعناد حبايب واموت من الوناسه يوم اعاند حد ( بوطبيع ما يوز عن طبعه ) فديتني والله


ثانكس ع الدعم


بنت الدلع

فديتج والله هالناس الكشخه
اقول بطنش ما علي منهم بس غصبن عني ارد افكر برمستهم وانغث