.:. ]|[ الحلـى الأصفــر ]|[ .:.

[طير الغرام]

-[ المقادير و الطريقة ]-

[ 4 طبقــات ]

> الطبقة الأولى <

بسكوت يصف في الصينية بدون تغميس ( أو إذا حبيتوا رشوه اشوي بالحليب بعد الصف )

> الطبقة الثانيه <

كأس حليب يشقر على النار ( ع نار هادئه عشان مايحترق )
ثم يخلط مع : فنجان زيت + فنجان سكر ناعم + علبة قشطة + اختياري اتحطون نسكويك أو جوكلت باودر ( ع حسب )

ثم تفرد على الطبقة الأولى

> الطبقة الثالثه <

بسكوت يرص فوق الطبقة الثانيه

> الطبقة الرابعه <

ثلاث أرباع كوب حليب سائل يغلى ثم يوضع عليه 2 ظرف كريم كراميل
ثم يرفع عن النار ويوضع عليه علبة قشطة

وتوضع كـ طبقة أخيره على ماسبق

[ للتــزييــن ]

يبشر عليه جوكلت ( أي نوع ،، بعد ماتبرد آخر طبقة )

يقطع حسب الرغبه

( شكل الطبقات )

ويقـــدمـ

وبالعـــافيـــه =)

[مــهــابه]

~ يـعطيج العـآفيه شيف الواحات . .


طريقـه حلوه وسهله


خـاطري أطبخ


جان ماتعايزت باجر ، بسويها ان شاء الله وبحط الصوره فـ [ شو طبختوا اليوم ]

عسب تشوفين اذا ضبطتها ولا

لأني وحده كل ما اسوي سويت أفشل ، فالحه فالبسبوسه ، وأم علي ، والسنافر بس لوول

[طير الغرام]

مهــابه

الله يعافيـج ياختيه
وعن العيازه جربي اتسوينهـا
لنهـا سهلـه واحتمال الفشل فيهـا ضئييييييل

بس ملاحظه نسيت أذكرهـا فـ الموضوع
انه فـ الطبقه الأخيره حاولي اتحطينها ابسرعه
>> وزعيهـا بسرعه ع الصينيه كلهـا لنها تيييمـد ابسرعه ! ( لا اتسوين شراتي يالسه احط خاشوقه خاشوقه ع راحتيه
ويوم ييت بعدل الهضاب والمرتفعات اللي استوت اكتشفت انها يمدت خلاص بس حاولت أرقعهــا وقصيتها من الصوب الزين يوم حطيتهـا فـ الصحن )

والســويت ترااه لـذيذ والدليل اليهال ماصدقوا من خلص اللي حطيته
أجوفهم سايرين رادين ع الثلاجه

[مــهــابه]

أنا قلت لخوآتي اني بسويها لهم بآجر ~ ! . .

يعني ان شاء الله بسويها ع العصر، وبخبرج بالنتايج :)

[شوق القلوب]

السلام عليكم..

سلاااااااااااامــــي عليج يا طير... والله وصفاتج ماعليها كلام ماشاء الله ..

اول امس سويت موالح الباستري

و اليوم سوينا الاصابع بالجرفه ..

وكل واحد أحلى عن الثاني..

..

بس بغيت أسألج.. هالوصفه مب سويت وايد ..؟؟ لاني ما احب كثره طعم الشكر في السويتات..
ع اساس انه في حليب مركز و كريم كراميل.. و كلهم شكر ريج ..

[طير الغرام]

مـهــابه

إن شاءالله =)

:

شوق القلوب

بس بغيت أسألج.. هالوصفه مب سويت وايد ..؟؟ لاني ما احب كثره طعم الشكر في السويتات..
ع اساس انه في حليب مركز و كريم كراميل.. و كلهم شكر ريج ..

منو قال حليب مركز ! تطرين الطبقة الأخيره

حليب سائل عادي + 2 كريم كراميل

وتسلمين والله ^_^

[دمعة عين]

:


آنــَـآ أبــَى !*
،
.
.

[مــهــابه]

^
أنا سويتها أطرش لج ؟!


طير :

كم قفشة نسكويك انحط ؟
انا ماطلعت ثجيله جيه ، طلعت لي شويه أرهَف عنها ! . .


بس الباجي كل شي تمــام ، ومثل ماقلت لج اني ماقدرت اغطي الطبقه اللي فوقي كلهن بنفس المستوى
بس الطبقه الصفره طلعت لي شرات مالج جيه بالبظبط

[شوق القلوب]

طير.. اسمحيلي..

توني انتبه انه حليب بودره.. اتعرفين قاريه الموضوع أخر الليل.. يعني المخ موووول امقفل

[طير الغرام]

دمعة عين

اقـربي

:

مهــابـه

كم قفشة نسكويك انحط ؟

يعتمد ،، ع فكره انا روحي زدت هـ المقدار هب جيه فـ الأكله
عشان اللون يستوي بني لنه ما استوا عندي بني من تحميس الحليب البودره

ودامنهـــا أول مره معذوره ،، بس ما قلتيلي كيف طعمهــا ؟!

:

شوق القلوب

حليب سائل بعد
ومسمووحه بالحل ^_^

[أنامل قلب]

:
.

ياللــــــــــه لا تعذبيييـــــــنا طييــــــر ..

وانا كل ما أشوفلج شغله أزقر اختي تحضر معاي لول ..
صدق صدق صدق ما شاء الله عليج ..

حاليا لقيتلي كمن موضوع لج مالحقت عليهم ..
فمستعيله اسمحيلي مابطول بالرد لول ..

بسير ألحق عـ باقي الشغلات ..
وان شـــــــــــااااء من نسويه بحط لج خبر =)

+ مبين من المقادير والشكل انه يمي يمي ..

^_^ ..

:

حفظج ربي حبابه ..
ولا هانج ..

:.

[طير الغرام]

أنامل قلب

أفــاااا عليــج ،، خذي راحتــج
والصراحه هالسويت وااايد لذيذ لنه طبقة الحليب + طبقة الكراميل روحهن امسويات الطعم كله
ودي أسويه مره ثانيه بس أبا أجرب أشيا يديده أو اشيا ماسويتهن من زمـــااان

وشاكره لـج تواصـل الطيب =)