سؤال محيّــر .. !!

[المقاتل]

بســم الله الرحمــن الرحيــم
السلام عليكم ورحمة الله وبركاته ،،

اليــوم على الغدى كان الأكل لذيذ صالونــة دياي وكان بكون أجمـــل لولا ألم ضرسي المخلـــوع ( ) وبعد ما خلصنـا كلينـــا برتقاله حلوه .. وفي هذه الأثنــاء تم النقاش حول موضوع ( ما يجري بين الشباب ) ،،

من هنا أحببت أن أحاوركم في هذه النقطه ( السب بين الشباب ) . فكنت أقولهم كيف هذا يقول للثاني يا حمار أو يا خمام " والثاني يرد عليه يا الممل < وكأنها مصخره > .. فأجابوني هذه هي طبيعة الشباب و قتلهم وهل هالشي إييوز لنا ؟؟ فردّوا علي يا أخي كون كوول .. وجذه محد بيرابعك .

ما رأيكـــم أنتم ، هل جميل أن يكون لكل منّا مبادئ الأحترام والأخلاق بيننا وبين أصدقائنا أم هذا يخلق لنا صفــة " شخص جامد أو شخص ممل ؟ "

هل الصداقه الممتعه هي التي تتخللها الأوصاف الغير الجميله على سبيل المثال : تشبيه الشخص بأشياء الآخر لا يحب أن يتشبـه بها ؟ أو بالشتم ؟

بوسنيده.

[الهيثــم]

وعليكم السلام ورحمة الله وبركاته

هلا بالشيخ بوسنيــدة ..
في البداية أشكرك على هالموضوع الطيب

وبالنسبة لكلامك أخي الحبيب فـ الصداقة شي عظيـم
وهي تربـط إنسان بإنسان من نفس [ الجنس ] والأجمل إنهم يكونون بعيدين عن التكلف
ولكن هالبعـد يجب إنه يكون في حدود الشرع وحدود احترام الرأي واحترام الصديق

ومن هنا أقول بأنه لا يجب على الشخص أن يسب صديقه
لأنها قد تولد البغض والكره في النفس وهذه أمور حدثت بين الأصدقاء وعلى أثرها تم بناء حاجز بينهم
ومنها تبدأ الصداقة بالانحدار والانهيار

لذلك يجب على الصديق احترام صديقه والبعد عن كل الألفاظ والأفعال الي قد تضايقه
لأنه أساس الصداقة إنه الصديق يكون قلبـه على قلبـك وما يتمنى لك إلا كل خير وما يرضى إنه حد يمسك بسوء

وشكرا لك أخي الحبيب ...
أدام الله محبتنا .. وجمعنا وإياك في جنة الفردوس الأعلى ..

[ولد الشحوح]

حمار وخمام ( عزكم الله ) شويه في شباب للأسف يوصلون لمرجلة انهم يسبون اهالي بعض .... الله يهدي الجميع

[أنامل قلب]

.. . !

[عافك الخاطر]

وايد شي طرق الواحد يقدر يمزح فيها بدون ما يجرح حد أو يقلل من احترامه ..
كثر المزح البايخ ينتج عنه زعل و يصير الواحد ما يعرف متى ها البني آدم اللي جدامه جاد ومتى يكون بس يمزح!..يعني تتخربط الامور ..شي ناس في حياتي كانوا جي وصدق ما تعرفلهم!
كل شي المفروض يكون باعتدال ..

[المقاتل]

أخوي خطـّــــاب .. فالواقــــع أنا سعيــــد لمشاركتــــك وبالفعــل كمــا ذكرت الصـــداقه أن يكون قلبـه على قلبـك لا سيمــا عنــدما تحتــاج له تراه بجـــانبــك .. !! خطـــاب .. لا تحرمـــنا من طلاتـــك .

ولــــد لشحوح اذا صادف واجهك بعض من هؤلاء الشبــــاب كيف تكون ردة فعلـــك تجاههــم ؟؟ من إلي تكلمت عنهم .. بغض النظـــر عن الضرب !!

أنــامل قلب .. ( !! )

عـــافك الخــاطر .. لو كـــان هذا الشخص المقصـــود أخوج أو اخــتج هوه / هيه الشخص إلي يـ // تـ ضايقج بإستمـــرار وبطريقه غير جميله ؟ ( كيف بتكون ردة فعــــلج ؟؟ )

لا تستغـــربون من هذا السؤال لأنه احيــــانا كل شخص منـــا تصادفه مواقف يحتــــار كيـــف يتعــامل معاها ؟ ولا أنتوا شورايكم ؟؟

[عافك الخاطر]

سحبان الله ..جنك عرفت اني اقصد اخوي..
طبعاً عانيت وايد .. هو أكبر عني و ها الشي مخلي الامور شوي اصعب علي..
وضحت له وايد وايد اني انزعج من ها الشي و كلمت اللي اكبر عنه ..بس ما شي فايدة! الله يهديه

و للاسف خلاني اوصل لمرحلة اني ارد عليه بس ع قد سؤاله و اسايره اذا قال شي يضحك بابتسامة وبس! لاني لو علقت عاادي يجلب الموضوع ضدي..وها الشي من سنتين ..ولاحظت عقب ان ها الوضع قلل من المشاكل بيني وبينه ..

يعني خلك وسط..لا انك تتجنبهم ولا انك تقبل تصرفاتهم وتسكت ..سايسهم.. واذا كانوا من النوع اللي يتقبل النصيحة ..فلا تترد بانك تنصح او تخلي حد ينصحه ..لانه في النهاية يعتمد على ها الشخص اللي نتكلم عنه و طبيعته..هو اللي يحدد طريقة التعامل

..
.

[مزايا]

شو يعني خمـام ؟!

[المقاتل]

عــــافك الخاطر .. المشكـــله إن حتى تجنــبه ما ينفـــع لابـــد وأن يكـــون هنــاك تعليـــق لين ما يرتفع ضغطي واحتشـــر عليـــه ومن ثم يتخذ معاي أسلوب آخر لا أطيقـــه فـ لقيت إني اصبر عليه وإلي يعقـد الموضوع أكثر إنه ما يشوف هالشي غلــط .. ويوم تفهمينــه هالشي يستخــدم عبارة " يالحساس " ممــا يزيـــد الشعلـــه >> وأنا لست من هواة المشاكل كــم أتمنــى أن يكون هناك أخ يتفهمنـــي .. !! فـ الصديـــق بوسعكي تحمّلــه لأنه لا يعيش معنــا دائما .. لكــــن تتعقـــد المشكله و تتشربــك خيوطهـــا عند يكون الأخ هكذا في نفس الغرفه طـــــوال الوقت.

مزايـــا .. هي كلمــه سيئه تعنــي بالعربي الفصيح ( يالقمامه وفي لغتنـا العاميه يالزباله = خمام ) . ما تسمعين العياييز ساعات يسبن إنته إيه يالخمام .. !! شكرا على التواصل .

[دمعة عين]

:

وآنـَـآ أقــَـرآ الموضــوع ، أذكــَـرت سالفه صارت لي ،,,

انســَـآنه أطلقت عليهـَـآ لقب
[ الصديقــَـه ]

صدق صدق حبيتها من كل قلبي وارتحت لها واايــَـد ، بس للأسف
لسـَـآنها خرب علاقتنا واااااااااااااايـــد ،
وايــَـد اتسب ، وايــَد اتقول كلام ماعرف كيف أوصفه ، حتى مرات أقولها
أنا لو كان لي عندج قدر ما بتقولين لي جييه ،
>> قسم أحس عمري يالسه ويا شاب مب بنت ><" . .

حاولت بكل الطرق إني أعدل لســَـآنها بس ماشي فايده ،
حتى يت فتره كنت أقولهـَـآ يا [ تحترميني ] يا مالي يلسه ويااج !*

الله يذكرها بالخيـَـر كانت من النوع إلي عطووول اتسب ،
واتقول كلامات بالنسبه لي [ جارحه ] وما أتحملهــَـآ
بس هيه تعتبرهــَـآ من باب السوالف !*

إلي حاز بخااطري إنه صدق صدق كنا وايد ويا بعض ، ناكل ونمشي ونذاكر
بس الإنســَـآن مب دوم بيتحمــَـل ،,

آخــَـر شي ، تمنا وايــَـد نزعل من بعض ، حتى صرت أعاملها بنفس الأسلــَـوب
عشان اتحس بس لا حياه لمن تناآدي ،
ابتعدنا عن بعض صارت [ الزماله ] هي الشي الوحيـد إلي يربطنا
وما تجمعنا غير كلمه [ السلام عليكم ، وعليكم السلام ] ،

إذا اخترت إنســَـآن واعتبرته لك [ صديق ] بكل ما تعنيه لك الكلمه ،
حاول تتمسك فيـَـه ، بيكون عزوتك في الدنيـَـآ ، وأخوك إلي ما ولدته أمـَـك ،
عامله مثل ما انته تبا الناس يعاملونك ، لا تخــَـلون شي اسمه حواجز من بينكم
بس لاتتجاوز حدودك ويـَـآه ، وخل [ الاحترام ] هو سيد التعامل ، وكون بعيد عن هـ الألفاض
والأفعــَـآل إلي إنته نفسك ما ترضى حد يقولك إيـَـآها !*
=)

السموحه ع الإطاله أخوي
موضوعك ضرب الوتر الحساس من الخاطر
مشكور ع الطرح
وحياك الله
=)
،
.
.

[مــهــابه]

السلام عليكم ورحمة الله

في بعض الناس ، الفاظهم تخليك تتجنبهم ، فبدايه الأمر يمكن نحن نستغرب لأنه ماتعودنا نسمع هالألفاظ ، اللي دوم اقول عنها ( سوقيه )



هالشي يمكن لـه تأثير أول شي [ من تربيه الاهل ] . .


يعني اتوقع لو انه الأهل يهزبون عيالهم ، أو ينصحونهم انهم مايتلفظون بهالألفاظ من الصغـر ، ماتوقع انهم راح يلفضونها ( من شب على شي ، شاب عليه )


هذا أول عامل اتوقع يخلي هالفئه يرمسون جيه


ثـاني شي ، الأصدقاء أو الشله ( باختصار من عاشر القوم اربعين يوم صار منهم )


وهالشي يستوي فواقعنا ونشوفه بعيونـَا



~ نقدر نعتبر ألفـاظ الشخص هي مفتاح من مفاتيح الوصول لشخصيه الفرد


ومن خلالها نقدر ناخذ فكره عن الشخص نفسه . . .



بوسنيده :


أشكر طرحـك


وفقت

[المقاتل]

ختيــــه دمعــة عيــن الله يعوضــج بالصديقــه الصدوقــه إن شاء اللــه وترتاحين لها .. (( ومثل ما ذكرتي <<خل [ الاحترام ] هو سيد التعامل ، وكون بعيد عن هـ الألفاض والأفعــَـآل إلي إنته نفسك ما ترضى حد يقولك إيـَـآها ! >> )) .. هذا إلي نمشي عليه الحمـــدالله ما أتلفــظ بألفـــاظ سب أو شتـــم ربمـــا مزاح بس إن حسيت الشخص الآخر يتضــايق من هالــشي يشتغل عندي السينسر بإني أوقف هالشــي .. ربمــا ها سبب قــلل حدوث مشـــاكل كثيره ولكــن المشكلـــه من لا يأبــــه لهذه الأخــــلاق ولا يهتم بالشخص إلي يالس معــاه .. والكـــــلام يطول .. أختي دمعة عين مشكوره عالمشاركه والتواصــــل .

بوسنيــــده . . !!

[الملهم]

مقاتلنا بووسنيده ..

للاسف ها اللي اشوفه دوم في ربعي ..
يعني لو تأثرت وزعلت من سباتهم بيقولولي ياهل وليش تاخذ الكلمات بحذافيرها ..
فانا قلت احسن طريقة للتعامل اني اعاملهم بالمثل .. ولكن بعد مش نفس اسلوبهم ..
يعني ارد عليهم بحدود المعقول .. مب انهم يسبون اهلي وارد عليهم بسب الاهل ..
بحيث اني ابدا ما اخيس لساني ..

بس طبعا لو واحد يزودها خلاص ابعد عنه حفاظا لي وله ..
وعادي لو نتحمل كلام الصديق .. لين ما يحس عمره انه تجاوز الحد ..

يسلمو يسلموو الغالي .. ^^

[عـكس قانونه]

اشكرك يا بوسنيده


على هذا الطرح المميز


و اذا صادفني هذا الموقف


باخذ عن هذا الشخص فكرة سيئة



و بعتبره مفتقر للتربية


وبعامله بالمثل


لين ما توصل العلاقة للخلاف الحاد


و استعمال الضرب لاثبات الذات


و مثل ما قالو اخواني الي سبقوني بالمشاركة


المزاح له حدود


و طبعا لازم يكون في مجال للمزاح و الضحك


ولكن بحدود و مثل ما يقول الشاعر


(( المزح و الدعابة من شيم الصحابة فانه في الخلقي عنوان حسن الخلقي ))


الخلقي الاولى الخاء بالفتحة


الخلقي الثانية الخاء بالضمة


و يقول


(( فامزح مزاح من قصد و كن على حد وسط ))



اشكرك يا بوسنيده على هذا الطرح المميز


دمتم بوود

عكس قانونهـ