.:. ]|[ موالح البف باستري ]|[ .:.

[طير الغرام]

-[ المقادير ]-

- باكيت بف باستري
- أوريغانو

[ الحشوه ]

- 1/2 علبة جبنة البقرات الثلاث ( الحجم الصغير ،، الجبن الأبيض المالح ) تبشر
- علبة جبن تشدر كرافت ( الحجم الوسط ) تبشر
- فلفل أخضر يقطع صغار
- 3 بصل أخضر يقطع صغار
- بيضه كبيره أو بيضتين صغار
- ذره ( حسب الرغبه )

-[ الطريقة ]-

- تقطع كل شريحة إلى أربع مربعات



وتوضع كل قطعة في صواني الكب كيك الصغيره



- تخلط مقادير الحشوه



ثم تضاف البيضه وتخلط حتى تتمازج



تحشى بها كل قطعة من البف باستري
ويذر فوق كل واحده القليل من الأوريغانو





وتدخل الفرن حتى تنضج وتشقر



وتقـــدم







وهني وعافيــــه =)

[شوق القلوب]

السلام عليكم..

اسميـــــــــــــــــني يعت..!!

بس تبين الصدق.. شكلهم يمي يمي..

..

بحاول اذا قدرت اسويهم هالاسبوع ان شا ءالله .. ^_^

[حلم الطفوله]

السلام عليكم

يمميييييييييييييييييييي .... تسلم هالأيادي والله

ما شاء الله عليج ..... وحواليج .......... يا بخته سي السيد والله :)

[طير الغرام]

شوق القلوب

وعليج السلام والرحمه ،،

أهم شي الشكــل والخلطــات اتفننوا فيهن
بس ترا هاي الخلطه بعد حلوه جيه موالح وطعم الفلفل الأخضر روحـه طاغي امسوي نكهه

:

حلم الطفوله

وعليج السلام والرحمه ،،
احـــــــــــم احــــــم

الله يسلمج ياختيـــه ،، ومشكوره ع الرد الحـلوو =)

[رمــش الغـــلا]

انتي اتسويلنا تعذذذذذيب

هناك كب كيكز ..~

وهني هالموالح ~ شكلهم سوووو // يمي // ~

ان شاء اللهـ نطبقهـ عاااد ~

ياحظهـ اللي بياخذج لول P:

[طير الغرام]

رمش الغلا87

ههههه شـ سوي هذا الموجـود
وأنا أبا أفيــدكم باللي عندي



وإن شاءالله تقدرين اتطبقيـن =)

[مجموعة إنسان]

اقووول
مايستوي اطرشينه دلفري لاستراليا !!
وبعد ابي اي شي فيه عيييش

[مايهزك ريح]

اناااااااااااااااااا اباااااااااااااااا ..
حرام انا في الدوام .. واشوف هالأكل ..
صدق يوعااااااااااان ..
طرشولنا اشويه

تسلمين على هالموضوع الYammiiiiiii .. يا طير الغرام ..

[مجموعة إنسان]

اقووول
اتريا خل طلبيتي توصل اول عقب انت اطلب !!


شو هااا
سيارة الكفتريا ماطلعت طييير !!؟

[عافك الخاطر]

شكله يشهي و سهل..بسويه في رمضان عشان يرضون علي أهلي لأنهم تقريباً غاسلين ايدهم مني ..
ياية بسـألج شو اوريغانو..جاوبتني مرت اخوي بأنه زعتر بري.. بعد أن رُمقت بنظرة تعجب

تسلم ايدج شيف طير

.
.

[شوق القلوب]

اسمحيلي طير..

عافك الخاطر..

اوريغانو.. هو الزعتر البري مثل ما قالولج..
هو عباره عن جي اعشاب امجففه.. بتلاقينه في السوبرماركت وين هالغراش الصغار اللي فيهم بهارات..في ايلسي دوري فيهم بتلاقين واحد اسمه اوريغانو..

:)

~~~~


طيــــر


احنا في البيت انسوي نفس طريقتج في البف باستري بس على سويت.. تنفع للزوار الفجأه..

بدل لا اتحطين الخلطه.. ييبي كيري و قطعيه 4 قطع.. و حطي كل قطعه على حبه بف باستري.. و دخليه الفرن.. و عقب يوم بيخلص.. رشي عليه شويه فستق ناعم و قطـــر..

بيكون يمي يمي.. ما تشبعين منه

[عافك الخاطر]

شواقة ..
زين قلتيلي وين أحصله .. بسير باخذه ان شا الله وبجرب ..
متشكرين خااالص :)

[طير الغرام]

مجموعة إنسان

مايستوي اطرشينه دلفري لاستراليا !!

بعدنـا بس بدينـا بالمحلـي بنجوف مستقبلاً جان بنوسع شغلنـا خارج نطاق الدوله

شو هااا
سيارة الكفتريا ماطلعت طييير !!؟

عاطينـه إجازه اليوم
فـ الطلبـات فـ الويكـ ايند توصيلهم يكون ع الكستمرز

:

مايهزك ريح

يقـولكـ اليـوع كافــر
اتحمــل اتحمـــل

طرشولنا اشويه

هيـه صـح نسيت أخبركم التوصيـل محلـي وفـ بوظبي بالتحديد >> أتعلث كـ العاده

والله يسلمكـ بروو ^_^

:

عافك الخاطر

الله يسلمج ياختيه
وإن شاءالله تتفننيــن فيــه واتسوينه لـ أهلــج
وإذا عندج أي سؤال أنا حاضره

حيـــاج =)

:

شوق القلوب

أفـااا عليــج ،، مسموووحــه

وعن الطريقه اللي بالسويت
هيه عندي ايــاها بس اشوي غيــر =)

[أنامل قلب]

:
.

تدرون ان بطني خلاص راح فيها من اليـــوع .. !

بيني وبينكم لا تعليق الصراحه ..
ماروم أقول غير إني بجرب اسويه ان شــــــــــــــااااء الله ..

وربي يحفظج ويصونج ويوفقج للي فيه الخير دوووم يارب ..

....

[طير الغرام]

أنامل قلب

لا تقرين مواضيع الأكل فـ أنصاص الليالي P=
وإن شاءالله اتجربينه لنه لذيييذ >> لازم امدح شغلي ههه

وربي يوفقنــا جميعــاً إن شاءالله =)