اشكثره بنعيش !!

اليوم تولهت على حلم الطفوله واااايد ... فقررت أنبش بمواضيعها ( صدق إنييييه فضوليه )

المهم ...

الانسان إلي ما يتعلم بحياته ما بيعرف يتعامل مع مواقف الحياه

يعني مثلا .... فجأه تكتشف إنه الشيء إلي كنت تحبه ومستحيل تستغني عنه بيوم من الأيام ....صار من آخر اهتماماتك

مب علشان فقد أهميته ، أو ما عاد ينفعك ، بس تكتشف إنه اهتماماتك تغيرت بمرور الوقت

والشيء إلي كنت تظن إنك ما تقدر تستغني عنه .... صار ولا شيء بالنسبه لك

اشكثره بنعيش

علشان نكتشف إنه تصرفاتنا في بعض مواقف الحياة كانت تخلو من العقلانية من التفكير

يعني الحين يوم أتذكر بعض المواقف أقول بخاطري !!! مستحيل أنا أسوي جيه .... !!!

وبعد أرد وأقول ..أصلا الانسان يتعلم ، بس أرد وأقول صدق إني كنت ( غبيه)

يعني نحط نفسنا في دائرة اللوم والرضا !!! تناقض بس يصير وتستوي في أحسن العايلات

يعني مثلا .... تشوفون صوركم الجديمه وتقولون بخاطركم شو هاللبس وشو هالذوق !!! بس عقب تقولون هذه موضة ذيج الأيام وهالشيء كان دارج بذيج الفتره فيكون عدنا قناعة بـــ ( الرضا )

ولكن لا إراديا ( اندس ) هالصوره أو انطرها ....عشان محد يشوفها ويضحك على شكلنا مستقبلا ففي هالحاله انرد لمرحلة ( اللوم ) بعد ما كنا بحالة ( الرضا )

فعشان جيه لا تحاتون هالشيء .... لأنه يا ما بنعيش وبنشوف