!?! .. إحـــــــــبــــاط ....!؟!

[مايهزك ريح]

احباط .. تتخلله ..
احاسيس مختلطه ..
واوراق مبعثره ..
.
.
احتاج للتركيز ..
ولو لحظه ..
.
.
.
صدمة ..
لااااا بل .. مصيبة ..
كلا ..
بل شيء ..
لا استطيع وصفه !

تبعثرت الكلمات ..
اختنقت .. بعبره ..
ولكنني تمالكت نفسي ..
.
.
.
تساؤل ..
مر بي ..
في جزء من الثانيه ..
.
.
ابعد هذا العناء ....
من اجلهم ..
اكون انا ..
المبعد ..
بقرار منهم ..
.
.
آآآآآآآآه ..
كنت طيبا ..
لم افكر بنفسي ..
بل فكرت بهم ..
بمشاعرهم ..
.
.
ولكنهم خيبوا ظني ..
وخذلوني ..
نعم ..
هكذا كانت النهاية !

[شوق القلوب]

السلام عليكم...

( وَعَسَى أَن تَكْرَهُواْ شَيْئًا وَهُوَ خَيْرٌ لَّكُمْ وَعَسَى أَن تُحِبُّواْ شَيْئًا وَهُوَ شَرٌّ لَّكُمْ وَاللّهُ يَعْلَمُ وَأَنتُمْ لاَ تَعْلَمُونَ (216) )

..

اخوي مايد.. ادري انه في مواقف في الحياه تسعالها بكل قلبك.. بكل طاقتك.. بكل اهتمامك.. لكن سبحان الله .. يمكن نظرتنا صغيره لهالامور.. وربك عارف انها مب في صالحنا.. عشان جي ما كتبلنا اياها..

..

الضيج في القلب صح... لكن خل عندك ثقه.. بانه الخيـــر ياي في الطريج..
خير.. يملا قلبك سعاده و راحه..

اتطمن.. و اتوكل على رب العالمين..

و ابتسم..

عشان خاطري :)

[مجموعة إنسان]

بااان معدنهم في النهاية ,,
صح ولا لأ ؟

المهم انك اكتشفت انهم ما يستاهلونك ,,
وانت ما خسرت شي
هم اللي خسروا ,,


بس الحين اضن تعلمت ان مستحييل حد يفكر بغيره
كلن يفكر لراحته
لا تغلط مره ثانية وتبدي غيرك على نفسك
يمكن طيبتك تخرب عليك بس مب في كل شي

ترااك نفسي ,, تضحي وانت الخسران في النهاية ,,


المهم

اعتبرها بداية لك ,, ابدأ من جديد
وتعلم من أخطائك



لا تعكر مزاااجك على ناااس ما يستاهلونك ,,
وابتسم
ونحن بنبتسم معاااك أكيييد

[مايهزك ريح]

مرحبا اخواني .. شوق القلوب .. ومجموعة انسان ..
اولا اشكركم على الردود ..
ثانيا ..
سبحان الله .. يمكن استوى هالشي عشان انا مستخير .. وابتدت تترتب الأمور ..
وتنحط النقط على الحروف .. في آخر لحظه ..
وان شاء الله يكون درس لي .. واتعلم منه .. !

عندي شي ابا اقوله لهم ..
شكرا لكم ..
فقد علمتموني درسا في الحياه ..
أكاد اجزم اني لم ولن انساه ..

[مجموعة إنسان]

ما يهزك ريييح

خلك مثلي
انتحاااري
علي وعلى اعداااائي

يعني لو انت تعرف انك بتخسر لا تخلي غيرك يربح منك
شوف مصلحتك


سوري يعني بس هالأيااام البشر ما ينفع معاهم غير هالأسلوب
لازم الواحد يستنذل شوي
وللا بينوكل حقه

[مايهزك ريح]

هالشي اللي انا الحين بسويه .. وما بضيع تعبي ..
وبخليهم يولون .. وبسوي ترتيباتي ..
وبشلهم من راسي ..
ما يسوى عليه .. من يومين مب رايم ارقد من القهر .. .
وكله احس بظغط في راسي ..
احين برقد مرتاح .. ولا يهموني .. ^_^!!
وطنش تعش تنتعش بعد ..

[مجموعة إنسان]

جذي انت صح !!

انا وانته نفس الشي
طيبين زيااده حبتين
بس انا عكسك اني نذل مرااات
ما يهمني شي ,,
ومعروف بطبعي اني ما احاتي شي ولا افتكر بحد
اللي احس انه لمصلحتي اسويه


ما نبيييك تكون مضااايق ولا متكدر
ابتسم وكلنا نبتسم معاااك

ما تحس ان في شيطان فوق راااسي !!! هههههههه

[شوق القلوب]

هلا مايد..

ماشاء الله .. ردك يريح القلب..

تراك طيب.. و الطيب ما يستاهل الا كل خير.. :)

..

و بوجاسم.. شياطين الدنيا كلها فوق راسك.. اتعوذ من ابليس الله يخليك

[دموع قلم]

مايهزك ريح ..

هيـه جيه نباك .. دوم تذكر اسمك ..
جبـــل .. ولا يهزك ريـح ..!

عسـاك دوم بعافيـة وخيــر يااارب .. ^_^

.
.




امممم ..
انزين علمونــا التطنيــش ..؟!!

[مايهزك ريح]

ردودكم.. تريحني .. وتخليني احس انه في حد واقف ويايه ..وفاهمني
مب مثل اللي في البيت .. طايحين فيه.. يلوموني .. كأني انا الغلطان ..
وانا يحليلي يا غافل لك الله ..

تسلمون لي اخواني ..
محمد .. شوق القلوب .. دموع قلم ..

[مجموعة إنسان]

اسلوب التطنيش هو نفسه اسلوب الدونت كييير
يعني لا تفتكرييين بش ابد ابد ابد

[المزوحي]

احيانا الواحد يوم يكون متحمس، ومندفع بالتصرف، تكون في قمة السعادة، تنصدم حتى لو من نظرة لو ماكانت كلمة

او تصرف بايخ .... وقتها تحس بعمرك طحت من مكان عاااااااااالي وبحرارة في جسمك، وتصمت كأنك تبغي ترجع للورا

وتقوووووووووووول : لييييش ؟؟؟

إما بتبكي على حالك وعلى الخذلان اللي حصلته، أو بتكون مقهوووووووور وتصرفك يكون عكسي، بحيث تكون

متهور من ناحيتهم ولو للحظات ...

انته طيب ... كون طيب دوووووووم ،،، بس إذا اتعبك شخص ، البعد عنه غنيمه، ولو اتدوس على قلبك

[مايهزك ريح]

مرحبا المزوحي .. صح كلامك .. امبين انك مريت بموقف مشابه .. !
بس ياخي .. هاذيلا .. يخلونك اتووووووووووب .. ..
و عنادا فيهم بسوي اللي انا اباه .. وبخليهم هم اللي مقهورين !

[المزوحي]

مايهزك ريح كل مره اتعلم شي ..

الحينه عاد كووووون كووووووول ..

وراك إجازة ولاتحبط عمرك ... استانس ^_^

[مايهزك ريح]

هيه والله .. صدق مادري متى بيمر هالأسبوع ..
عندي وايد اشغال لازم اخلصهن .. وترتيب الشنطة اللي اكرهها ^_^!!