بسااافر عنكم ..

**مجموعة إنسان** · 03-07-08 ||, 12:06 PM

السلام عليكم ..

ان شاء الله باجر الصبح انا بسافر استراليا
وبتم هناك لين 15-8
فتره طويييله !!

المهم
اللي شااايل بخاطره او عنده شي يبي يقوله او زعلااان مني
خل يقول !!

بس لا تطروون سالفة الصوغاااااات
كل واااحد بيبله كوالا عجيييب
اللا هذي اللي اسمها ايه احبك ,, بيب لها كنغر يضربها بكووس لين ما يشبع الكنغر هع

المهم
اسمحوووووووولي عالقصووور

منو بيسوي خير وبيرتب اغرااضي .. لين الحين ما رتبت
والساعه 6 عندي حفله
وبسير قبل الحفله بتحلق
هع
وطيراتي الساعه 8

**مايهزك ريح** · 03-07-08 ||, 12:44 PM

اتسير واترد بالسلامة يا محمد .. بنفتقدك .. حبوب .. ^_^

اكره شي عندي ترتيب الأغراض ..
لا وهالمره كلهم بيسافرون قبلي وبتم بروحي .. 10 ايام ..وعقب بسافر .. >_<

**مجموعة إنسان** · 03-07-08 ||, 12:46 PM

ههههههههههههه

نفس الحااااله

اصلا بروحي في البيييت
كلهم ماسفرين
عسب جذي متوهق ههه

**عفاريتووو** · 03-07-08 ||, 12:47 PM

تروح و ترد بالسلامة ان شالله

**مجموعة إنسان** · 03-07-08 ||, 12:49 PM

الله يسلمج عفاريتوووو

**مايهزك ريح** · 03-07-08 ||, 12:49 PM

هههه .. يعني الحال من بعضه خخخخخخ
حط لك لسته بالأغراض اللي تحتاجها ..
شرات ما انا اسوي.. عشان ما تنسى شي وتتوهق ..

**حلم الطفوله** · 03-07-08 ||, 12:50 PM

السلام عليكم

تروووح وترجع بالسلامه إن شاء الله

بنفتقد تواجدك بالواحات واااااايد ....

**مجموعة إنسان** · 03-07-08 ||, 12:54 PM

ما يهزك ريح
يا ريال وانا عاارف شو ابي اخذ
بس كل الثياب موجوده
بس باخذ سويتريين

والجواتي بعد

وعدة التصوير في الشنطه جاهزه

بعد ذكرني شو باااخذ

**مجموعة إنسان** · 03-07-08 ||, 12:58 PM

الله يسلمج من كل شر يا عموو حلم

وان شاء الله رااح ادخل من هناك
ما اقدر اصبر عنكم !!

بس شدي حيلج وسوي قرووب ههه

**مايهزك ريح** · 03-07-08 ||, 01:13 PM

كابات او طواقي للبرد .. ما فيك اتثلج اذنك ^_^"
دلاغات صوف .. قفازات ( جلد او صوف )
طبعا عدة الحمام كرمت لازم اتكون كلها في بلاستيك عشان ما ينجب في الشنطه
( صابون او شاور جل + شامبو + معجون + فرشاه + ديودرنت +انا عندي ربلات خاصه للأذن يوم اتسبح ها مستحيل انساه لأنه اذني تلتهب+ مكينة الحلاقه ) بالإضافه لنعال حمام ..
مظله للمطر ..

ساعه الفجر ( اظبطها على اي دوله انا فيها وتعطيني اوقات الصلاه .. وفيها اكثر من منبه !)
بوصله للجبله ( اذا كنت اول مره اسافر لها المكان وصعب احدد الجبله للصلاه ) + سياده مالت الرحلات اتكون ملبسه جلد )
بيجامات غلاض للبرد .. انا مجرب درجة الحرارة اتكون 4 ( موووووووووت *_*)

عدة السياره ( جي بي اس + نظاره شمسيه + كمن عطر .. ( انا اتسبح بالعطر ما يسدني واحد !) +اشرطة او سيديات )

شنطه تروللي للطياره .. (للكاميرا +اللابتوب+ الجوازات + قلم لتعبية فورم الدخول+ عناوين المكان اللي انا ساير له )

ولاتنسى جراجة الموبايل واللابتوب ( انا احطهن في الشنطه العوده )
اسميني ما خليت شي ^_^!!

اذا تذكرت شي زياده برد اكتب لك ^_^"

**مجموعة إنسان** · 03-07-08 ||, 01:20 PM

تصدق

من هذيل كلهم بس مجهز ( كابات او طواقي للبرد ,, كمن عطر .. ( انا اتسبح بالعطر ما يسدني واحد !) +اشرطة او سيديات (الpink ipod لييش حاطينه هههههه )
تخيل ايبود وردي

شنطه تروللي للطياره .. (للكاميرا + +اللابتوب+ الجوازات + قلم لتعبية فورم الدخول
(ما فكرت فيها
كنت بتوهق في شنطة اللاب شنطة الكاميرا ,,

ولاتنسى جراجة الموبايل واللبتوب
اهم شي هالأثنيييين !!

يلله اتذكر وخبرني
خل اتصل بأختي تسير تاخذلي السوالف اللي ما اخذتها هع