ابغي رايكم في اللاب توب

[المزوحي]

السلام عليكم

قررت اشتري لاب توب واحترت من اي شركة اشتري

من توشيبا .. رديت على اتش بي ومرات اقول دل ... وحد نصحني بالسوني ...

حصلت أمس لاب توب من اتش بي ياليت لو تنصحوني فيه

HP Pavilion dv2840

(Intel Core2 Duo T5750 (2.0GHz. 2MB Cache, 667MHz FSB

160GB HDD
DVD Super multi Drive with Light Scribe
Bluetooth
Remote control
Web Camera
14.1 WXGA
True Bright Screen
128MB Dedicated Video Graphics
Windows Vista Premium
2GB RAM


وسعره 4000 درهم

[أنامل قلب]

:
.

وعليكم السلام ورحمة الله وبركاته ..

اممم .. انا عندي هاللاب .. وأحسه اوكي بس به عيوب كذلك ..

هو استخدامه بالنسبه لي حلو وشكله كذلك سواء من برا ولا من داخل .. رسمي وراكز ><"
بس بصراحه ماينفع للي يستخدمون اللاب بزود .. يعني بسرعه يحر !

+ اضطرينا نحط استكر عـ فتحة الكام .. يعني أحس الكام يعتبر شغله سلبيه باللاب :/

+ من يوم ماشريته لليوم ماضطريت اسو له فورمات ولا علق علي إلا مره وحده .. من قريب !
وهو تقريبا بيكمل الـ 3 سنوات معاي ان ماكان اكثر .. احليلي أليفه ومسالمه لول ..

ووووو مادري والله ..
مثل ما قلت بالنسبه لي عايبني ^_^ ..
بس أكيد ماكو لاب مابه عيوب .. فانت شوف غرضك من شراء اللاب ..
ومنه بتعرف شوللي يلائمك ويناسبك استخدامه =)

واسمحلي لكوني ماعرف بسوالف الاجهزه وايد ..
على قدي يعني ..

وموفق دائما .. .


:.

[المزوحي]

أهلا اختي ...

كل شخص يمدح شي معين، سواء في النت أو الناس اللي اعرفهم ...

صح القرار الاخير لي ... بس حلو الواحد يستشير الغير ..

مره سمعت إنه الاتش بي يحر مثل ما قلتي ...

يوم سألت موظف في المحل، قال : لااااااا .. أصلا اي لاب توب بشكل عام يحر ...

ما يخصه البراند

[أنامل قلب]

^

اها .. يمكن والله .. !
بس مادري بغض النظر من كوني حسيت بهذي الشغله ..
الريال اللي سألناه بالمحل "بالغرير" قالنا عن هالنقطه قبل لا نشتري اللاب ><" ..

وووو يمكن يعتبر عادي مثل ما قال الريال اللي سألته ..
لكنه أكيد مش من اللابات اللي تتميز بتحمل الاستعمال الزائد وما إلى ذلك ..

وجي السالفه ^_^ ..

:.

[أنامل قلب]

^^

صح ووونسيت أقول ..
اعتمادا على المثال اللي عندي بالبيت ..
نحن نستخدمه بشكل كبير .. يعني عادي يتم مبطل 12 ساعه ..

ومع ذلك ماكان يوصل لدرجة انه يعلق ولا يخبص ولا يحتاج لتصليح ..
إلا مره وحده مثل ما قتلك من قريب .. وهم بعد ماكان إلا لشغله هبله سويتها لول !

يعني يتم حلو =)

+ مادري جان أحد عنده راي ثاني ولا شي لاحظوه وانا مالاحظته !

وووو السموحه ..

:.

[المزوحي]

مشكورة على التواصل بخصوص الموضوع ...

اليوم كنا نتكلم عن اللاب توبات في الدوام، ربيعي كان عنده لاب توب ايسر ( ماحب هالبراند موول ) المهم

من جريب خذ له توشيبا ويمدحه ويقول احسن عن الايسر ...

بس قال لي بخصوص إنه يحر كلهم نفس الشي ..

هذا معناه إنه هو كذلك يستخدمه وايد .. مون إنه ماعنده ديسك توب في البيت ...

[بنت ناس و عرب]

MAC from apple brand

excellent laptops and desktops + doesn't heat up a lot !

[المزوحي]

معقولة ؟

[ايه احبك]

هيه ماك معروفين يا المزوحي لو تاخذهم ما بتنتدم خاصه يوم ظافوا الأوفس سيستم
انا في خاطري الماك اير
بس بعد محتاره لنهم يقولون ان ماك برو احسن عنه XS
لو زين حصان طرواده بعده في الواحات جان فادنه

[المزوحي]

ايه احبك

ليش كل احس به حق الشركات او الكليات اكثر

همم يعني ما استعيل وآخذ اتش بي

[ايه احبك]

بالعكسسسسسسس
الماك وااااااايد زين حق الأنترتيمنت
اسأل أكثر اذا مب متأكد من قرارك
عن راي انا ماك وايد زين

[المزوحي]

ايه احبك تابعي

http://www.l-ro.com/vb/showthread.php?t=33991

[تحفه]

ايه احبك شو من انترتيمنت تطرين؟

الماك ماينفع حق الالعاب الاون لاين مثل قوم ترافيان p;