|| تـ..خـــ..ـيـ....ــــــل ... !

[مايهزك ريح]

تخيل .. !

اول ما اقول هالكلمه اتذكر دعايا ما ادري اذا تذكرونها ....

تخيل دجاجه باثني عشر جناحا .. ساديا لديها ذلك.. ^_^!!
.
.
.
.
ولــــكـــن ..

احيانا نجد صعوبه في تخيل الأشياء ..
مب لأنه نحنا نحتاج لبرنامج3D ..مثلا ..>_<
لكن في اشياء فعلا صعب نتخيل حدوثها ..
ومجرد التفكير فيها .. يعتبر مستحيل ..
طيب ليش ..
هل هذا بسبب انه نحنا نظرتنا محدودة ..
او انه نحنا من الناس اللي ما تؤمن بشي اسمه طموح ..
.
.
.
.


كانوا يقولون انه مشوار الألف ميل يبدأ بخطوه !
ليش نحنا انحط في بالنا انه نحنا ما نقدر نمشي هـــالمسافه .. كلها ..
طيب نبدى اليوم وانكمل باجر ..
وعقبه وعقبه .. لين اجسامنا تتعود .. وبعدين نكمل الدرب كله ..
مب لازم نقطعه في يوم واحد..

.
.
.
احاسيس .. مختلطة .. اتدور في خاطري ..
يأس .. احباط .. تكسير مياديف ..
جنه حرام الواحد يتخيل ....

[مــهــابه]

/
\


المشكلـه مب فـ { الخيال } أو الـتــَخيل يـا خويه ، ولكـن ! المشكله فـ ردة فعلنا بعد التخيل

يـعني عآدي جداً نتخيل ، ولـ مجرد التخيل أو كلمة يمكن تخطر على بالنا [ مستحيل ] . .


" مستحيل "


هالكلمة اللي تـخلي تفكير الأنسان محدود ، ويمكن تصيبه بالعجز واليأس والأحباط ، ولاتخليه لا يـتجدم خطوه بس عآدي يتأخر . .


بـ مجرد وجـد الخيآل ، لازم يكون [ واسـع ، ومفـتوح ] ~ . .

عسب يعطينا الناتج الأيجابي

بإختصـار


الـخيال لا يـعني المستـحيل

[أنامل قلب]

:
.

أحيانا يكون الطموح أبعد مما يملك خيالنا الوصول إليه ..
فتجده مبهم الملامح .. غريبا وحس عدم القبول يرميك عنه بعيدا .. . !

لا يكون خيالنا ممنوعا .. طموحنا أمرا سلبيا ..
إلا عندما نتخذه لمجرد شعار وعناوين دون أساس ننوي بناء رتبه .. . !

متسرعون بأحكامنا ..
نتباطأ بأفعالنا ..

وقد تكون قلة ثقة .. قلة دافع ..
وقلة إراده تمنعنا من ابداء مانملكه للوصول إلى تلك المساعي .. . !

:

من تخيل وعمل وثابر قبلنا ..
لا يملك ماحرمنا منه نحن .. سوى أنه آمن بالقليل ..
وبأن مشوار الميل ما كان ليبدأ إلا بخطوه .. . !

:

لا أدري .. بي كلام كثيييـــــــر أود تسطيره ..
وذكرتني بكتاب بدأت بقراءته ولم انهه ..

لكن باختصار ..
ليس الخطأ بعدم قدرتنا على تسطير أحلامنا ..
أن نستشف من الواقع خيالا نملك الوصول إلى أعتابه ..

الخطأ ..
عندما يستهين المرء بخطواته ..
يقلل من شأن مسعاه ..
يترك للغير فرصة التقدم بالنيابة عنه ..
فيكون الزمام بيدهم .. دونه .. . !

:
.

آسفه ..
لكنها واحة الفضفضه وانا خذت راحتي ..

كما قد يكون لي عوده .. . !

:

موفق أقولها من الأعماق ..

فقط تنفس قبل أن تتخيـــــل ..
وكن واثقا بواقع خيــالك .. . !

أدام الرحمن جل الخير لدربك ^_^ ..
واعذرنا للمره الثانيه ..

:.

[مايهزك ريح]

مرحبا اختي مهابه ..
ياليت على رده فعلنا وبس ..
المشكله في اللي يكونون حوالينا ..
ويكسرون مياديفنا .. وييلسون يضحكون ساعه .. على الفكره اللي طرحناها ..
ويحسسونا انه نحنا تخبلنا .. وانه هالشي ما بيستوي .. لو شو سوينا ..
انزين شو خسرانين .. خلونا نحناول وانجرب .. اذا فشلنا .. على الأقل بنتعلم وبناخذ خبره ..
ما بيضيع الشي بلاش !

ومشكورة على الرد

[مايهزك ريح]

مشكوره على الرد اختي انامل قلب ..
خذي راحتج في الرد .. الموضوع كتبته عشان كل واحد يطلع اللي في خاطره ^_^

وان شاء الله .. الله يقدرنا ونحقق اللي نتخيله .. !

[المزوحي]

أكيد في فرق بين التخيل و التذكر

يعني أحيانا تتذكر أمور فاتت عليك .. موقف، سفرة، شي مفرح ... تتذكر الموقف اللي استوى .. الكلام اللي دار ...

الحينه ييت في موقف التخيل .. تتخيل إنك مسافر، تتخيل إنك تكمل دراستك .. تتخيل .. الخ

فإذا كنت تتكلم بصوت مسموع، وتعبر عن اللي في خاطرك وتقول انا اتخيل او تخيلوا يضحكون عليك

لأنه شي بعده ما صار ... فيحسون كلامك مجرد كلام ممكن ما يتحقق .. او إنه أحلام يقظة ..

يمكن إنك تتخيل شي يحدث بعد فتره ..

المهم

صارت ويايه يوم اتكلم مع مجموعة اقول لهم اتخيلوا يستوي جيه، إنه موقف معين يستوي في المستقبل الجريب

فتلقى اصوات الضحك، وكأني اقول لهم نكت ... إنه شي اييبه من الخيال بس ومستحيل يتحقق او حتى يمكن حدوثه

في يوم من الأيام ...

تبغي الصدق

مرات يستوي الشي اللي اتخيله

مايهزك ريح ... خيالنا بالنسبه لهم حلم مانقدر نحققه وتكسير ميادييف مثل ماتقووول ..

ماعليك من اي حد ...

[عذبة الروح]

بـ النسبة لي هـ الكلمة معناها & وجودها في حياتي شي أساسي

ما اظن انه مر علي يوم ما تخيلت فيه ...[ شي]

لو كان بسيط أو حتى [تافه] بـ النسبه لـ غيري :)

من طبعي احب اذكر كلمة خيال .. تخيلوا .. تخيلت .... إلخ

في رمستي مع البنات & الاهل في البيت

ومنهم يتقبلون .. ومنهم لا

وهذا طبعاً يعتمد على الخيال .. & طريقة التفكير



----



وصلت لـ درجة انه معظم البنات اللي يعرفوني & بعض من الدكاتره في الجامعه

يميزوني بـ الـ ACTIVE IMAGINATION اللي عندي

الحمد لله <--- شي إيجابي


----


اربط وايد بين الأحلام & خيالي

وما اسمح لأي شخص مهما كان انه يحرمني من هـ الحق

أو حتى يتجرأ ويستهزأ بـ خيالي ... !


----


معظم الأوقات أحب أقضيها مع نفسي

لأنه هـ الشي وايد يشجعني على الخيال

واللي يهمني أكثر ... انه ما في احد يقدر يقطع [حبل أفكاري] :)


----


في ... قاموس حياتي

كلمة الخيال .. لو اقدر أخليها متواجده بـ كل صفحه

بـ الرغم من إني ما أنكر إنه له الكلمة تأثير كبير في تغيير حياتي & شخصيتي

لـ درجة إني صرت أتعلق في خيالي أكثر من الواقع اللي أعيشه !

ولكن إلين اليوم .. أنا والخيال رباعه :)




في .. قاموس حياتي


ما اعترف بـ وجود كلمة مستحيل

دايماً أقول [المستحيل وجهة نظر]



----



لا تخلي اللي حولك يأثرون فيك وفـ طريقة تفكيرك اخويه

دام انك تشوف هـ الشي ما فيه غلط على نفسك وعلى اللي حولك

ومثل ما قلت قبل .. ما بـ يخسرون شي ! <---- ليش ما نتخيل ونحرم نفسنا من هـ الإحساس ؟!




عيل خلهم يقولون اللي يقولونه ..

المهم ما اسمح لهم انهم يحرموني من شي انا متعوده عليه ومب غلط <--- الخيال


ربي لا يحط في دربك من يكسر مياديفك

وعساه يحقق كل اللي بـ خاطرك

والسموحه





لي متابعه بـ اذن واحد أحد

[مايهزك ريح]

مشكورين اخواني ..
المزوحي .. وعذبة الروح .. على ردودكم .. اللي تبرد على القلب ..

احس اني ارتبطت بهالواحات .. ويوم اظيج ما احصل حد يواسيني غيركم .. الله لا يحرمني منكم يا رب .. ^_^

[عذبة الروح]

توه وصلني على الإيميل ...
قلت لازم تشوفه :)


إهداء .... !



شوف الملف بعد ما تدخل الكود

http://up5.m5zn.com/lpdxucv4qfk1/___...______.pps.htm



والسموحه

[المزوحي]

تسلم مايهزك ريح ... ^_^

عذبة هالميل شفته من زمان بس عيبني

[مايهزك ريح]

كشخة الإهداء .. تسلمين اختي عذبة الروح

[دموع قلم]

ما يهزك ريح ..


اطلق لخيالك العنان ..
ولا يحق لأحد أن يوقفه ..

ولكن ..

أسعى إليه ..
جاهدا ..

وحتى إن تعثرت ..
استمر .. واكمل دربك ..


فسترى خيالك ..
واقع تعيش فيه ..!

فقـط حاااول ..
حاول ..



بالتـوفيق أخوي .. ^_^

[مايهزك ريح]

اشكرك اختي دموع قلم على الرد ^_^
ان شاء الله يتحقق اللي في بالي وينجسون اللي كانوا يظحكون يا رب