السلام عليكم والرحمه
جيف حالكم ؟ عساكم الا مرتاحين
بما اني خلصت امتحاناتي فاستويت انسانه متفرغه للفوتوشوب لول
أول مره ما اكتب شي عالتصميم
خليت التصميم بروحه يرمس عن نفسه .. =)
اضغطوا عاللنك، ماحطيت التصميم لان التصغيير يقهرني
http://oasis.bindubai.com/bin/upload...1213639465.jpg
رايكم يهمني أكيد
Somewhere over the rainbow bluebirds fly
N!ce & S!mple .. ^_^
.
.
" بنت الدلع "
حلو التصميم وغااآوي !~ ، ..
حبيت الفكره المطروحه ، وتناسق الألواااان =)
وفكره الانعكاااس جميـــــــــــــــله !*
بس فكره الإيطار لج عليهــا أحس كان بامكانج اتظهرينها بصوره أحسن !*
ملاحظه ماتقلل أبدا من جمالية التصميم =)
أبدعتي ولا هنتي غناتي
ونتريا الزود من جداج
لا خلا ولا عدم بإذنه
،
.
.
...Back to Oasis..
وعليكم السلام والرحمه
التصميم بـ شكل عام حلو بـ ألوانه & البساطه
وانا من أكثر المعجبين بـ أسلوب وفن الـ vector art
خاصه لو فيه فكره أو مضمون
يعني يحمل لنا موضوع لـ توصيله
في تصميمج اسمحيلي ..
1- فكرة الديزاين الأبيض خارج الإطار ما خدم التصميم
لو استعملتي برشز غير وبـ كثره في زاوية وحده أو زاويتين متعاكستين أحسه كان شكله غير
2- الجزء العلوي المقطوع من الشيره
والجزء السفلي (الإنعكاس) المقطوع من الشيره + البنت
حسسني انه تصميم مب كامل ...
3- وين مضمون التصميم
يعني شو المغزى منه ... ؟!
اللي اقصده هني .. وين الكومنت لو حتى كلمة ؟
عـ العموم ..
السموحه لو زدت الجرعة هـ المره
وان شا الله نشوف منج اليديد & المميز المرات اليايه
بـ اذن الله
السموحه
يسلمووونيشن بنت دلعنا
الحـــياة بـ عيني تحلى .. لابد يجي يوم واسلىوالأمــــل ما ينقطــــع .. دام الأمـل بس بـ الله
مايهزك ريح
تسلم اخويه
دمعة عين
اي اطار تقصدين ؟
الاطار الخارجي للتصميم
ولا الاطار الابيض ؟
اشكرج اختي على الملاحظه
ومنكم نستفيد
Somewhere over the rainbow bluebirds fly
عذبة الروح
برد عليج نقطه نقطه
1- الدزاين الابيض الي استخدمته خارج الاطار ليش استخدمت اللون الأبيض؟
لاني بغيت ابرز التباين
دام ان التصميم داخل الاطار فيه الوان الي برع خليته يتكون من لونين فقط عشان ابعد التشويش لكثرة استخدام الالوان
ليش استخدمت هالاشكال بالذات ؟
كل شكل فيهم يعبر عن شي معين او يحمل مضمون يعكس شي انا ابغي اوصله
ويمكن هالشي ماكان واضح بالنسبه لج
ما استخدمتهم في زاويتين متضادتين لان اغلبية التصاميم الي اشوفها كله يكون على زاويتين مختلفتين
وانا حبيت ابعد عن الروتين
2- الجزء العلوي من الشيره انا عمدا خليته جيه
ماحبيت كل شي يكون بالضبط ويكون كامل
اتخيلي التصميم كصوره
والمصور التقط الصوره عن قرب (يعني فيه زوم في الموضوع)
فـ بهذه المسافه انتي بتشوفين نص الشيره والانعكاس في الماي مابيكون كامل بس ربع الـ view
فكري في كلامي وبعدين بتوضح لج الاشيا
3- لو قريتي كلامي في البدايه ذكرت اني ما كتبت شي في التصميم
وخليته يعبر عن نفسه
الكتابه في التصميم ماتعبر عن الكماليّه
احس اذا الواحد جي يفكر يكون تفكيره محدود
انا ابا الشخص يوم يشوف التصميم يفكر بأشيا عديده ويحاول يحلل شو الي انا ابا اوصله
ماحب كل شي يكون جاهز حلاة الشي بغموضه
وطبعا هذي كلها آراء شخصيه
يمكن انتي ماتتفقين وياها
لان كل واحد فينا له اسلوبه الخاص في التصاميم
اشكرج اختي على ملاحظاتج
وبحطها بعين الاعتبار مره ثانيه
وهذي تعديلاتي عالتصميم بعد ماقريت ملاحظاتج وملاحظة دمعة عين
عيبني اللي بعد التعديل أكثـر
وفكرة الانعكــاس وايد حلوه
موفقه ^_^
❤
وايد حلو بعد التعديل ..حبيته
إلى الأمام ونتريا اليديد
:)
Everything I love gets lost in drawers
الانعكااااااااااااااااااا ااااااااااااااااااااااااا اااااااس بس كم يسوى !!
روعه روعه روعه !!
ضبطتيه صح يا بنت الدلع
ماشاءالله عليج !
حسيت اني يالسه أشوووف لوحه فنيه والله !
:
ابدااااااااااااااااااااع
طير الغرام
تسلمين الغلا
من كمن اسبوع فخاطري اسوي الانعكاس
وماخليته في خاطري والحمدالله يوم ضبط =)
عافك الخاطر
سعيده انه نال على اعجابج
--
يعني الفكره الاوليه الي سويتها ماطلعت وايد اوكي!
ومنكم نستفيد
Somewhere over the rainbow bluebirds fly
الذين يشاهدون الموضوع الآن: 1 (0 من الأعضاء و 1 زائر)
ضوابط المشاركة
رد مع اقتباس
مواقع النشر (المفضلة)