حـــاير ،، و ودك إتشــاور ؟!

[شمعة أمل]

ترا مركز الأميره هيا في المنـاره مسوين معرض:)
يفتحون بعد صلاة التراويح لييين يمكن 1 ولا 2..
كلهم حريم مواطنات يبيعون جلالييب وشيل ودخون وسوالف حلوه
انا اشتريتلي كم من شي من وحده من الخوانيج.. سوالفهم حلوه

[هزاايم]

مالي بااارض ادور...و المشكله كلهم جاهزين الا اناا يقهر الشي,,, =(
بووت شوكريااا عزييزااتي
يوم بلقى بشكركم شكرا جما

[شمعة أمل]

حصلتلي خاتم وااايد حلو اليوم حجزته

[قصايد غلا]

ممكن نشوفه ؟ ===> فضووول

[شمعة أمل]

تعرفيـن شو استوى
سرت اليوم وقلتلهم عن الخاتم الى حجزته.. وشو طلععععععععع.. الخبله ماحجزلي اياه و الريال ماكان موجود بعد
بس الحمدالله محد اشتراه والخاتم كان موجووود!
وسرت سألت الريال على كم وآخر سعر.. جا يعطيني سعـر ألفيـن أكثر عن البارحه واناااااا >>
انا اصلن ماشتريته البارحه عشان قلت للريال بيي باجر يوم بتشوف ويه امي يتعطيني سعر عايبني.. وشفتييييي شو قالي
وامي واختي كانو يتعاملون ويا ريال ثاني يشوفون خواتم بعد.. جان أسير عند امي زعلانه مبوزه وكل شي
واقوللها شوفي هالحرامي.. أول شي ماحجزولي الخاتم.. وثاني شي يعطيني سعر الفين اكثر عن البارحه
عقب الريال الى يتعاملون وياه الظاهر هاللي دوم امي تتعامل وياه.. جان يقولي مااعليه انا بعطيج أحلى سعر.. وطلع بعد عطاني سعر احسن عن سعر البارحه بوايد .. خصم 60%
او وبعد تعرفين ليش زعلت وايد.. هاللي يقهر تعرفيين شو قاليييييييي... كنت أسأله اذا عنده كواشي بنفس الستايل جان يقولي شو تبيبه هالخاتم خذي اللون البنفسجي جوفي غاوي ويديد والأخضر جديم وستايله مخلص

على كيفه هو يقرر شو الحلو والمب حلو هندي ماعنده ذوق


ولاني كنت زعلانه آخرشي اشتريت خاتمين بس مب عندي.. سارو يغيرون مقاسهم :)



وتعرفيييييين شو اكتشفت
من كم من يوم سرنا سوق الذهب.. واكتشفت انه ألماستهم مب لين هناك. الا كم من محل.. . وأسعارهم أغلى بوايد عن هالمحل الى نحن نتعامل وياه في ابراج الامارات! حراميه قم سوق الذهب

[قصايد غلا]

مبروووك ، تتهنّين بهم إن شا الله يا شمعة



اممممممم تعرفين في سوق الذهب منو أحسن شي

سمرة + سوليتير ===> بالنسبة لي

هالـ 2 ينصحونج لو الشي ما يستاهل تشترينه بهالسعر

و الـ2 يعطوننا خصم وايد وايد وايد

خاصة سمرة لو الخاتم مثلاً ألماس و بــ7000 يعطيني اياه بنص السعر عشان خالي =) ...

[شمعة أمل]

يقولون
سوليتير والأنوار ولوزان أحسن شي هناك.. ماسمعت عن سمرة
بس تصدقين
كان جي كشخه يوم سرنا! اول مره نسير لول شعور حلو!

[قصايد غلا]

أول مرة تسيرين سوق الذهب ؟؟؟ ، هيه كشخه =D خاصة سوق دبي أحلى شي


هيه الأنوار الذهبية كشخه بعد بس مادري اذا هو اللي تقصدينه ولاّ لا :)

اممممممممممممم سمرة في سوق الذهب أحيد محلهم صغيير ، أول ما تدخلين السوق بتلقينه على يمينج قبل مجوهرات شطاف ===> عاد مادري اذا غيروا مكانهم ولا لا لأني آخر مرة سايرة لهم هناك يوم كنت في صف 6

هيه صدق بعد شطاف استوت مجواهراتهم كشخه =) ، لكن فيهم لواتة

بس الأحسن سوليتير + الأنوار الذهبية + و سمرة و سدرة " نفس الإدارة"


سمرة بتحصلينه في صحارى و بن بطوطة و امرتس مول و سوق الذهب و ستي الشارجة ، حلوة مجوهراتهم و أعتقد إنهم مسوين بطاقة للي يتعاملون وياهم دوم عشان يعطونهم خصم

[شمعة أمل]

مادري انا بس اعرف انه الانوار.. اشتريت منه طقم فيه روبيي.. ماكنت ابا شي جيه فاضي! عايبني كلاسيك 3>

انتو شكلكم دوم تسيرون سوق الذهب.. نحنا امي ماتحب الزحمه عشان جي مانسير.. حتى يوم سرنا ناخذ اطقم مايت ويانا.. لاحظت انه امي بس تحب تتعامل ويا فيريني في ابراج الامارات ومجوهرات الليالي.. الليالي مايعيبني وايد بس ساعات تحصلين عندهم اشياء نادره وعجيبه.. اشتريتلي خاتم منهم هالصيف سمبل وبسيط بس جمييييل في اللبس

[قصايد غلا]

هيه الروبي كشخه ، ذكرتيني بخاتم حلووووو فيه فراشة و في النص حجر
شي منه أخضر و فيه منه بالروبي كنت أبااااه و نسيت سالفته


امممممممممم تبين الصدق من زمااااااان ما سرت سوق الذهب لووول ، لكن بعض المحلات عموه وايد تتعامل وياهم فــ ايّيونها البيت أحسن و أريح

[المزوحي]

قصايد + شمعة الرضيعه شاريه قلب من عند سمره من 3 شهور، من سوق الذهب ....

تبون تشوفونه بصوره لكم ؟؟؟ إذا حبيتوا

[شمعة أمل]

قصاييد
طلع اسمه الأنوار الذهبيـه xD


المزوحي
مادري






كنت يالسه أدور شي.. وحصلت هالموقع.. حصلت كم من فسـتان حلو فيه.. واسعارهم وايد رخيصه.. يمكن أغلى فستان بـ 3000 بيزاتنا.. بس عندهم كمن شي حلوو :)
واذا حد يبا يطلب.. لا تنسون انه السايزات أمريكيـه ومب بريطانيـه

http://www.edressme.com/eveningdresses.html

[رمــش الغـــلا]

حبيت الفسااااتين شمعوووه ...<

وايد كيووووتين وسمبل ... حق مناسبات والا عزايم ...|~


ثااااانكس ^_^

.
.

[قصايد غلا]

المزوحي : امممم أوكيه راونا إيّــاه :)



شمعة : عيل هو اللي أطريه ، هالمحل من سنييييييييييين نتعامل وياه
مرة يوم كنت ياهل ربحت عندهم سبيكة ذهب


حلوة الفساتين اللي في الموقع =)

[مــهــابه]

حصلـت ولد عـم فســتاني


شرات الحركة لي فالظهر . .


بس اهنيه سعره بـ 500 $



وانا مفصلتنه بــ 13.000