حـــاير ،، و ودك إتشــاور ؟!

[حلم الطفوله]

هلا شواقه

لا لا العتب مب على لجحال ....العتب على الإيد إلي حطته

[صريح]

حتى انا اشخط عيني و هيه مفتوحـه بالمرود يوم اتجحل بالصرااي




العقل في مكان ثاني اسمحولنا ..
لو تعرفون السبب بتعذرونا

[حلم الطفوله]

أنا جربت بالأثمد عاااااااااااااااااد :) بس طبعا وهيه امسكره

[وحي القلم]

ههههههههه

[أنامل قلب]

ههههه

[الهيثــم]

صريــح بيطرشون الرد على اساس انه نكته حق الاوادم .. حااسب .. ! لول

[صريح]

خطااب

ما عليك يا رياال ..
عربنا و شوابنا من استوو و هم يستخدمون الاثمد و الصراي
ما قلنا شي غلط الحين لوول

[صريح]

شو كان ردج يا حلم قبل التعديل ..
تعرفين الفضول و شو يسوي لول

[صريح]

يا شماتة طنط ظاظا فينا

[حلم الطفوله]

رد يجحلها جان يعميها :)

بغيت أسألكم عن مصممات يفصلن عبي بموديلات بسيطه بس راقيه ....ما أحب العبي الحشره !!!

[صريح]

[ذنـيـنـي]

انا ما اعرف لوول

امسات خذت درس قطع العبي من الوالده و مرت اخويه
قلت الواحد لازم شوي يثقف عمره للمستقبل

اسميها قطعكم عجيبة و غريبه

صالونه و انترنت و ما ادري شووو
البارحه سرت بيت يدي و من اشوف وحده طافت اقول شو هاي انترنت ولا صالونه خخخخخخخ

[شوق القلوب]

يا ريـــــــــال.. خل عنك هالسوالف..!

..

يوم بعد اتروم اتحط الاثمد و عينك مفتوحه..!! اذكر يوم كنت صغيره اوني احاول اسوي هالحركه بالمرود.. والله انه كله يصبغ برع.. و العين بيضاااا

[شوق القلوب]

ناصر..

خذ مني بعد كمن درس..!

..

الانترنت من أسوأ قطع العبي.. و ارخصهم..
اولا لانها ثجيله.. و بعدين اتيك جي امغبره..

الصالونه رقم 1.. يقولون انها احسن شي..

وفي عبي.. اتيك قطعتها خفيفه .. يسمونها ندى..
هاي وااايد عمليه..

وفي هالبحرينيه اللي تلمع.. اللي كانوا من زمااااااااااااااااااااااا اااااااااااااااان يلبسونها.. و ترى ردت موضتها هالايام.. بس احس انها ملفته و تنفع للمناسبات ..


و جيه.. يا اللي اتحب تثقف

[شوق القلوب]

ناصر..


بالمره.. ثقفنا عن كنادير الرياييل...

عشان اتكون المعلومات متبادله ..