حـــاير ،، و ودك إتشــاور ؟!

[ايه احبك]

والله يوم الدين بنسأل تحفه لا تخليني ابداء محاضره دينيه لوووول تعرفيني تراني مغثه XP
يعني ونسي عمرج بس بحدود

وهاي الشنط سوو نت ماي ستيل
برويج ماي ستيل شوه XP

[ايه احبك]

thats so me :P

[قصايد غلا]

^حلوةةةة شنطتج عيبتني :)


صح والله شو بقول لــ ربّي يوم بنسئل عن كل فلس

[ايه احبك]

قصايد لا تخليني اكتب محاضره دينيه لووول ْXD

[تحفه]

كنت حاسه XD

[تحفه]

انزين شوبتقولين حق الله يوم انتي تحبين السنما وتروحينها؟ ويوم انتي تعزمينا عل عشى 500+ p; ويوم ويوم ويوم ..

وانتي مب كل يوم بتشترين شنطه .. مرات الواحد لازم يدلع عمره بعد الشغل والبروجكتات

هي انا مع الي يشترون بس مب مع الي ينسون الدين بعد!! .... الواحد يسوي لعمره ويسوي الي عليه لربه. ( اتكلم عن الي عندهم بجت حق هالشي )

واذا بتيبين طاري الدين ترا الحقيقه المره جدامج محد سالم في هالدنيا ..

وانا ما اتكلم عن انا بنستوي رقاصات لول بس نكلم عن شنط

[تحفه]

في النهايه طبعا كل واحد وقناعاته ...

[ايه احبك]

ههههههههههههههههههههههههه هه
شفتي شقايل سحرتنيXP من يوم كنت وياج

انا مب ضد الأنفاق وامتاع النفس بس
امتع عمري وامتع الي حوالي بحدود يعني بيني وبينج الحين 20000 لشي واحد بيمتعني انا روحي و دووم؟؟
لاء طبعا بهال 20000 بمتع عمري والي حواليني والفقرا بعد
نحن نصرف ما قول حطي شي في خاطرج
بس قبل لا اشتري افكر هال انا ما بحصل احلى عنها وستيلش وارقى يعني اغلبية الماركات الله حق شنطهم مب واااااااااااااو شنطهم حلوه بس مب لدرجة اعق هالقيمه واكثر فيهم يعني في اشيا تررزا
وانا عن نفسي انسانه احب تغير واحب كل ما ينزل شي ايكون عندي سو اذا بحسب كل الي بشتريه بهالقيمه وبينعق بيكون قمه في الأسراف حرام
اصلن نورملي اذا نزلت لمت ادشن من اي برند اتشوفين البنات يركضون وراه شرات النمل سواء ستايلهم ولا لاء بس عشان اسم هالشنطه الي بيرسم شخصيتهم جدام الخلق وعشان ايقولون نحن اول ناس شرينها وبلاه وبلاه
والله اختي شرت ديور بسبعه من 5 سنوات لبستها في العيد وعقتها
والله لبسه وحده اشبعت الي في خاطرها وعقتها لنها ما عيبتها سبحان الله بعد ما شريتها ما عيبتج !!!
والحين محد يروم يلبسها لنه استيلها جديم وتنعرف انها جديمه حتى لو هي كلسك تنعرف انها جديمه
انا اقول نصرف بس بحدود المعقول هالشنطه ما بترسم شخصيتي ولا بتفرحني العمر كله الي بيفرحني يوم الناس اتقول هالبنت صغيره وعندها هالأراضي والعماارات والساعات والمجوهرات XD لوووووووول
هيهيهيهي
هاي وجهة نظري يا حبيبتي

[قصايد غلا]

ايه أحبك : ذكّرتيني بــ بنت عم اميه

أمسات كانت شالة شنطة ديور جديمة ، يعني هالشنطة لو عندي ما بشلها ، مع ان بنت عم اميه ماشا الله عليها ما عليها قاصر و مب من النوع اللي تستبخل على عمرها

لكن كلنا عيبتنا الشنطة وكل حد ينشدها عن شنطتها مع انها جديمة بس مستغربين لأنه ما جد جفنا مثلها

يعني هي استغلت الشنطة بدال ما تنعق ، و إذا شلتها يمكن يقولون فلانة زطية شنطتها مال أووووووول لوووووووووول

قامت لبّستها حريييييييييير و حطت عليها كرستالات .... إلخ ، المهم الشنطة طالعة خباااااااااال

يعني الشنطة بشكلها العادي عملية لكن عقب التعديل استوت حق عزايم و سهرات بس تجنّن

[تحفه]

انا وياج.. نحن بعدنا ستيودنس ولازم مانحط البيض كله في سلة وحده

بس المب مستوعبتنه هو انج تشترين فساتين بآلاف الالاف وماتلبسينهم الا مره وحده وعادي عندج.. والحين يوم يت على شنط بتستهلكينهم محتشره! 0,o

[العجيبة]

هالبنت صغيره وعندها هالأراضي والعماارات والساعات والمجوهرات XD لوووووووول

يــــــاااااااااااااررررر ررررررررررررررررب


أكون من هالبنات لوول

[ايه احبك]

تحفه يا حبيبتي يا عمري يا قلبي
قبل اي شي والله واله والله ثمن والله في ردي اول واحد في هالصفحه كنت كاتبه اني مغثه مب قاصده اني اقولج انتي والله والله لا تزعلين =( حتى عدلته
ثانيا
انا مب ضد الصرف ولا قلت اتزطيطي
انا اقول اصرفي بس في شي يستاهل
يعني هاي نايفي مالت هرمز تستاهل 20000 وطالع ما شفت عليها الماسه
عقي خردتج هاي في شي بيظل لج وتستفدين منه مب قيمته واصله السما بسبت براند نيم
في وايد فرق بين هالشنطه وفستان عرس وحفلات وغير عن جي انا الفستان ما اشتريه الا اذا عيبني شغله مب اسمه وبعدين مب ذنبي اذا البلاد غلت اسعارها والخيايط قاموا يرفعون ساعرهم
انا اقول اني بصرف هالقيمه على ساعه ولا ذهب لانهم بيتمون لي ولا عيالي باجر بيبون سعر لهم لكن هالشنطه عيالي احتمال ما تعيبهم عقب من بيشتري شنطه بهالقيمه وهي مبيوعه 30 سنه او 10 سنين ورا
لا فيها شي يخلي الواحد يحس انها شي ثمين
ولا هم يحزنون
انا حدي الي بعقه على شنطه هو 10000 كثرت 15000 لكن اكثر عن جي احس ماله داعي ومبالغه
على العموم قلت قبل الي بيصرف ويعق 100000 درهم او دولر على شنطه ترها بيزاته والي بيعق درهم او دلر 100 تراها بيزاته كلن له راي
وانا جمالياتي ما تناقس براند نيم افكر اسوي براند روحي واسميها لوليت واسعرها اصك 7 سما عشان خلق تشتريها
لوول تحفوه لا تزعلين ترانا نتناقش وانا اعرف هالنوع من الناقش انتي ما تحبينه ام سوري
--
يا قصوده يا اموره على الشخص نفسه وكيفية تفكيره اذا البيزات اتي بساهل بيعق وما بيعرف جيمتها
واذا توصله بجهده وتعبه بتشوفينه يعق على الشي الي يستاهل
--
العجيبه
التخطيط الصح هو الي بيودينه هالدرب بلس المجازافه
لازم نتسند على ظهر صح عشان انطلع عوائد بتعبنا مب بتعب لا ابونا ولا يدنا ولا اخونا
انا ابي الناس تقول هيه سوته روحها محد قادها لا بيزات ابوها ولا بيزات يدها
اتمنيت اكون ولد بس عشان اعتمد على نفسي في كل شي بدون ما احد يرمس
بس يالله راضية بقسمت ربي
خلاص بنهي هالحوار لني احس طلعنا عن الموضوع

[العجيبة]

انزين ايــه أحبك

بدش عرض بخصوص النقاش اللي تتكلمون عنه حتى لو ما كنتي بتردين او سكرتي الحوار .. كيفج لول


بس انتي تشوفين ان سعر الشنطة اكثر من 20 الف وايد مبالغ فيه ....
وتعتبرين ان أعلى حد ممكن تشترين فيه شنطة هو 15 ألـف

طيـب اعتبااااارج هذا ..... بالنسبة لغيرج ومنهم أنــا أشوفه مثل ما تشوفين الشنطة ام الـ 20 الف وطالع ... يعني انا مستحيل اعق بيزااااتي على شنطة بالآلاف وانا اعـرف انه هالشي ما بيكمل وياي حتى سنة او احتمال نص سنة حتى !

الفكــرة اهنـي ... ان الناس اعتباراتها مختلفة ، ومب الكـل يشوف انه هالمبالغ فيها اسراف ، يمكن العشرين الف عندهم مثل 200 درهم عند ناس عاديين فـما عندهم اشكال من هالناحية .. وما اظن له داعي يكنزون فلوسهم فالبنوك - بنظرهم طبعا - وما يمتعون أنفسهم بحلالهم .... هم يشوفون انه هذا مب اسراف ولا تعدى حدود المعقول مثل ما انتي تشوفين او انا أو اي حد ثاني ...


يعني بالمختصر ... الاسراف عند تحفة مثلا يوم توصل الشنطة سعرها 100 الف ، وعندج انتي اذا عدت الـ15 الف ... وعندي انا امممم اذا عدت الـ 500 درهم لووول حتى ما اذكر اني اشتريت شنطة بهالسعر خخخ


اختلاف عقليااات يعني .....


ههه انا اذا اشتريت شنطة بالالاف بفكـر اطلع فيها زكاة لوول ... ناس مب لاقين ملابس يلبسونها وانا عندي شنطة بـ آلاف كثييييييييرة خخخ !



عالعموم الاسراف شي مهم ولازم كلنـا نلتفـت له وما نتغاضى عنه مهما كانت عندنا الفلوس
ولازم نحط فـ بالنـا إنــا مسلمين ولازم نفكـر باخوانـا المسلمين فـي كل مكان ...

فما يمنع اذا وحدة بتشتري شنطة بـ 10 آلاف فـ نفس الوقت تتبرع بـ 100 درهم عالأقل يزيد ربي رزقهـا ....

والله يوفقكم جميييعـاااا

[أنامل قلب]

^
وياج ^_^ ..

مجرد تسجيل اعجاب بحواركم .. . !

:.

[دموع قلم]

اممممم ..
أظني الشيخ زايد الله يرحمه نصحنا ان يكون المهر 20 ألف .. صح ولا ..؟؟
والحين الشنطة بروحها بـ 20 ألف .. !!! سبحان الله ..

.
.


قبل فترة كنت أتسائل عن هالسالفة.. وخبروني نفس رمسة العجيبة ..
أن الناس تختلف حسب ميزانيتها ومستواها المادي .. واقتنعت بهالشي ..



بس السؤال ..
هل هم يتصدقون ويؤدون الواجب اللي عليهم بالأول ..
عشان يركزون في هالأمور الثانوية ؟!


وانزيييييـن ..
ليش ما يفتحون مشروع أو يسوون شي بعد يخدم المجتمع ..
يعالج ظاهرة التخلف اللي منتشرة بين الشباب والبنات ..؟!
يعني دام عندهم بيزات زايدة .. حلو انهم يسوون شي بها ..
وبنفس الوقت .. يمتعون روحهم .. ويستانسون ويصرفون .. فكرة مو ..؟!

.
.


عسى الرحمن يبارك فيهم .. أكثر وأكثر يااارب .. ^_^