حـــاير ،، و ودك إتشــاور ؟!

[نجمة دبي]

مهابه:

انا قالوا لي سواء في الاشهر الاولى او الاخيره .. الصبغ مب زين لانه يحتوي على مواد يمكن تكون خطره عالجنين ..
واشوف حريم عادي يصبغون في الاشهر الاخيره ..

يمكن على حسب الشخص نفسه !!

اللي عندها اي معلومات تفيدني :)

من يوم عرسي ما صبغت شعري .. والحينه راسي مستوي لونين خخخخخخخ
ابى اصبغ حق عرس اخويه الشهر الياي

يعني انا بكون في السابع

اي نصايح؟؟ :)

[مــهــابه]

واللـه هذا اللي أعـرف أنـا ، ويمكن غـيري بيـفيدج

شخصيـاً مـا أفـكر اصبغ شعري مـوليه




~ مـهـابـه بـغـت تتخــبركم ، خـويه تـخـَرج وماخذت لـه هــديه ، شـو ممكـن أهـديه ؟ غـير العـطور لأن غـرفـته متروسه من العـطور

أنـا فـ الآشيـا الـلي تـخص الريـآييل مييييح ، مـا أعـرف شي

ممـكن تـســاعدوني ؟

[نجمة دبي]

مهابه:

تقدرين تاخذين له ساعه او بزمه
او طقم من باريس غاليري ( قلم + ميداليه + بوك ... الخ )

^_^

[بنت الدلع]

مهابه.. اذا هو من النوع الي يحب يلبس بزم
خذيله برزمه، واايد موديلات حلوه بتحصلينها

او خذيله ساعه، كاب، لبس رياضه، نعال وانتي بكرامه
ميداليه حق سيارته، او سلسله ذهب يعلقها في منظرة سيارته "which is a bit gurly"
ممم هالاشيا في بالي

العجيبه.. هزرج يعني؟ XP

مجموعة انسان.. ههههههه اتخيل يظهر روب من مسامات ويهك لول

[شوق القلوب]

السلام عليكم...

نجمة دبي..

لا تصبغين و لا اتسوين ليزر هالفتره.. خصه الليزر طول فتره الحمل لا اتقربينه..
بس الصبغ.. الدكتوره كانت قايتلي لين الخامس او السادس..

بس بصفه عامه.. حاسبي وايد على عمرج.. ترى كللللله يهون بس اتشوفين ولدج بخير و عافيه.. و هالسوالف موول ما تسوى اذا اتسبب شي للجنين.. بسم الله عليه..

..

والله يبالنا انزل موضوع عن الامومه..

..

انزيــــن.. بعطيج موقع حلو بيفيدج وااايد.. وحلو انه يتابع وياج الحمل .. حتى البيبي عقب ما اتربين بالسلامه ان شاء الله ..

http://arabia.babycenter.com/?intcmp...=BC%20Homepage

و فيه كتاب اسمه " ماذا تتوقعين عندما تكونين حامل "... واااااااااااااااااااااااا ااااااااايد زين.. فيه كل المعلومات اللي بتعيشينها خلال فتره الحمل و ما بعد الولاده.. كل شهر بشهره.. جداً مفيد..

بتحصلينه في المجرودي اللي في الفيستيفال..

[مــهــابه]

~ نجمه ، بنت الدلع :

ومـنكم نسـتفيد ، شكلي بآخذ لـه بـزم + سـآعه

مشكـوريــن . .

[مايهزك ريح]

^
مهابه ساعات ارماني فنانه .. او GF Ferre

هاي اللي عندي ..




وهاي بعد غاويه ..



وهاي نزلوا منها يديده بجلد لماعي بدال الربل .. ربيعي ماخذنها ..





و بعد Saint Honoré (عندهم gift set ساعه وقلم وبزمه * اعتقد *
مثل هذا

والبزم عندج دنهل .. واجنر ..st dupont
http://store.dunhill.com/USA/ENG/Pag...&group3=*EMPTY
http://www.st-dupont.com/en/catalogu...&id_cat_sel=21
وبولغاري ( في بزم في حدود الألف درهم ) .. ^_^!!
مثل هاي

[مــهــابه]

مـايـهزك ريــح :

يـعيبني ذوقـك والله ، حبيـت أول وثـاني سـاعه أكثــر ( عـيبوني )
ودخلت الويب سآيـت ، عـيبتني كذا بـزمه ، بس بعـد ما اعـرف هو شو يحب

بشـوف هالويـك إنـد شو ممـكن آشـتريـيله


مشــكـور أخــويه مايهزك ريح ، نخدمك فـ الآفـراح ان شاء الله :)

[نجمة دبي]

شوق القلوب:
مشكوووووره عالمساعده :)
وان شاء الله بشتري الكتاب .. تراني فاضيه ماعندي شي خخخخخخ

انزين وشو عن الحنا .. يعني اصبغ شعري بالحنا ؟؟؟

[عنــود المهـا]

.......

[بنت الدلع]

الحنا تبرّد الراس
بس انتي حامل ماعرف شو مضارها عليج
الحنا طبيعيه ومافيها مواد كيماويه

بس لا تصبغين شعرج وانتي حامل مب زين

[نجمة دبي]

بنت الدلع
مممممممممم
ما يتسوي جيه عاد :( شعري صاير لونين .. مب شي

ابى نصايحكم بليييز

[المزوحي]

بغيت أسألكم عن ( محامي ) يكون زين، وهل يختلف محامي من قضيه لثانيه ؟؟؟ وكم تقريبا ياخذون ؟؟

["الماسة"]

نجمة دبي: امممم انا مرت اخويه صبغه شعرهاا بعد الرابع..وهيه سألت الدكتوره قالت لها عااااادي..

وبعد انتي سألي الدكتوره وشوفيهاا شو بتقول لج ..

تربيين بالسلااامه ياااااارب ^^..

[نجمة دبي]

الماسه

مشكووووره .. ان شاء الله بسالها ^_^