حـــاير ،، و ودك إتشــاور ؟!

["الماسة"]

اممممم مااعرف بس الي اعرفه انه لو الي تحط ميكب اجنبيه وله لبناانيه و pro يااخذون اكثرر خاصه لو بيوونج الفندق أو البيت..

ساارا اتحط الميكب ب 1000.. makeup for ever عند منال الحاج ب 700وشي..امااا جوييييل لما اتصلت لصاالونهاا قالووولي تحط الميكب ب 10,000لوو

هيه بتي لج اماا لو ف صالونها 3000 وهذه لوو جويل حطت لج اماا الي عندهاا اسعاارهم واايد عاديه 250 العادي 500 ال special ف صالونهاا..

اما لوو هم بيظهرون ب 2000 وشي..( هذول كلهم بس ميكب بدوون شعر)..

اناا محتااره مااعرف ويين احط ميكب اتصلت لسارا عسب احجز عندها لعرس "لمعة الماسة" ان شاءالله..بس هيه ف هاليوووم busy..

اممممم كارلاا شبير ووين صالونها؟؟ أو كم رقمهاا؟؟ماكنت اعرف انها ف الاماارات..

ههههههههه..ماشاءالله مسوويه احصائيه..

اناااا بعد اباا استفيـــد..مااباااا حد يقص عليي..

[الـيـاه]

^
كارلا في شارع الشيخ زايد .. واسم صالونها كارلا للتجميل

[الـيـاه]

btw جويل مال بالصراحه احلى .. مينونه ترى

مره كنت مسويه بدي كير مني كير عندهم وقلت خل اسأل جويل عن شعري .. قالولي لو ابا منها استشاره بتاخذ 1500
هاي استشاره يعني بس تشوف شعري .. بدون ما يصبغونه والا يدقونه

قلت خل تولي منو تتحرا عمرها هي لوول

[بنت الدلع]

^ وايد مصدقه عمرها ذي !!
عنبو لو دكتوره ماخذت جيه لول

مكياجها حلو بس اشوفها واااايد تزييد من الكميه
جييييه طن باااودر "على قولتها" وخصه العين يوم تسوي سموكي وااايد تخورها
الوحده تطلع جنيه عندها لول


الي يحب الميك اب السمبل والبرو يسوي عند ماك
احيد ربيعتي سارت عندهم هي وخواتها
وواااايد ناااعمااات ظهرن
ميكبهم جدا راقي وخفيف عالبشره

["الماسة"]

هههههههههههههه والله..ماتووقعتهاا لهدرجه..

بس صالونهااا راقي..يحطوونه كل اربعاا ف الmbc الساعه ٩ تقريباا..

الياه:امممممم كاارلاا تحط حلووو؟؟ بااجر ان شاءالله بتصل فييها..
ُthanks alot..

بنت الدلع: كنت حاطه mac ضمن اللسته..بس مااعرف اختي مب مقتنعه وااايد (مع انها خذت دوره عندهم)..
thanks alot..

[طير الحب]

الياه....يقصون عليكم انتوا بروحكم ترومون تهتمون بشعركم

اقولج عمري ما حبيت الشعر الطويل بس ما ادري من قبل لا ايب حور قمت شوي اطول شعري ...بس عاد انا بالنسبة لي الشعر الطويل ليت تحت الجتف وحبيته وايد بس ما كان عندي وقت اهتم فيه بدا يخترب قصيته مرة وبعد يوم طول قام يخترب المهم امسات تخبلت مدحولي رجا في صالون الفرنسي اللبناني على خط المدينة الجامعية رحت...وانا طبعي احب اعطي الخبز لخبازه...قلت لها:ابا قصه عمليه لانه ما عندي وقت ايلس امشط شعري من ضغط الكليه وخبال الصغاريه ربي يحفظهم عاد قالولي تراها تبتر الشعر...بس حبين القصه صح وايد قصير بس عملي واروم اغير اللوك كذا شكل..واذا تبين عن تجربة احسن وحده حبيت حمام الزيت مالها صالون صوفيا بحلون احيد الاشتراك 165 6 مرات مع الابر وانت تختارين مرة تسوي لج حمام زيت ومرة اعشاب ومساجها عذاب...بس ما سرت لها اخر مرة يوم كنت حامل بالشهور الاولى لانه المساج اثر علي من نشيت اغمي علي فوقفت لين ما اربي وعقب التهيت.

وبعد السيروم وايد مفيد للشعر وحاليا بيرب شيء للشعر اذا نجح بخبركم

[طير الحب]

بااااااااااك....


نجمة دبي...ألف مبروك وربي يتمم لج على خير ويسر ولادتج


ممكن تبدين تشترين من الحين ولا تبالغين في الاغراض لانه عن تجربة ما شاء الله الهدايا ما تخليج تحتاجين شيء فأخذي الضروريات على ما اعتقد بتربين شهر 6 المهم بيكون بدينا الصيف فبتحتاجين سبحات الطقم القماط مع الجلابية لانه عملية يوم بتدلكين جسم الياهل بزيت الزيتون لانه اثبتت الدراسات انه يقوب عظام اليهال اذا بديت من البداية به وبسرعه بيقع لج قشور جسم البيبي...


تحتاجين لبس كامل اوفرول بتلقين في بيبي شوب كتجربة نوعيتهم زينه وممكن تلقينه في اي محل في محل اسمه كارتير يعيبني لبسه الي اعرفه انه موجود بستي الشارجه واسهاره حلوة وجربت في الغسيل ما يخترب ولا يتغير حجمه عكس بعض لبس مذركير....نصيحة في الاربعين اذا نلبين البيبي لبس كامل يغطي ريله لا تغطين راسه لانه في هالفتره جسم الطفل يفرز الابخرة الي خزنها خلال فترة وجود في الرحم .


تحتاجين للمستشفى فوط صغيرة بس لتغير الحفاظ لانه هم بيسبحونه...والفوط الكبيرة عمليا تحتاجين 3 يعني لو خيس وحده عندج احتياط .


تحتاجين شامبو وانتي اختاري الماركة الي تحبينهم بس نصيحة لست شهور لا تجففين جسمه بالصابون دوم لانه جسمه ناعم وحساس..

تحتاجين وقطن ومناديل وانا معاج اني ما احب استخدم المناديل لانه جسمه بس حساس بس استخدمه اذا رجع على ملابسه وبعد اذا رجع علي يعني بتحتاجينها للتنظيف.


عندج شنطه له للمستشفى وبالنسبة للسرير شوفي انتي شو تفصلين انا حبيت ماركة جونيور في بيبي شوب ما شاء الله عبادي وحواري استخدموه نفس السرير واخذي له الكفر الي يكون محاوط السرير هذا لغرفتج بس ببيت اهلج خذي شاطوحه صغيرونه لانه وسهله النقل.


الاندر وير كتجربة بيبي شوب النوع الي ايج ملون زين والابيس الساده الزين الي مصنوه في بريطانيا وحتى الي الحبة 14 زين وايد انا عادي اتم غسيل يومي لمدةه سنه ما تخترب الا من تصغر ما استخدمها طبعا...

سليب باغ...وحده لانه بتبيج هدايا ممكن تشترين او تفصلين على ذوقج.

الطربال الصغير شوفي في بيبي شوب كذا خيار وين اذا بتريحت الياهل شوي من الحفاظ ممكن تحطينه عليه.

الحفاظ اذا ترومون تستخدمين ماركة موني فهي التوب عندي البامبرز ما اتحمله ابد بس ما يتحصل باي مكان انا اخذخ من جمعيه الشارجه او من خورفكان يوم كنت ساكنه ببوظبي ما القاه.

واذا ذكرت شيء برد اكتب بس نصيحة لا تبالغين في المشترى...


اذا تحبين تقرين في كتاب اسمه أمهات للمرأة الأولى في دبي للتوزيع مرجع جد راقي وعملي وايد ساعدني على تربية والعناية بالطفل..

[بنت الدلع]

^ رجاااااااا

يعبجنيييي قصهااااا
وااايد احب هالبنت
وعلى فكره ايدها تطول

اخر مره قصيت عندهم الفرنسي اللبناني
كررررررهتهم خربت ليي شعري
وحده ماااتعرف تقص ولا تعرف تيود المقص
ماعرف شو اسمها بس من زمان هناك جيه شوي دبه وملامحها وااايد ناعمه وشعرها اظن اسود مادري صبغته
يوم سرت رجا ماكانت موجوده فقصت لي هذي
ما توقعت جي بتخرب شعري
لان بس بغيت ترتب لي الاطراف
والله والله ماتعرف تيود المقص
تقص حبه حبه
ويوم سشورت شعري اخيييييج كيف سوووته
شغلها جدااا مب حلوووو ومب مرتب

عادة حق القص اسير عند وحده اسمها ايمان
كان صالونها عالبحيره
قصها ولا اروع
ويوم اقص شعري عندها القصه اتم جيه 3 4 شهور ماتخترب
واي حد يشوفني يسألني وين قاصه شعري
لان هي تعرف شو القصات المناسبه للويه

بس الحين سكرت صالونها

[الـيـاه]

طير الحب : هيه , انا كنت ابا اسألها عن الصبغه .. لانه الصبغ مستحيل تسيرين اي مكان وتصبغين! والله يعينج ويخليلج عيالج 3>


بنـات ..
فالفتره الاخيره قمت اسوي تريتمنت حق ويهي , فيشل وهالسوالف في جيفنشي رويال ميراج .. زينييين وايد

بس يمكن حد منكم مسوي فمكان ويمدحه
خبرون عن الاماكن اللي تسوون فيها ؟

[بنت الدلع]

^ ماجد سويت فيشل لاني ما اثق في الصالونات وايد
والفيشل يظهر حبوب

بس مرت اخوي تسوي عند بافان الي في الشارجه ووايد تمدحهم

[الـيـاه]

^ لا مستحيل تسوين فيشل عند صالون اصلن S:
لازم خبيره جلديه بروحها والا خبيرة في spa وهالاماكن

بس ابا اماكن غير عن اللي جربتهم .. قوم كليوبترا وافي وجفنشي

["الماسة"]

امممم بخصوص الفيشل وهالسواالف..ناادي سيدات الشارجه واااايد زييين..بس انا يووم روحت مع "طعون القلب" قاالت لي انتي مايحتااي تسويين..بعدج صغييره

والخبيرات ينصحون بانج تسويين بعد 25 (فشلتنــــي)..

وبعد اوباااجي وااايد وااااااايد اوكي..حتى لو بس خذتي من عندها كريمااات الفيشل والماسك تحسين بفاايدتهاا..

[الـيـاه]

اويه منو يقول لازم 25 هو حق 20 وفوق
وايد احبه لتنظيف البشره

[الـيـاه]

i wannnnnnnttttttttttttt

["الماسة"]

امممممم ماااعرف بس اختي بعد ماااتخلييني لانهاا دوم ترمس خبيرات..واناا ماااقتنعت الاا يوم روحت وقالت لااء حراام تسويين..

قالت لو ويهج فييه خطووط وله حبوب بسويلج..وقالت الفيشل يرهق الويه ومااعرف شووو (كان عمري ١٨)..

وقالت بعد ال 20عاادي اسوي الفيشل مال العسل والخيار يعني الطبيعي..مب الفيشل العميق..