حـــاير ،، و ودك إتشــاور ؟!

[شوق القلوب]

هلا نجمه..

بالبركه عليج مقدماً.. ^_^

..

الله يسلمج سوي مثلي.. ادخلي mamas & papas.. و اتلفلفي في المحل و اشتري الموجود عندهم..

يعني يبالج هالسله اللي قالت عنها شمعه.. واااااااااايد زينه و عمليه ..
وخذ حوض..
و ماترس للتبديل..
و هالكرسي اللي يطيحون عليه الياهل..

و خذيله من هالبجامات اللي اتي كامله لانج وااايد بتستهلكينهم.. يعني يبالج اقل شي مال 10 بجامات
عندج من ماركس اند سبنسر..يبيعون اللي من 0- شهر واحد.. وايد زينين للـنيوبورن.. و نكست..
و خذيله ملابس داخليه.. تقريبا بعد 10

وخذي قماطين او ثلاث من عند مذركير .. اللي يتلفلف.. دوريه بتحصلين عليه صوره ياهل امقمط.. جي ايي الواحد ب120..
من غير هالقماطات العاديه اللي اتي مربعه..
و خذيله فوط.. يبالج بعد 10..
و ليفه و صابون و شامبو و عطر..ومناديل رطبه.. و هالكريم سودوكريم للبامبرز..
و شنطه صغيره لاغراض البيبي يوم بتطلعين..
و عده صغيره اللي فيها بروش و مقص ظفور و هالسوالف..
في مذركير بتلاقين ترمومتر للحراره اتحطينه في حوض الماي عشان اتكون درجه مناسبه للبيبي..

و عن الكبت انا خذت سدات من ايكيا بلون يناسب غرفتي.. اشوف انه واايد عملي..

ممم.. و شو بعد !

هي .. خذيله هالمخش ..اللي اتحطين فيه البيبي.. يوم حد بييج او بتسيرين مكان..

صابون غسيل لثيابه.. و خذيله غساله صغيره اتكون له بروحه..

ممممممممم... هاللي اتذكرته للحين..

[مجموعة إنسان]

بالبركه نجمه


لا تنسين الهوكي توكي
عسب اذا كنتي برع تسمعين صوت الياهل يوم يصيح !!!

[دمعة شوق]

مبـروك يـ نجمـة دبي والله يسهـل عليـج ،،

:)

آشـوف خواتيـه بتزهبن يشترن شنطة للبيبي والملابس الداخلية اللي هن الفواانيل واللبس الكااامل
عشاان اول مايطيح وشلي الشنطة عندج عشان مايلبسونه مـن لبس المستشفى ،،

وفـ الشنـطه حطي الباامبرز وملابسه الداخليه والخارجيه لول

ولا تنسييين الوااايــبـس لانه في اول شهوره مابترومين تنشين فليل وتغسلينه ،، واصلن مابتكونين في حاية الماي لانه الوايبس بيسدج ،، فـ الوايـبس بـ يسااعدج وايد
حتى وان كنتي ظااهره بقعه
\\

وااممممم ولا تنسين تشترين الزيت زيتون مال الجسم عشان ادهنينه ابـه لانه وااايد زيين
واممممم بس هذا اللي اتذكره
//

ويالله يتربى بعزكم مقـدمـاً
^^

[دمعة شوق]

صح وبعد لاتنسيـن شآمبـو آلآطـفـآآآآآل حطيه فـ آلشنـطـه ^^

[مجموعة إنسان]

لا تنسووون تسوون المخده بشيله تلفونها عالأيييد

ذكرتوني بيدتي يوم تسوي

[ملانـة]

مبروك اختي نجمة دبي و الله ايسرها عليج ان شاالله..
انا بنقلج الاشيا اللي بتحتاجينها من موضوع الاخت al7elwa80 في منتدى ثاني (مادري اذا اقدر اذكر الاسم و الا لا) و بضيف عليه بعد اللي اتذكره من حملي الاولي لاني اتوحم و تدرين الحامل شكثر تنسى لول
اولا تجهيزات البيبي
- سرير لنوم الطفل خلال الاشهر الاولى وغالبا مايكون على شكل سلة مثل اللي في بيبي شوب ويفضل مغطى -- اللي هو moses bag
- سريــــــر خشبي لغرفــــــه نوم البيبي ويكون كبير نوعا ما يعنى يكفيه لغايه سنتين اوثلاث
- دولاب لملابس الطفل وتلقونها بعد في بيبي شوب وبعضها يكون اعلاها حوض لاستحمام البيبي وانا خذته عملي وايد
- طاولة صغيرة توضع جنب سريرك علشان مراضيع البيبي والاغراض المهمه
- مقص الاظافر و مشط
- اكياس من القطن
- والكريم الخاص بما قبل تلبيسه الحفاظات --احسن نوع سودو كريم
- ممكن بدال الطاولة سلة نحط فيها الحاجيات اللي ذكرتها
- شراشف قطنيه لتغطية الطفل )احنا نسميها المهادات ويفضل تكون ناعمة )--- القماط
- لحاف او بطانيه
- جهاز مراقبة الطفل
-ملحف ومفرش لحمل الطفل وهذي بعد تلقونها في بيبي شوب اوmother care
اما بالنسبه للملابس فيفضل اخذها قطنيه ولاتكثرون لان البيبي يكبر بسرعة--- 10 من كل نوع كفاية لانج اكيد بتسلمين هدايا بعد... انا تبهدلت ويا بنتي لانه ماشاالله كبرت بسرعة و ما لحقت البسها كل شي!!!!
- قبعات قطنيه وقفازات لليدين وجوارب واحذيه لينه
- ملابس النوم ( ذات اقدام مفتوحه ومغلقه( على حسب الفصل اللي بتولدين فيه
- فنايل بدون اكمام وباكمام قصيره وباكمام طويله (اللي تنلبس تحت الثياب) ويفضل اللي تتسكر من تحت عشان تمسك الحفاظ
- بيجامات
- صدريات الطعام (علشان لما يرجع البيبي اكرمكم الله ,ماتتوسخ ملابسه)
- حفاضات البيبي
- مناديل تنظيف او فوط صغيرة --- face wipes & skincare/diapers wipes
- مصاصات عشان لما يصيح البيبي يمصها وينام
وكذلك هناك اغراض ومعدات الرضاعه وهي
- علبة حليب بودرة -- جيكي ويا دكتورتج بعد الولادة اي نوع يناسب بنتج\ولدج
- زجاجات الحليب والحلمات - اللي مقاسها متوسط احسن من الصغيرة والكبيرة
- غلاية للماي اللي بالكهربا
- وجهاز التعقيم --- أهم شي
- فراشي لتنظيف زجاجات الحليب
وايضا اغراض الاستحمام وهي
- مستحضرات الطفل من شامبو ولوشن وبودرة واسفنجة الاستحمام اعواد قطنية لتنظيف الاذن وكريم لما قبل تلبيسه الحفاضات وغيره
- وكذلك حوض الاستحمام
- والفوط بس تكون ناعمة وممكن روب
- جهاز لقياس حرارة الماء
ولاتنسوووووووون
- صابون خاص لغسل ملابس البيبي
- plastic matress to change the diapers
شنطة البيبي ويا ملحقاتها. احلى كولكشن بتحصلينه في تك تك بس نصيحة لا تاخذين شنطهم لانه مرتين خذت من عندهم و اخترب السحاب.. خذي الاغراض كلها (شنطة البامبرز و كفر المرضعة و المصاصة .. الخ) و الشنطة خذيها من محل ثاني.. انا خذت من اخر محل في الفيستفال في السيد اللي مجابل تك تك بس نسيت اسمه )
جهزى صوانى للشوكولا
وللسندويشات للبيت والمستشفى واي انواع اكل للتقديم
والتوزيعات اللي بتقدمينها للضيوف
ودلال الشاي والقهوة للمستشفى مع الفناجين
وفي اشيا اساسية ننساها مثل
- مسجل صغير واشرطة قرآن نحطه عند سرير البيبي ونشغله خلال ارضاعه ونومه
- مصحف يكون على الطاولة اللي عندك
- زبالة وانتو بكرامة خاصة للحفاضات وتتميز بانها ماتطلع ريحة مزعجة
اتمنى لستة الاخت تفيدج و الله ايسهلها عليج يا رب

[صريح]

الكل ما قصر فالمعلومات عن اغراض اليهال


بس انا اشوف اهم شي انه تعطين الابوو كورسات من الحين عساس انه يتعود على صياح الياهل
و النشه نص الليل و الحشره لانه ما بيكون متعود ع هالشي خصوصا انه وراه دوام الصبح و اذا نش نص الليل
المزاج بيكون خايس و عادي يكون معصب


لازم يتعود و يتوقع هالشي من قبل عسب ما تيه الصدمه عقب



اسألو المجرب لول

[شوق القلوب]

والله و كبرنا .. و استوينا نرمس عن اليهال.. ^_^

عسى الله يجمعنا في نفس المكان .. و نرمس عن ترجيبات الظروس..

[مايهزك ريح]

^
هههههههههه

صريح مجرب من ورانا .. اعترف ^_^!!

[العجيبة]

ما شاء الله حتى صريح طلع ابو


اما صريح الصراحة تحفــة


قالوا الناس نحن متخرجين من الكلية ، قال انا بعد

قالوا بعد كم شهر ... تخرجنا من الجامعة ... قال انا بعد


قالــوا بعدها باسبوعين تخرجنا من الثانوية ، يـا وقال انا بعد ما باركتولي خخخ


الحين الناس يابوا او بييـبون عيال .... قال انا مجــــرّب !!


خخخخخ


مبـــروك نجمــة دبــــي ..... بس اهم شيء لا تكثـري من الملابس ... عندنا ولد اخوي من كثر ملابسه ، نادر اذا لبس نفس اللبس مرتين ، وغيييير اللي بعده ما لبسهن وكبـر عليهن !!!

[تحفه]

^يقولون مافي احسن من المستشفى البريطاني في بر دبي ..

[جنون امرأة]

تعرفين حد مجرب ؟؟

[العجيبة]

^ جنون انا بجرب ( بعد اسبوعين تقريبا )


في نفس المكان اللي قالت عنه تحفة - المركز البريطاني - بس فرع بوظبي !

وايد مدحـولي ايااااه وان شاء الله خيــــر ....

[تحفه]

هيه اعرف .. ومن ثاني يوم استانفت حياتها العاديه جنه ولا شي صاااير ! ;)

[بنت الدلع]

تحفه: هذا زيت تسخنينه في ماي ساخن لمدة دقيقه وبعدين تحطينه على شعرج مدة دقيقه او دقيقتين وبعدين تغسلين شعرج كالعاده بالشامبو و البلسم
يعيد للشعر الجاف رطوبته ونداوته ويخلي حبات الشعر ناعمه ومتماسكه
هو مب بس حق الشعر الجاف لكل الانواع
انا استخدمته لان في فصل الشتا الشعر وايد يفقد من رطوبته ويكون معرض للجفاف
بس وااايد حبيته

اسمه Planet spa Mediterranean Olive Oil Hot Oil Treatment

-----

وفي بعد نوع ثاني اسمه PLANET SPA Palm Desert Rose Oil Hair Elixir



بعد نفس الوظيفه بس ماجربته