حـــاير ،، و ودك إتشــاور ؟!

[قصايد غلا]

بالنسبة للعبي العملية ، شفت على ربيعتي عباه خفيفة
قالت لي : من محل في بن سوقااات فوق

أحييييد إني داخلتنه قبل سنة ولا سنتين على ما اعتقد

بس شي من عبيهم حلوات وخفااااف يعني زينات لكل يوم

[شوق القلوب]

لااا شووق
لاتسيرين الى في برجمان.. سيري الى في وافي خان مرجان

يا سلام .. احسن مكان..
زين بالثلاثاء ان شاء الله بسيرلهم..

..

[هزاايم]

اقووول

ممم ممكن تقولون لي كيف ينظفون الشنط الجينز لكن جينز ابيض
شنطتي اللي احبها اغمج لوونها من العباا ومااريد اعطي المحل،، حرااميه يقصون علينا مايردوونها بالسرعه وانا اريييدها... ف كيف ينظفوونها
فكرت اعطيها للاندري بس اختي نقعت علي من اضحك ,,ماايضحك الشي
كيف انظفها؟؟ارد لها بياااضها؟؟

[عهد الوداع]

انا بعد كنت افكر اشتري هالمسكره ....لانه الكل يمدحهاااا

بس كنت متردده .....

[شوق القلوب]

السلام عليكم..

بنووتات.. شو جهزتولكم للعيــــد ..؟؟

توني أفتكر انه ما تم شي عليه..

عني ما ابا اشتريلي بدله .. يعني ماابا قميص و تنوره..
و مخاوير و مغربيات .. عندي

بس ابا شي غير.. و يكون شي صدق حلو للعيد..

[قصايد غلا]

بالنسبة لي ما سويت وايد أشيا للعيد

بس فصلت لي كنادير خفاف حق الضحى

و عندي كندورة فيها شغل باللولو مفصلة في الهند ، بحط صورتها عقب بعد ناااعمة

و شووو بعد .. هييييه فصلت عبي هنتين فيهن شغل و قصّااااات بالنسبة لي غريبة
بس ابا لي بعد كم وحدة من اللي اسويهن دوم "يوم بخلص الامتحانات بسوي عبي حق كل يوم"
لأن العبي الخفاف أستهلكهن أكثررر

و عندي جينزااات .. هيه يبا لي قمصااان و أي شي بــ كم طويل عن البرررررد


و يبا لي نعلة و انتوا بكرامة ، و شنط و بجاماااااااات و جحال و كم روج و غلوس و بسسس

[مــهــابه]

بـالنسبه لـي أنـا فصـلت عبـاه لـ صبـاح العيد ( مسكره طبعـا ) هي بسيطة بس فيها قصة عـند الكم وعيبـتني ، احسها تـنفع للعيد وعمليه بنفس الوقـت ..


مفصـله مخـور بس مب لـ صباح العـيد ، عـاديه يـعني ، أول يـوم بـآخذ لي جلابيه ان شاء الله أبـا أغير شويه

اشـتريـت لي نـعال لـ صبـاح العيد بعد ( بنيه ) ، يبـالي وحـده سوده جعبها صغير

وخذت بـودره + جحال + ماسكر + 3 غلوسات ، مـره عن المرتين بما اني كنت خاطفه بـاريس غـالي

عـ فكره انـا ما احط بودرة بالعـاده ، بس بنجـرب الحين ، بنشوووف كيف لوول

وخـذت لي عـطر اعـربي + عطـر مال العـبي من اليـاس ، صـح اني ما احب العطور العـربيه ، بس هذا من النوع اللي هادي مب من هاللي يحطونه العيـاييز ويدوخ بالـرأس

أبـا بدلـه لـ صباح العيد بلييل + شنطـه يد

و2 و3 يـوم عيد اكيـد بنطـلع فـ جينزات وعبـاه مسكره والسـلام


أول مره اتـزهب للعيد بـدري ، العيد اللي طاف عباتي يايبتنها قبل العيد بيـوم ، بس هالعيد مادري شو مستوي بي ، متحمسـه واايد ، من هالأسبوع حاجزة الحنايه لوول

[عهد الوداع]

ما شاء الله عليكم

صج اني بارده بعدني ما سويت شي للعيد ...

[أنامل قلب]

^ هم آنا ما سويت شي !
مول يعني ،، أصلا مو مستوعبه إن العيد قرب !!!!!

[دمعة شوق]

شـو آحسـن سن بـلوك ؟!

كنت استخدم مال جيرلان ، وابا اغير بشو تنصحونـي ؟!
^^

[قصايد غلا]

^ يمدحون مال كلارنس ، أنا مرة استخدمته بس :)


لو سمحتـــوا .. أباكم تعطوني أفكااار لهدية

أبا أشتري شي حق حفيد عمّوه بمناسبة عيدميلاده ،
عمره 4 سنوات بس محتارة مب عارفة شو آخذ له

لو بنت بعرف أشتري لها بس الولد مشكلة

[المزوحي]

قصايد سيري التعليم المبكر او هاملز في دبي مول

[شوق القلوب]

اليوم سرت الستي.. موووول ما حصلت شي يعيبني..

شكلي بعيّد بالمغربيه

وللاسف كان الستي هو الاقرب لمشاويرنا.. قلت عل و عسى اشوف فيه شي

[المزوحي]

شو احسن جوتي مشي ( رياضه ) كان عندي اديداس من كم سنه وخذت بوما، بعد مرتين من المشي اكتشفت إنه ضيج

وعندي من اسكتشير (ايكو) لكن مب لين هناك حق المشي، فكرت آخذ غيره، وشفت شي من الجواتي فيه خاصية الجل

[تحفه]

^ Nike ;)

walk on air