حـــاير ،، و ودك إتشــاور ؟!

[قصايد غلا]

شوفي رامي العلي بعد ، حلوة فساتيييييينه

رقمه : 5607 394_04 =) ...

[مــهــابه]

تشكرات قصايد ، باجر بتصل له قبل لا اروح وبشوف جان عنده أشيا حلوه . .


سوري عبلت عليج ^^"

[أنامل قلب]

^^^^^^^^ تسلمــــــوووون جميعا وما قصرتوا وربي ..

ووووو اختي مهابه .. جان مصره تصممين فنصيحتي لج اهتمي بـ الخامه والقطعه أكثر من الموديل نفسه ..
لأن ياما تلاقيلج قطع حلــوه وناعمه ومايحتاجون لتصميم معقد ولا غيره ..
بالعكس تلاقين القطعه نفسها بلا شي موديل ^^"

وبيظهر لج شي سمبل وناعم + حلو بنفس الوقت ..
+ ممكن تلعبين بالاكسسريز !

خصــه إن ياما يظهر الموديل اللي نبغيه بالخيــال غير عن اللي نشوفه بالواقع ..
مع ان اللي بالخيــال ما يتعدى البسيــط ..
يعني صعب يسوولج اللي تحطينه ابـ بالج ،، إلا جان تركتي المجال حر للمصمم ..
ويظهرلج الموديل بالنهايه مفــاجأه =)

عني ،، متوهقه من الخــــــــااااطر ..
عدنا ما شاء الله 5 أعراس ،، وكلهم من الأهل وغصبا علي أحضر وانا كاشخه !

واحد توه حضرناه ، واثنين قريب ، واثنين طي التخطيط لول ..
ربي ايحفظهم ويبارك ابهم جميعا .. . !

فـ من الخــــــــــاااااطر متوهقه ،، خصــه إني مب ناويه أصمم لأن الصراحه تعب ..
وبنفس الوقت مب دوم يصادف وتلقين شي يناسب !!

يعني بالمختصر المفيد ،، الله يكون بالعــــوون ..

.... .

[أنامل قلب]

:

[ سكــَـون ]



عليــَـج بـ النقـَـآب الفرنسي . . !
وايــَـد مريــَـح وخفيف . .
تحصلينه فـ كل مكآن .. =)
،
.
.

جان زين ابـ كل مكان ..

تخيلي انصدمت لمن دخلت محل عبي وقالي مانبيع لا نقاب ولا غشوه ولا هم يحزنون !

بس النقاب اللي أطريه شكله غريب وجي ما شفته إلا مره ..
+ المشكله ان هذي البنت ماعرفها يعني مافي مجال أسألها مره ثانيه ><" !!

بس يسلمــووو وما قصرتي حبــابه ..

^_^ ..

[مــهــابه]

أنـامل :

أنـا لازم أفصل ، يعني لو هـو عرس واحد من الأهل ولد عموه ، بنت عميه شي جيه عادي بشتري جاهز
بس هالمره غير ، انا في ويه المدفع ، فلازم يكون شي مرتب وحلو

بالنسبه للخام ، انا افضل انه المصمم يكون عنده الخام والتصميم ، ابا كل شي ع الجاهز لوول
لأني من زمان مافصلت ، يعني اخر فستان خذته قبل شهرين ، وخذته جاهز


يعني لو بتسأليني متى اخر مره فصلت يمكن في 2003 عـلى أيام وليد عطا الله . .

ومن عقب قمت اشتري جاهز

عسب جيه ماعرف شو اليديد ف السوق من صوب الخامات


بس هالمره حابه اغير ، عسب جيه



انا قررت باجر ان شاء الله اتحوط فـ جميرا وبشووف


وجان حصلت شي عيبني بخبرج ، بس اقولج من الحين ، انا وحده راعيه الاشيا البسيطه ، ماحب الخرابيش وايد :P

[أنامل قلب]

^ وحلاته البسيط =)
+ عـ قولتج ،، دام السالفه جي عيل التفصيل أمر لا بد منه ..

من جي قتلج جان بتفصلين ركزي عالقطعه وخله الموديل بسيط ..
حتى أذكر وحده مره اسئلت عن موديل ثوب وأهو بالنهايه ماكان به موديل ..
مجرد إن القطعه فيها تفاصيل حلوه ،، وظهر الثوب ناعم ..

+ الاكسسوارات تنفع للبسيط أكثر .. يعني مثلا لو حاطه ابـ بالج من الحين موديل معين لشعرج ،،
اممم مثلا لو ناويه تحطين شي ،، والاكسسوارات الثانيه بعد ،، يعني !

ما قدر أفصل أكثر شو أطري بالاكسسوارت لسببين ..
الأول انه يعتمد عالقطعه والموديل واسلوبج باللبس ..
وثانيا لأن الواحات مختلطه ما قدر آخذ راحتي بالسوالف !
أحس مادري ،، حتى سوالفنا هذي تقطع ><" ،، شكلي بشجع لفتح واحة خاصة بإناث الواحات ^^"

وبالنهايه ..
لا تنسين تعزمينا لول .. >> وحده تبي تشوف اللي بـ ويه المدفع ^_^ ..

وووو بس .. ربي يوفقج ويحفظج اختي ..

.... .

[مــهــابه]

^
أفـا عليج اعـزمج ليش لا
بس خليني اتأكد انه كل شي تمام ، وخليني احصل مصمم محترم
وعقب يصير خير ..

ماسرت اليوم ^^"

[قصايد غلا]

السلام عليكم


أبــا سن بلوك ، أنا أستخدم واحد و عااايبني لكن المشكلة إنه موووووووول ما يتحصّل

عشان جذه لو تعرفون سن بلوك زين خبروني عنه بليز ...

[شمعة أمل]

^
تبين سن بلوك حق البحر ولا شي مال كل يوم؟؟ اذا مال البحرررر انا استخدم واحد اشتريته في ايطاليا بس لين الحينه ماحصلته هني.. حطيته اسمه من قبل .. بس in general كلهم زينات!! حتى تحصلين مال السبورماركت والصيدليه ولا محلات يبيعون ملابس سباحه.. احسن عن هالاشياء الغاليه.. الى انا استخدمه كنت شارتنه من صيدليـه

بس اذا حق ويهج لكل يوم فـ هذا شي ثاني..

[أنشودة المطر]

ما يهزك ريح

أحيد في جميرا بيج شي كافيه أسمه "venice cafe" يربت كيكة من عندهم عليها فواكه أحيدها كانت وايد لذيذة بس من فترة مب قصيرة!

جرب شغلهم يمكن يعيبك!

[قصايد غلا]

شمعة : حق ويهي ، لكل يوم =)

[شمعة أمل]

هالصيـف يلست أدور وأدور وأدور وآخر شي حصلت كريم ممتاز
ترا شو.. انا احط مويسترايز.. وماحب احط سن بلوك وفوقه
واذا احط سن بلوك .. ماحط مويسترايز فوقه!
لانه مابا i over-moisturise ويهي .. عشان آخر شي البكتريا تتكاثر وبيطلعلي حبوب.. < كل البنات الى يستخدمونه هالـ 2 ويههم مخترب.. لانه يوم وايد تستخدمين هالسوالف ويهج يستوي دهني.. وتطلعلج حبوب

فـ حصلت مويسترايز خفيـف وياه مخلوط سن بلوك وايد وايد وايد حلووووووو!! بس ماعندي اسمه الحينه.. اشياءاتي مايوو من لندن.. تأخرو هالمره.. بيوصلون باجر .. فـ اقدر اصورلج الكريم يوم يووصل لو تبين! اشتريته من هارفي نكلز في لندن فـ اتوقع يبيعونه هني! *اظنييييييي اسمه love مب متأكده بس اظنييييييي*



مايهزك ريح
جرب كيكات جوكواا.. وايد لذيذه!
واذا حق بنت عوده.. كيكة جوكلت موس من برج العرب
وبعد كيكات french bakery ولانوتررر

[قصايد غلا]

أوكيه شمعة بترياااج ، شكراً ...

[مايهزك ريح]

مشكورين على الرد خواتي .. شمعة أمل وانشودة المطر

[وحي القلم]

قصايد غلا

اممم مادري و الله.. أنا شايفه فستان حلو على وحده من تصميم نسرين

و جانج تبين الصدق كنت شايفه مذيعه لابسه فستان يلوع بالجبد من تصميم أماتو ..!

بس عموما.. الفستان ما يعتمد عالمصمم كثر ما يعتمد على ذوق صاحبته

..