موضوعج عاد بي لعشرين سنه ورا *_* احم تراني مب وايد عيوز بس ابي احدد مرحلة الطفوله الي كنت فيها *_*
بنت يرانا تطلقت بعد سنه ونص من الزواج وعندها ثمره هالزواج ولد الله يذكره بالخير ،، تدرون شو صار اسمها بعد الطلاق ؟؟؟؟؟ المطلقه ببساطه ما اذكر حد من اهل الفريج زقرها باسمها لدرجة ان انا الياهل وقتها ام 5 او 6 سنين تجرأت مره وقلت لامي اني كنت العب ويا ولد المطلقه لاحظو اني ما كنت اعرف شو يعني مطلقه واتحراه اسمها بس اسميني انظربت ضرب كل هالضرب بس لاني تجرات ونطقت كلمة مطلقه الي كانت محصوره ع الكبار بس وممنوع نرمس ف هالسوالف
الحين عقب هالعمر افكر فيها وقلبي يعورني عليها كيف كانت اتحس يوم حد يزقرها بالمطلقه ؟؟ يعني النظره الي كنت اشوفها ف عينها تعني انكسار ؟؟ حزن والا ألم ؟!!!
الطلاق مش سهل لكن بعد انه الوحده تتمسك بالريل عشان العيال ونظرة المجتمع الصراحه ظلم وحرام يعني تذبح عمرها عشان المجتمع الي ما يرحم ؟؟؟ هو في كل الحالات الناس بيرمسون يعني اذا الحرمه متغربله ويا الريال بيقولن اشعنه ميته ع الريل وتامه وياه تتطلق اخير ويوم تتطلق تستوي الجاحده الي ما شكرت نعمة الريل لان في غيرها وايد مب لاقيات ريل ( مابقول الكلمه الي يطلقونها على العزباء الكبيره ف السن ) ويتهمونها بالبطر وانه المفروض كانت تصبر على ظلم الريال وظيمه عشان هالعيال ما يتلتهون !!!!
البيت الي مافيه تكافؤ والعيشه بين الشريكين صارت مستحيله كيف بتكون بيئته وهالعيال كيف بيربون وهم يشوفون مأساة أمهم ؟؟؟ ما بيحدقون ع الاب وبالتالي يوم يكبرون ينتقمون منه لامهم ؟؟ وايد صارت مثل هالحالات في الحقيقه
النقاش ف هالموضوع ماله نهاية واعتقد لو اكتب لباجر ما بخلص ..
الله المستعان الصراحه الوحده تيلس ف بيت اهلها معززه مكرمه اخير من زواج ولا طلاق
رد مع اقتباس
مواقع النشر (المفضلة)