السلام عليكم
موضوع جدا قيم ... والأهم إنك تحصل انسان يشجعك على هالخطوة بدون ما يكسر مياديفك
بقولك قصه واقعيه ...
ثلاث أصدقاء ... درسوا ويا بعض وتخرجوا ويا بعض واشتغلوا بعد بنفس التخصص مع بعض
اثنينه منهم اتجهوا للعقار والمقاولات براس مال بسيط ....بس كونوا لهم اسم امبين الناس وصاروا أشهر من النار على العلم ... طبعا بعدها استقالوا من وظيفتهم إلي ما استمرت أكثر من ست سنوات
هالاثنينه كونوا مستقبلهم وبنوا بيوتهم بدون انتظار القروض ، وعدهم شقق في لبنان ولندن يصيفون فيها كل سنه
الثالث ...تمسك بوظيفته واتخوف من تجربة المغامره إلي دشوا فيها ربعه ... على قولة المثل عصفور باليد ولا عشره على الشجره ... تمسك براتب يعتبر الحين لا يسمن ولا يغني من جوع !!!
وبعده عايش ببيت إيجار ويا عايلته وينتظر الاسكان ....
طبعا هالقصه ما اعتمدت بس على المغامره .... ولكن تصميم وعزيمة بإنهم يكونون لهم قاعده مجتمعيه تنفعهم هم وعيالهم بمرور الأيام ... وهالشيء كان بالتوكل على الله ودعاء الوالدين ثانيا !!!
الثلاثه ... للحين يتقابلون أسبوعيا ...وللحين يصلون الجمعه بنفس المسجد برغم اختلاف المناطق ...وللحين يسافرون مع بعض برغم مشاغل الحياه ( الله لا يفرقهم)
بغيت أقول ... إنه بهالزمن إنه الوظيفه الحكوميه ما بتحقق للموظف طموحاته وأحلامه للمستقبل
لأنه الراتب نفس الراتب ...والزيادات السنويه يقابلها زياده بالأسعار ....فمستحيل إنه يوفر شيء
لازم المواطن يفكر بالمستقبل ....يفكر بمشروع صغير يبدأ به حياته ... ويديره بنفسه !!!
وينسى شيء اسمه ...ما بنجح !!! أكيد بفشل !!! أنا دوووم منحووووس !!!
عايش وهم .... يستوي أكون امرأه أعمال وإلا منقوووووووووود عند العرب
رد مع اقتباس
مواقع النشر (المفضلة)